Popular Bible Verses from मत्ती 5

सामायिक करा

केऊ फेन दियाहे नानके छिटुवक तरे नै धारत! यिहिहे एकथो दिउँतमे धारजाजाइत, ताकि घरेम रहल सक्कुहुनहे यकर ओजरार मिले सेके। अस्तेहेँके तुहुरिन्के ओजरार मनैनके आघे चम्के। और ओइने तुहुरिन्के मजा काम देखिँत। और स्वर्गमे रहुइया तुहुरिन्के बाबक महिमा करिँत्।”

“तुहुरे सारा संसारके मनैनके लग ओजरार हस हुइतो। पहाड़मे बैठागिलक नगर नुके नै सेकत।

धन्य हुइँत उ मनै, जेनके मन शुद्ध बतिन। काकरेकी ओइने परमेश्वरहे देख्हीँ।

धन्य हुइँत उ मनै, जेने धार्मिक जीवन जिए चहथाँ। काकरेकी परमेश्वर ओइन्के इच्छा पूरा करहीँ।

पर मै तुहुरिन्हे कहतुँ, अपन दुश्मनहे प्रेम करो और तुहुरिन्हे सतुइयनके लग प्राथना करो

“धन्य हुइँत उ मनै, जेने अपन लग परमेश्वरके जरुरीक महसुस करथाँ। काकरेकी स्वर्गक राज ओइनेहेन्के हो।

धन्य हुइँत उ मनै, जेने मेलमिलाप करवैथाँ। काकरेकी ओइने परमेश्वरके सन्तान कहलाजिहीँ।

धन्य हुइँत उ मनै, जेने शोक करथाँ। काकरेकी परमेश्वर ओइन्हे सान्त्वना दिहीँ।

धन्य हुइँत उ मनै, जेने धार्मिक जीवन जिलक कारण सट्वा पैथाँ। काकरेकी स्वर्गक राज ओइनेहेँनके हुइतिन।”

धन्य हुइँत उ मनै, जेने दया करथाँ। काकरेकी परमेश्वर ओइन्हे दया करहीँ।

“धन्य हुइतो तुहुरे, जब मोरिक चेला हुइलक कारण मनै तुहुरिन्के निन्दा करहीँ और सतैहीँ और ठगके तुहुरिन्के विरोधमे सक्कु मेरके खराब बात बत्वैहीँ। तब् रमाऊ और गजब खुशी होऊ। काकरेकी तुहुरिन्के बहुत भारी ईनाम स्वर्गमे धारल बा। काकरेकी अस्तेके बहुत समय आघे परमेश्वरके अगमवक्तनहे ओइने सताइल रहिँत।”

धन्य हुइँत उ मनै, जेने नम्र बताँ, ओइन्केमे परमेश्वर अपन वाचा पूरा करहीँ।

येशू कलाँ, “तुहुरे पृथ्वीक मनैनके लग नोन हस हुइतो, पर नोनक स्वाद चलजाई कलेसे उहिहे फेनदोस्रे कसिके नोनार बनैना ते? उ ते बाहेर फेँकैना और मनैनके गोरालेके दब्ना बाहेक दोसुर कौनो कामके नै रहिजाइत।”

तबेकमारे जबफेन वहे काम करहो, जोन ठिक हो, और जिहिसे पता चले कि तुहुरे सक्कु जहनहे प्रेम करथो। जसिके स्वर्गमे रहुइया तुहुरिन्के बाबा वहे काम करत, जोन काम यी देखाइत कि ऊ सक्कुहुनहे प्रेम करथाँ।”

तुहुरिन्के कहल बात भर ‘हो’ कलेसे ‘हो,’ ‘नै हो’ कलेसे ‘नै हो,’ किल होए। काकरेकी ज्या यिहिन्से धेउर हुइत, उ शैतानके ओहोँरसे हुइत।”

येशू कलाँ, “तुहुरे सुनल बतो कि मोशक नियम कानुनमे असिके लिखल बा, ‘आँखीक बदला आँखी और दाँतके बदला दाँत।’ पर मै तुहुरिन्हे कहतुँ, ऊ मनैयासे बदला जिन लेऊ, जे तोहाँर संग गलत कर्ले बा। केऊ तोहाँर दाहिन गालमे चट्काई कलेसे उहिहे दोसुर गाल फेन दोगदेऊ।

पाप कर्नक कौनो फेन कारणहे हटादेऊ! जसिके तुहुरे कौनो अपन एकथो आँखी निकारतो, जे तुहुरिन्हे पाप करवाइत! काकरेकी तोहाँर सर्जे शरीर नरकमे फेँकाजैनासे ते, बेन तोहाँर अङ्गमेसे एकथो गुमैना तोहाँर लग मजा हुई। पाप कर्नक कौनो फेन कारणहे हटादेऊ! जसिके कि तुहुरे कौनो अपन एकथो हाँथ काटतो, जे तुहुरिन्हे पाप करवाइत! काकरेकी तोहाँरिक सर्जे शरीर नरकमे फेँकाजैनासे ते, बेन तोहाँर अङ्गमेसे एकथो गुमैना तोहाँर लग मजा हुई।”