MATHIE 5 मधील लोकप्रिय बायबल वचने

सामायिक करा

Óle tɔ́ khanniɛn tré segbeyí thé, khɛ́n ohɔ́n tré khanniɛnyá tho, ló áfí sé néphan khúnbrɛn abha khúthé. Lósi yábhɛ hɔ́n yéfí gɛ khɔ́ fí néphan hɛ́nmɛn é, ochɛ́sé wo wú hɔ́n yíbhwátɛ́, ló wo lri hɔ́n The abha tho hwa.

Hɔ́n nɔn ɔ́n ni áthéjinɛ́n yéfí. Ákhúbhɛ́ khɛ́n olɛ tre ábhóbhó tho lé gɛ hrɔman.

Áphɔkhwálé gɛ néphan wo thɛ́n hrómɛn chan, átɛsalé wo bhá wú Yankan!

Áphɔkhwálé gɛ néphan khɛ́n wo mɛpɔ́bhá hrómɛn, etɛ́ khékhremɛn tɛ́ Yankan yí apɔ, átɛsalé Yankan bha sé wo lóyí símɛ́n cɛ́ɛ́!

Lókhɛ́n mɛn-ɛ, mɛɛ́n kranmán hɔ́n lée: ɔ́n pɔ́ hɔ́n mɛsamán, ló ɔ́n na Yankan sé néphan khɛ́n élri hɔ́n gbre

– Áphɔkhwálé gɛ néphan khɛ́n wo nbrɛn wo yɛn salé wo li gbremán, átɛsalé Átho Bhringbi khúbhɛ́ bha lí wo ékɛ!

Áphɔkhwálé gɛ néphan atɛ́ thɛ́nkhwálé bhá wo le wo jɔn ɔ́nmɔn thethé, átɛsalé Yankan bha che wo mɛ́n miɔn!

Áphɔkhwálé gɛ néphan abha ábhwephé hrómɛn, átɛsalé Yankan bha khwá wo thɛ́n lé!

Áphɔkhwálé gɛ néphan wo élri gbre, Yankan thɛ́npɔ́ yí wo etɛ́ hɛ́nthé, átɛsalé Átho Bhringbi khúbhɛ́ li wo ékɛ!

Áphɔkhwálé gɛ néphan awú néphan nánkhɛ nfɛkhu, átɛsalé Yankan bha wú wo lɔ nfɛkhu!

Áphɔkhwálé gɛ hɔ́n, kasé mɛn hɛ́nthé, néphan etá hɔ́n, wo élri hɔ́n gbre, khɛ́n wo echí bhwe yábhɛ yábhɛ khúnbrɛn há hɔ́n tho. Tɛmɛ ɔ́n ní phɔhá, ló áphɔ lɔ okhwá hɔ́n lé, átɛsalé ápɛnsɔ́n khóo bɛn tre átho lóne ébo hɔ́n. Bhwetɔ́trémán athwasi bha ɔn, wo lɔ lósi yábhɛ brɛ okhɔ lri wo gbre nɔn ali lókɔn.

Áphɔkhwálé gɛ néphan atɛ́ pɛ́tɛ, átɛsalé áyíta bha lí wo ékɛ, sa lósi Yankan khɔ tɔ lóbhwe tre a!

– Hɔ́n nɔn ɔ́n ni áthéjinɛ́n niɛ. Khɛ́n kasé lóyí ániman abha lóhrómɛn ália ɔn, kalósi ógɛ khɔ́ tɛ́ khɛ́n ácu niman npɔ e? Óle gɛ bhó tɛ́ yíɛkɛ, hɔ́n pán ohɔ́n sakhwa ngbophro, ló néphan cha lótho.

Tɛmɛ ɔ́n ní néphan ayɔn dianthé, sa lósi hɔ́n The abha tho khɔ li lephan ayɔn dianthé.

Hɔ́n bhwe khɛ́n ɔ́n ma tɔ nɔn ali: “Ee” le “Hóo” ɔ́nmɔn, lée ábhwe nankhɛ ócu tɔ káne ɔn, áchán logbo yé.

– Ɔ́n ye wo cu tɔ salé: “Ńmɛbhí le ńmɛbhí, ńnɔ́ le ńnɔ́!” Lókhɛ́n mɛn-ɛ, mɛɛ́n kranmán hɔ́n lée, kasé lephan tɛ hɔ́n yíléle, ɔ́n ne gɛ ɔ́nmɔn swan. Kasé lephan jan hɛ ngbaphrá áliémɔn mánkhán, tɛmɛ ɛsa ámránkhu mánkhán lɔ tré anjan ngbaphrá.

Lóhɛ́nthé, kasé hɛ liémɔn mɛbhí nɔn echɛ́ hɛ hálé ńne hrómɛn, tɛmɛ ɛfi yɛn, ló ɛbhó fɔ́nká njɛ-áan: áyɔn sa hɛ phɔ nánmí phɛ́nta bɛn oféne brɛn ló a, hɛ phɔ nánmí khúnbrɛn bha símɛ́n, khɛ́n óbha hɔ́n hɛ fɔ́nká ágbrelí tɛn hromɛn. Lóhɛ́nthé kasé hɛ liémɔn mɔ́n nɔn echɛ́ hɛ hálé ńne hrómɛn, tɛmɛ ɛjan yɛn, ló ɛhɔ́n fɔ́nká njɛ-áan: áyɔn sa hɛ phɔ nánmí phɛ́nta bɛn oféne brɛn ló a, hɛ phɔ nánmí khúnbrɛn bha símɛ́n, khɛ́n óbha hɔ́n hɛ fɔ́nká ágbrelí tɛn hromɛn.