1 योहान 4 मधील लोकप्रिय बायबल वचने

सामायिक करा

प्रीतीमध्ये भय नसते. पूर्ण प्रीती भीतीला घालवून देते, कारण भीतीमध्ये शासन असते. जो भीती बाळगतो तो प्रीतीमध्ये पूर्ण झालेला नसतो.

प्रिय लेकरांनो, तुम्ही परमेश्वराचे आहात आणि जे ख्रिस्ताचे विरोधक आहेत, त्यांच्याशी झगडून तुम्ही जय मिळविला आहे, कारण जगात जो आहे, त्याच्यापेक्षा तुम्हामध्ये जे आहेत, ते श्रेष्ठ आहेत.

आम्ही त्यांच्यावर प्रीती करतो कारण प्रथम त्यांनी आम्हावर प्रीती केली.

प्रिय मित्रांनो, आपण एकमेकांवर प्रीती करू या, कारण प्रीती परमेश्वरापासून आहे. जे कोणी प्रीती करतात ते परमेश्वरापासून जन्मले आहे आणि ते परमेश्वराला ओळखतात.

परंतु जे प्रीती करीत नाही, ते परमेश्वराला ओळखीत नाही, कारण परमेश्वर प्रीती आहे.

प्रीती हीच आहे: आपण परमेश्वरावर प्रीती केली असे नाही तर त्यांनी आपणावर प्रीती केली आणि आपल्या पापांसाठी त्यांच्या पुत्राला प्रायश्चिताचा बळी म्हणून पाठविले.

प्रिय मित्रांनो, ज्याअर्थी परमेश्वराने आपल्यावर एवढी प्रीती केली, त्याअर्थी आपणही एकमेकांवर प्रीती केली पाहिजे.

परमेश्वराने त्यांच्या एकुलत्या एका पुत्राला या जगात पाठविले यासाठी की, आपल्याला त्यांच्याद्वारे जीवन लाभावे त्यांनी आपल्यावरील प्रीती अशी प्रकट केली.

जे कोणी परमेश्वरावर प्रीती करण्याचा दावा करतात तरी आपल्या भावाचा किंवा बहिणीचा द्वेष करतात तर ते लबाड आहेत. कारण जर कोणी आपल्या भावाला आणि बहिणीला पाहत असूनसुद्धा त्यांच्यावर प्रीती करीत नाही तर ते परमेश्वरावर प्रीती करू शकत नाही, ज्यांना त्यांनी पाहिलेले नाही.

येशू हे परमेश्वराचे पुत्र आहेत असे जर कोणी अंगीकारतात तर, त्यांच्यामध्ये परमेश्वर राहतात, आणि ते परमेश्वरामध्ये राहतात.

परमेश्वराने स्वतः आज्ञा केली आहे की, जर कोणी परमेश्वरावर प्रीती करतात त्यांनी आपल्या भावावर आणि बहिणीवर सुद्धा प्रीती करावी.

प्रिय मित्रांनो, प्रत्येक आत्म्यावर विश्वास ठेवू नका परंतु ते आत्मे परमेश्वराकडून आलेले आहेत का याची परीक्षा करा कारण पुष्कळ खोटे संदेष्टे जगामध्ये निघालेले आहेत. याप्रकारे तुम्ही परमेश्वराचा आत्मा ओळखू शकता: जो प्रत्येक आत्मा, येशू ख्रिस्त देह धारण करून आले होते हे स्वीकारतो, तो परमेश्वरापासून आहे.

परंतु प्रत्येक आत्मा जो येशूंचा अंगीकार करीत नाही तो परमेश्वरापासून नाही. हा तर ख्रिस्तविरोधकाचा आत्मा आहे, ज्याच्या येण्याबद्दल तुम्ही ऐकले आहे आणि तो आधीच जगामध्ये आलेला आहे.