Matthew 18 मधील लोकप्रिय बायबल वचने

सामायिक करा

“For whaur the twa or the thrie are forgatherʼt iʼ my name, thar am I iʼ the midsʼ oʼ them.”

“And ance mair say I tʼye, that gin twa oʼ ye mak it up on the yirth what ye sal ask for, it sal be dune for them by my Faither in Heeven.

And he caʼd till him a bairn, and set him iʼ the mids oʼ them, And quoʼ he, “Gin ye turn‐na, and come to be like a bairn, ye enter‐na intil the Kingdom oʼ Heeven.

“Whasae than sal mak his sel naething, as this wee bairn, the same is heigher iʼ the Kingdom oʼ Heeven.

“And whasae taks till him ae sic wee bairn iʼ my name, taks me till him.

“Truly say I tʼye, whatsoeʼer ye bind fast on the yirth, sal be bunʼ fast in Heeven; and what ye lowse on yirth sal be lowsed in Heeven.

“Eʼen sae sal my Heevenlie Faither do to you, gin ye forgie‐na ilk ane his brither‐man frae yere hearts!”

“But whasae sal mak to faʼ ane aʼ thae wee things that lippen tae me, it had been better for him to hae a mill‐stane hung aboot his neck, and he sunk iʼ the deeps oʼ the sea.

“Noo, hoo think ye, yersels? Gin a man hae a hunner sheep, and ane oʼ them is gane awa, dis he no leaʼ the ninety‐and‐nine, and gang intil the mountains, seekin the ane forwanderʼt?