मात्‌ति 13 मधील लोकप्रिय बायबल वचने

सामायिक करा

टरो ओचेट्‌नुना खाम्‌ङि ओठायागा लालिक्‌उम्‍बाक् नाड्‌डेगा याप्‌मिचि उलियुक्॥ हिट्‌नागाँ माङ्‌हाङ् रिङ् ओखेम्‍सुङ् बुजा ओचोगुटु, हिट्‌नुङ् छेम्‍बा डोक् उसा ओकेङुटु॥ हिट्‌नागा लेट्‌बालाक् लालिक्‌ङा साए गुना, साठि गुना हिट्‌नुङ् तिस गुना उसा ओकेङुटु॥”

टिउँबा घारिङि ओठायागा लालिक्‌उम्‍बाक् नाड्‌डे गाड्‌डेगा याप्‌मिचि उलियुक्॥ हिट्‌नागाँ माङ्‌हाङ्‌ङाना रिङ् ओखेम्‍सुटु, टरो ना नाराङि लिना जोम् थोक्‌ङि सुरटा ओचोगुटु हिट्‌नुङ् खोड्‌डे पारिक् माक्‍फेन्‍सुबेन् कामाँ चोक्‍माना रिङ्‌ङि ओबान्‌युक्, हिट्‌डेउङ् हिट्‌नागाँ ओखेम्‍सुना रिङ् ओमासुडेसुटु हिट्‌नुङ् पाक्‍चा टुल्‍फुल ओकेङुन्‍ना॥

आम्‍टेप्‍मा याप्‌मिचिङा टोनालोग्‌ङिना मुलुक् बारेङिना रिङ् खेम्‍माउम् ओखेम्‍सुटु, टरो बुजा ओचोगुन्‍गा हिट्‌नुङ् सैतान टायुङ् उन्‌चि निङ्‌ग्‍वाङि लिसाना माङ्‌हाङ् रिङ् नाप्‍टुचिउङ् खाट्‌टुएट्‌टुटु॥ नाम्‍बाक् लाम्‍बोङि ओठायागा लालिक्‌चि गाड्‌डेगा ए॥

हिट्‌नुङ् घेट्‌रेक् लिङ्‌गेॽवा बारिङि ओठायागा लालिक्‌ङाना उटुप्‌बाक् माङ्‌हाङ् रिङ् ओखेम्‍सुनामे हारका उलियुङ् बिस्‍वास काचोक् याप्‌मिचि ए॥ टरो गाइरो सोम्‍मा जारा ओठेन्‍डुन्‍गा उभुङ्‌मा याप्‍मा बेला सोम्‍मा टाक्‍टुन् गाड्‌डे डोक् हिट्‌नागाँ होप्‍मो बेला सोम्‍मा एडोक् बिस्‍वास ओचोगुटु, हिट्‌नुङ् माङ्‌हाङ् रिङ् बिस्‍वास ओचोगुनाँ याङ्‌छामा लोक् निङ्‌ग्‍वा छिक्‍मा टानामे बिस्‍वास ओनाडुएट्‌टुटु॥

“टोनालोग्‌ङिना मुलुक् स्‍वाँराङि हुम्‍बालाक् गारधान गाड्‌डेना डोक् ए॥ हिट्‌ना ठिबाङ् याप्‌मिङा टुबुङ् ठोबुढोटु, हिट्‌नुङ् हिट्‌ना याप्‌मि हारका लियुङ् खाड्‌युक्, हिट्‌नुङ् उन्‌लोक् लिसागा सोब्‍बे थोक् छोङ्‌सुङ् हिट्‌ना स्‍वाँरा इनुएट्‌टुटु॥

आरु आम्‍टेप्‍मा लालिक्‌उम्‍बाक् मोलिलो खाम्‌ङि ओठाए, हिट्‌नुङ् हिट्‌नागा लालिक्‌ङा कोइङा साए गुना, साठि गुना, तिस गुना उसा ओकेङुए॥

चालिङ् छुम्‍माना बेला मिलिए सोम्‍मा इप्‍पोक् डोक् एक्‍केउ पोमा पिडानुम्‌चिम्, हिट्‌नुङ् चालिङ् छुम्‍मा बेला आङा चासोङ् काहेग्‍बाचि लोडुङ्‌चिङ्‌चिङ्, पाइलेम्‍बाक् सामा आङ्‌सानुमुङ् मिङि टुम्‍माउङ्‌सा मुठा रेक्‍टानुम्, टरो गाहुँम्‍बाक् छुम्‍सानुमुङ् आङाना ढुङ्‌गुरिङि युङ्‌सानुम्॥’”