प्रेषित 11 मधील लोकप्रिय बायबल वचने

सामायिक करा

जेव्हा त्याने त्याला शोधून काढले, त्याने त्याला अंत्युखिया येथे आणले. बर्णबा व शौल दोघेही पूर्ण वर्षभर मंडळ्यांमध्ये अनेक लोकांना भेटून शिक्षण देत राहिले. अंत्युखिया मध्येच शिष्यांना ख्रिस्ती हे नाव प्रथम मिळाले.

जेव्हा तो तेथे आला आणि परमेश्वराच्या कृपेमुळे जे काही झाले होते ते त्याने पाहिले, तो आनंदित झाला आणि त्या सर्वांनी पूर्ण मनाने प्रभुबरोबर एकनिष्ठ रहावे असे त्याने त्या सर्वांना उत्तेजन दिले. बर्णबा एक चांगला मनुष्य होता, तो पवित्र आत्म्याने भरलेला आणि विश्वासात परिपूर्ण असा होता आणि फार मोठ्या संख्येने लोक प्रभुकडे आणले गेले.

म्हणून जर परमेश्वराने तेच दान त्यांना दिले जे आपण प्रभू येशू ख्रिस्तावर विश्वास ठेवला तेव्हा आपल्याला मिळाले, तर परमेश्वराला विरोध करणारा मी कोण?” त्यांनी हे ऐकले, तेव्हा त्यांच्याकडे आणखी काही प्रश्न राहिले नाहीत आणि ते परमेश्वराची स्तुती करू लागले, ते म्हणाले, “तर आता परमेश्वराने गैरयहूदीयांनाही पश्चात्ताप करण्याची संधी दिली आहे ज्यामुळे त्यांना जीवन प्राप्त होईल.”