লূক 17 मधील लोकप्रिय बायबल वचने

सामायिक करा

জা·মানো যীশু উয়া মান্দিনা আগানজক, “চাখাত্তে রি·য়াংবো। বিবিরা·আনি গিম্মিন না·আ নামজক।”

সালসানো নাং·নি সাক্কাও চাংস্নি পাপ দাক্কোদে আরো চাংস্নিআন রি·বাএ ‘আংআ পাপওনি গিসিক ফিল·জক,’ ইন্নে আগানোদে বিখো ক্ষেমা দাকনা নাংনুয়া।”

বিসংওনি সাকসা আন·থাংনি নাম্মাখো নিক্কে চ্রিকে ইসলখো রাসং চাএতে ফিল·বাজক আরো যীশুনি জা·চকো থুচিকোপে বিখো মিৎথেলজক। বিয়া শমরিয়া হা·দকনি মান্দিমিং।

“না·সং সিমসাকবো। নাং·নি জংগিবা নাং·নি সাক্কাও পাপ দাক্কোদে বিখো খা·চাবো। উয়া পাপওনি বিয়া গিসিক ফি·ল্লোদে বিখো ক্ষেমা দাকবো।

উনোন যীশু আগানজক, “সাকচিখুংখো নাম্মেতজামিংমা? ইন্দাকোদে সাকস্খুদে বাও?

গিত্তেল আগানজক, “সুলসু বিৎচ্রি রংসা গিত্তা না·সংনি বিবিরা·আ দংওদে না·সং ইয়া ফাংখো ইন্দাকে আগান্না মা·ন্নুয়া, ‘জা·দিলগ্মাং চাখাত্তে রি·য়াংএ আন·থাংখো সাগালো দাপ্পে দনবো;’ উনি গিম্মিন উয়া ফাং না·সংনি খাৎথাখো খিন্নানুয়া।

সাবা জাংগিথাংখো রাক্ষিনা হা·ম্মোদে বিয়া বিনি চং·মত জাংগিখো গিম্মায়েতনুয়া, আরো সাবা জাংগিথাংখো গিম্মায়েতা বিয়া বিনি চং·মত জাংগিখো রাক্ষিনুয়া।

যীশু আন·থাংনি জা·রিকগিবারাংনা আগানজক, “পাপনি রামাচানা রিম্মাংনা চলরাং সকবানোন, ইন্দিবা হং·সিখানা উয়া মান্দিনা, জে গিত্তা উয়া চলরাং সকবাআ! ইয়া বি·সা চনগিবারাংওনি সাকসাখো সাবা পাপনি রামাওনা রিম্মাংওদে, উনোদে বিনি গিদ্দকো দাল·গিবা গি·সা রং·থিখো খাদিংদিয়ে বিখো সাগালো গাল্লেতান বিনা নামবাত্তা।

“নোহনি সালো জেদাক্কে হং·আমিং মান্দিনি দেফান্থিনি সালোবা উগিত্তান হং·নুয়া। নোহনি জাহাসও নাপখুজানা দিপ্পাৎ আরো চি দাল·বাএ মান্দি গিম্মিকখো ব·ন্নেতখুজানা দিপ্পাৎ মান্দিরাং চা·আ-রিংআমিং, জিক খিম্মামিং আরো খিম্মেতামিং।