MATIUS 23 मधील लोकप्रिय बायबल वचने

सामायिक करा

Ar ta nen kir kinanggedekla etoma ap nggok etaru wadok kalok, ar eti yedoman mende ndak etarurak o.

Ta nen yadek baktega kalok tebe bigin o. Nen ta nen tebe baktega kalok yadek bigin o,” yiluk yoragage.

Kir guru-guru agama o, kir akuni Farisi mende o, wene mbalek mutok ekwa yuak mban erir nugwi ma, nuk atani! Aigalengge induk pano ekwa mende dibongga kwak, kenda kwak, nen weramo enggen kwak, kir nen Tuhan ake perpuluhan birtagwi o. Ebebar kwak bikamo, wene agama edo kolek mende: akuni maduk pano inake ndak-ndak kolkwi, nakba kakba ekwi, yabu wokiragwi kalok tebe yiluk ekwi, eku dogorak ogwe, nen kir etoma monogo dambe kugwi o. Wene ebebar kir eru arumu, wene eta ar kir eku dogolir, amberak etoma, wedek angge negen inom eku dogorak.

Kir guru-guru agama o, kir akuni Farisi mende o, wene mbalek mutok ekwa yuak mban erir nugwi ma, nuk atani o! Mangkok i nertaga mende o, piring erom ndemerogo nertaga mende o, abel tekman nggwe kwak i pikpak tobalkwi, nen akman nggwe kwak elokte, akuni inamendek kinobarne paga ndilketek paga inom, nen akuni inake mbalek mende, an mban yiluk luketek mende paga inom, denggek mbu wak mbu kigik nunggwi o.

“Ai, Yerusalem, o Yerusalem o! Ap nabi-nabi inakigen o. Ar Allah nen wene wolok lakba wagage mende, nggir paga ndamuk pamuk, mondok min inakigen ar o. An tewe ayam agwi akbika akla laborogo balok dogitaga kwak, akuni Yerusalem paga agarik mende obogar, wonggalogo pakirek dogu yiluk, ninggi pakalok paga ar ekirik ogwe, kir kina'ir paga o.

Kir kinebe eti, etegerogon arar o. Kir kinabel tekman paga eti, akuni nen pano ninawak yiluk pano-pano ekwi ogwe, kir kinilitimo eti, ebebar mende dek o, yiduk maduk eketek mende etoma durik mago arar wolok nugwi o.