Mateu 16 मधील लोकप्रिय बायबल वचने

सामायिक करा

Buluka penepo, Yezu alonga kuna anyakupfundza ace mafala awa: “Ule anafuna kunditowera asatongwa akhondeke ekha ene, akwate ntanda wace anditowere.

Pontho Ine ndinakupanga kuti: Iwe ndiwe Pedhru. Padzulu pa mwala unowu ndinamanga gereja yanga. Na tenepo, kufa nkhabe mphambvu za kukunda gereja yanga.

Ine ndinakupasa cavi ca Umambo wa kudzulu. Pire pinamanga iwe pantsi pano, pinamangwambo kudzulu. Mbwenye pinasudzula iwe pantsi pano, pinasudzulwambo kudzulu.”

Thangwi ule anafuna kukoya moyo wace, anauluza. Mbwenye ule analuza moyo wace na thangwi yanga, anaugumana.

Thangwi pinaphedzeranji kuna munthu kuwina dziko yonsene ya pantsi mbaluza nzimu wace? Peno ndi ninji cinanakwanisa kupereka munthu toera acinje na nzimu wace?

Yezu aabvundza pontho kuti: “Kodi imwembo musalonga kuti Ine ndine ani?” Simau Pedhru atawira tenepa: “Imwe ndimwe Kirixtu, Mwana wa Mulungu wa m'maso.”

Yezu antawira tenepa: “Lang'ana, Simau mwana wa Djona, kutsandzaya mbakukhale muna iwe. Thangwi penepyo hudachululirwa na munthu tayu, mbwenye na Baba wanga ali kudzulu.