Popular Bible Verses from Mose I 1

सामायिक करा

Emegbe Mawu gblɔ be: “Mina ne míawɔ ame ɖe míaƒe nɔnɔme, eye wòaɖi mí, ne wòaɖu ƒumelãwo, xe dzodzoewo, aƒemelãwo kple gbemelãwo kpakple lã siwo katã tana le anyigba la dzi.” Ale Mawu wɔ ame ɖe eya ŋutɔ ƒe nɔnɔme. Mawu ƒe nɔnɔme nue wòwɔe ɖo. Ŋutsu kple nyɔnu wòwɔ.

Mawu yra wo. Egblɔ na wo be: “Midzi ne miasɔ gbɔ ayɔ anyigba la dzi, eye miakpɔ ŋusẽ ɖe edzi. Miɖu ƒumelãwo kple xe dzodzoewo kpakple lã siwo katã zɔna le anyigba dzi la dzi.”

Le gɔmedzedzea me, Mawu wɔ dziƒo kple anyigba.

Anyigba nɔ nyama, nɔnɔme menɔe nɛ o; edzi ɖi gbɔlo, eye viviti do ɖe aʋli gã la dzi. Mawu ƒe gbɔgbɔ nɔ agba sam le tsi gbana la dzi.

Mawu gblɔ be: “Kekeli nedo!”, eye kekeli do.

Tete Mawu kpɔ nu siwo katã wòwɔ la, eye wòkpɔ be wonyo ŋutɔ. Zã do, eye ŋu ke; eyae nye ŋkeke adelia.

Mawu kpɔ be kekelia nyo, eye wòma kekeli kple viviti la dome.

Mawu yi edzi gblɔ be: “Kpɔ ɖa, metsɔ nu miemie siwo doa ku le anyigba blibo la dzi kple ati siwo katã tsea ku la na mi, ne woanye miaƒe nuɖuɖu.

Mawu yɔ kekelia be Ŋkeke, eye wòyɔ viviti la be Zã. Zã do, eye ŋu ke; eyae nye ŋkeke gbãtɔ.

Mawu gblɔ be: “Dziŋgɔli nedo ɖe tsia titina ne wòama tsia me, atso wo dome, eye wòva eme.”

Ke gbewo kple amagbewo katã nanye nuɖuɖu na anyigba dzi lãwo, xe dzodzoewo kple nu gbagbe siwo katã tana le anyigba la.” Ale wòva eme nenema.

Azɔ Mawu gblɔ be: “Nu keklẽwo nedo ɖe dziŋgɔlia ŋu le dziƒo ne woade vovototo ŋkeke kple zã dome. Woanye dzesiwo, eye woafia ɣeyiɣiwo, ŋkekewo kple ƒwo.

Mawu gblɔ be: “Anyigba nemie nu miemie vovovowo: gbe siwo tsea ku kple ati tseku hamehame siwo ƒe kuwo nɔa tsetsea me la, ɖe sia ɖe kple etɔ le anyigba dzi”, eye wòva eme nenema.

Mawu wɔ dziŋgɔli la, eye wòma tsi si le dziŋgɔlia kple esi le etame la dome.

Anyigba mie gbe fɛ̃wo: nu miemie siwo doa ku vovovowo tɔgbe kple ati siwo ƒe tsetsea me ku le wotɔxɛwotɔxɛe, eye Mawu kpɔ be enyo.

Ale Mawu wɔ nu keklẽ gã eve. Ewɔ lolotɔ be eya naɖu ŋkeke dzi, eye wòwɔ suetɔ be wòaɖu zã dzi. Ewɔ ɣletiviwo hã.

Mawu gblɔ be: “Tsi si le dziƒoa te la neƒo ƒu ɖe teƒe ɖeka ale be ƒuƒuiƒe nadze!” Esia va eme. Mawu yɔ ƒuƒuiƒe la be Anyigba, ke tsi si ƒo ƒu la, eyɔe be Atsiaƒu. Mawu kpɔ be enyo.

Tete Mawu yra wo gblɔ be: “Ƒumelãwo nedzi, wonesɔ gbɔ, woneyɔ atsiaƒu la. Xewo nedzi asɔ gbɔ ɖe anyigba dzi!”

Azɔ Mawu gblɔ be: “Lãwo nedo hamehame tso anyigba me: aƒemelãwo, nu tatawo kple gbemelãwo.”

Azɔ Mawu gblɔ be: “Tsia nedzi nu gbagbewo fũu, eye xewo nedzo le anyigba ƒe ya me to dziŋgɔli la ŋkume.

Ale Mawu wɔ gbemelãwo, aƒemelãwo kple lã siwo katã tana le anyigba wotɔxɛwotɔxɛe. Mawu kpɔ be enyo.