Luke 17 मधील लोकप्रिय बायबल वचने

सामायिक करा

And he said to him, “Rise! and gang yere ways; yere faith has savʼd ye!”

“And gin aiblins he sins again ye seeven times in a day, and seeven times turns to ye, sayin, ‘I repent!’ ye sal forgie him!”

And ane oʼ them, whan he saw he was healed, cam back, wiʼ a lood voice giean glorie to God. And he cuist his sel doon at his feet, giean thanks to him; and he was a Samaria man.

“But tak ye tent to yersels! gin aiblins yere brither sins, rebuke him; and gin he repents, forgie him!

But Jesus answerin, said, “Warna aʼ the ten men made clean? but whaur are the nine?

And the Lord said, “Gin ye had faith eʼen as a grain oʼ the mustard seed, ye wad say to this sycamore, ‘Be ye liftit, and be plantit iʼ the deep!’ and it soud obey ye.

“Whasae is fain to save his life sal tine it; and whasae sal tine his life sal hain it!

And he said to his disciples, “It maun eʼen be that snares come; but wae for him throwe wham they come! “Weel for him raither, gin a mill‐stane war roond his neck, and he cuisten intil the sea, than that he soud ensnare ane oʼ their weans!

“And eʼen as it cam aboot in Noahʼs days, sae sal it eʼen be iʼ the Son oʼ Manʼs days; “They war feastin, they war drinkin, they war marryin, they war gien in mairriage; till the day Noah gaed intil the ark, and the flude cam and destroyʼt aʼ.