ดอ โฆว 6 मधील लोकप्रिय बायबल वचने

सामायिक करा

โกบ ยึร เฌาพรา ลอง อัน ตี, อัน มืร มึห น็อห กลึร. อัน กาพา, อัน แฮะ กาลึบ ดี โบง ดูอี.

เฌาพรา ยี ยอด, ดูอี อี กอย แดง กาดาย บอกาเฆลียด, เฆ แฮะ ฮาย แฮะ มืก. ปี เฌณฌา เฆ อี เลห แคง น็อห เฆ บอ ปี โบง เฆ ดอน โมยว, อึณ ตู หมึอม โตต ดอน โมยว. อาว มึห อี หมึอม มาเซ.

อึณ ยี มึห ดา อู วี, อัน จืร อาโนว. เฌาพรา แฮะ ต็อห, อัน มึห น็อห ซืร น็อห หมาน.

คา นี ฮาว, ดี วี กาลาง ลอง อาซาก อาโนว. ดอ กอย อาโนว แดง กาดาย นี, อัน มึห น็อห ลูย. อาว ปึอน กาลาง อี ตู หมึอม ลอง อัน. อาโนว โดบ ซีคยา เฌาพรา.

อัน เฌา วี ต็อห, “โอว ดี ปยาต แวน ดูอี แปะ แฮะ โบง โอว. โอว อาว ฮู แตห เฆ กอย แดง กาดาย นี. บอ เฆ ดูอี, บอ เฆ โดว ซัดดาวา อี กอย แดง กาดาย, บอ มาซีม อี กอย แคง ฆางหราว, โอว ดี แวน โตต เฆ ดอน โมยว. น็อห โอว แฮะ กาพา, โอว แฮะ กาลึบ ดี โบง แตห เฆ มึห.”

อึณ ยี มึห ดูอี กืน แดง กาดาย. เฆ บอ วี มึห ฆอน อีบึณ กืน. ดอ อัน ตี อึณ ยี มึห เฆ อี จืร ฆอน อีมาย เฌาพรา, เฆ วี ยึร, ฆอน อีบึณ ดูอี แฮะ ชีด กาเซา. แฮะ ฮอต, เฆ วี ลาย ลาย, แตห เฆ แบน อีบึณ เฆ, แตห เฆ ปึอน ดี โบง แคะ ปี อึง เฆ. ดอ ยอด เฌาพรา ลอง อัน ตี อัน วี ต็อห, “พึอม โอว อี ดัว อาซาก ดี อี, โอว ฮู แตห อึณ กอย ดี เฆ เซเซ. โอว ดี แตห อาซาก ดูอี กอย อาดา อู มาย็อห ดี อา ฆึร ซีนัม.” อาคราว บาน ดอ อัน ตี อึณ มึห ดูอี โดว ดีโต็ง ดีตาง อี กอย แดง กาดาย. ดอ ลาย เฆ ฆอน เฌาพรา ดี ฆอน อีบึณ ดูอี, เฆ แฮะ มึห ฆอน ดีโต็ง ดีตาง ฌึร ตี. ฆอน เฆ ตี, เฆ แฮะ แบน ดา โบว ตาง บอ มึห โปลม กืน. เฆ มืร มูห ดา ตาง อี มึห ซาเร อาคราว ดอ มึอน.

วาย อัน ตี อาโนว ตึอน วี โบง โตต แปะ แฮะ ดัม อูน เฌาพรา ดี อัน.

โคว, เฌาพรา วี กาลาง โฆรห ดี อาโนว ตึอน. อัน ต็อห, “โอว แฮะ ฮอต ซูงพยาด ดี โบง, แตห อี กอย แดง กาดาย นี, ลึร ชึม โตต ดอน โมยว. โกบ อึณ มึห มี นา ตู หมึอม แดง กาดาย นี, โอว ดี ปยาต แวน บอ เฆ ดูอี บอ กาดาย. โอว ดี โบง, แตห อึณ ลึร โตต.

แม ยี โลว โบง รึร ซังโพว, แตห แม ตา เฮ โฆวพา. นา แคง, แม โลว โบง แบน โฮง แบน โฮง. บอ นา แคง บอ นา เรต, แม โลว พ็อห แฆร.

เฌาพรา ยี ยอด กาดาย บอ ยึร เฆ ดูอี แดง กาดาย. เฆ บอกาเฆลียด ตู หมึอม. เฆ อี กอย แดง กาดาย, เฆ บอกาเฆลียด ตู โบง นา บอด นา หมึอม.

อึณ มึห บอ โดว ซัดดาวา ดอน โมยว อี มึห อาซาก, แม โลว ดึห เบลห เฆ แคง รึร ซังโพว ตี, อู โมยว อู ฆู, แตห เฆ กอย รึม โดบ แม, แกวะ แตห เฆ ชึม.