Sélimɛ 3 मधील लोकप्रिय बायबल वचने

सामायिक करा

A céw gi nyaa tiisangi bee a pye lìijànna, á gi wɔ́ɔ̀ wélemɛ dɛ́nɛ, ní wɔ́ɔ i nyɛ bi gbǎn kérigèle sɛʔɛwelele sícilimɛ kaan syɔɔn ma, a wi fala n ki yasangaa cɔɔ n lìi, níì kàa kaan wi nǎnw ma wi pye yaà ní wi ní lè, a woro wɔ́ɔ̀ gi lìi.

Sìnbirigi yaweere Yawe Kolocɔlɔɔ da sámaga lè, dee bee myɛ ni, wàbigi ki da gbána n sɔ̀lɔ. Koro ki baa céw yíbe níì jo: «Kányɛʔɛ gi lé Kolocɔlɔɔ n jo: ‹Yele a kɔ́ ra nángwɔɔw tiire myɛ yasanra líi í?› »

Mii a nigooro lége mɔ ní céw nínge ni, si wɔ́ɔ di lége céw yòdaʔaga ní mɔ wógi nínge ni. Céw yòdaʔaga a mɔ nyúngi tɔ́nʔɔnɔ, Mɔ si a wi nɔn yédeleeli na.»

A wi gi joo céw ma níì jo: «Mii a ceseegi wɔʔɔgɔ gbàn mɔ na gbanʔama. Mɔ a ra wɔʔɔ fícɛnni yáala báriga ni. Mɔ sɔnguri a ra mɔ kíle mɔ nanw kàbaan na, woro si pye mɔ nyúngi na.»

Mɔ yɛ́ɛcɔɔli kakpege na mɔ a ra líi fwɔɔ bi taa mɔ í ba lúru jée tári ni, beè mɔ yirige lè. Níì cán mɔ i nyɛ támiige, támiigi si ni mɔ a lúru jée.»

A wi gi joo nǎnw ma níì jo: «Tíigee kéele mii da joo lè níì jo mɔ a kɔ́ gi yasangaa lìi í, àmɛɛ mɔ baa mɔ céw syɛ́ɛnrɛ lóʔo lè níì gi kàa lìi. Koro na tári n dánga mɔ kapeeli kéele na. Mɔ a ra wɔʔɔ gbanʔama si náa ra yaliire taagi di ni mɔ siiw canya myɛ ni.

A Yawe Kolocɔlɔɔ si wi yíbe níì jo: «Wìí wi gi joo mɔ ma níì mɔ pye mɔ i nyɛ níbori? Tíigee yasanra mii da jo lè mɔ a kɔ́ lìi í, a mɔ tɔ̀ʔɔ̂ gi kàa lìi lé?»

A wi ga syɔɔn nɛnɛ n yirige n kwɔ́ɔ Edɛn nángwɔɔw ni, a wi syerubɛnbèle télege yaà nángwɔɔw ni canʔafolomɔ ma, n fàra naanyìnge ŋɔsée na, a woro i nyaari kàbanyi myɛ na ni sìíw tiige kpáa wéle.

A nǎnw wi céw mɛ́ʔɛ le ni wi yiri Ɛvi, níì cán woro wi pye niweebèle myɛ nɔ́ɔ.