MATIUS 28 मधील लोकप्रिय बायबल वचने

सामायिक करा

Etiar ma, kir nen ye ap nde ap inuma, o ye ai nde ai etoma arar lani o, akuni etoma nen, An mutnarek lagu dogowak nen yiluk ekbano o. Ir etoma, An Nombae endaga paga, nen Akbur endaga paga, nen Roh Kudus endaga paga, ir inebe ima wukbano o. Wene An yokeragagi mende yemenogo obogar, dikbiluk eku dogowak nen yiluk, emerirano o. Nen kinakla eberek togo o, An kinaruam ninggi nanggi ninom nugwi kigik, o irep kudi ari ligin o,” yiluk yoragage.

Nen Ar Yesus inoba panggo yi laga lagagerek, wene yoraga dogolir, “Mbogor paga o, agar paga o, obatne werek inggi pago dogu werek, An arar noba begemo o.

Nen ar malaikat enogo nen kumi nogo wene yoraga dogolir, “Kinobade arugup o! Kir nen Ar Yesus o kari karo paga warogo bega enogo, ebe kwarir wagop an nilu o. Nen Ar ebe yoma dek o. Ar pagane yirige ndak-ndak, obok iluk aga o. Ar warek winogo begama kinil bika watni o.

Eku nanggugwa, Ar Yesus nen yoraga dogolir, “Kinobade dek o, An nogari ir o Galilea etoma ninom abuk atuk, inil neyawak nen, kir ibar-ibar etoma lowak nen yora lani o,” yiluk yoragage.

Yora lagugwama, ir imam-imam inewai enogo nen, ir ap Yahudi mende inewai yemenogo obogar inom, ir inane dambul dugu lagugwarik, ir ap tentara wene etagage mende enogo mondok mbililugup o, yiluk enggangga pakalok ar onggo wogoragugwa. Wogoralok wene yoragu dogolir, “Kir nen yuwok nen yiluk kalok, Ar Yesus ebe, nir kukbagane nogo yugwi ninagik, Ar Aworomi nen kiratuk wulkama o, yiluk kinane obatne togo ar yurak o, yiluk inaruk wagugwa.” Nen ar Gubernur wene yi aruk kolaligin kalok, kir kinoba maduk anggin ekinaka kau, nir nen iliti pano erugun o. Yoragugwama, ir tentara kuburan tuam welagugwa mende yemenogo, enggangga yemenogo waganggu lagugwarik, wene ir eru mende yorarugwa ndak-ndak arar ekugwa. Eti paga ma, wene eti ir Yahudi mende nen, ar nin yogik yir wagwi dagik, yogondak kudi arar o.