GÉNESIS 28 मधील लोकप्रिय बायबल वचने

सामायिक करा

Ñucaca, can maita rijujpipash ricuriashpa, canhuan pacta cashpami, cai llactaman tigrachimusha. Ñuca ima nishcata pactachingacaman, candaca na saquishachu” nircami.

Mandaj Dios, chai chacana umapi ricurishpa, cashna nijtami uyarca: “Ñucami, cambaj ñaupaj taita Abrahambaj, Isaacpaj Mandaj Taita Dios cani. Can sirijungui chai alpataca, canmambash, cambaj miraicunamambashmi carasha.

Jacob rijcharishpami, manllarishpa cashna nirca: “Mandaj Diosca, caipimari cashca. Chaitaca na yachashcanichu” nircami.

Chaipimi Jacobca, Diosman pactachingapa cashna nijurca: “Taita Dios, ñucata, maita rijujpipash ricushpa, micunagutapash carashpa, churajunatapash carashpa, ñuca taitapaj huasiman aliguman tigrachimujpica, Mandaj Diosca, ñuca Taita Diospachami canga. Tucuicuna ricunalla cachun churashca cai rumimi, Taita Diospaj huasi canga. Tucui imata ñucaman carashcamandaca, chungamanda shujgutami Diosman cupasha” nijurcami.

Cambaj miraicunaca, ñutu alpashnami miranga. Indi huashajunmandaca, indi llujshimujcaman, jahuamandaca, uracamanmi miranguichi. Canmandapash, cambaj miraimandapashmi, cai pachapi causaj tucui ayllucunaca bendiciai tucunga.

Shina rurashpami, chai pambataca Bet-el shutita shutichirca. Pundaca chai pambaca, Luz shuti pueblomi carca.