Shiyanso 26 मधील लोकप्रिय बायबल वचने

सामायिक करा

Khalaga kwa luhaavi lufupi mu nyi iyi, one nisiive noowe na nisikuyimiilile, kiiva nisikupeele owe na vanaakho inyi iyi iya Kanaani, pina nakwisa ulufingo luna nafingaga kwa wiiho uAbulahamu.

Nisishiyoolose ishisafi shaakho shive shinshi ngaja inondwe isa ku wulanga, na nisivapeele inyi iyi yoona. Kwa kishilila ifisafi fyakho nikhava nikisiyimiilila inyi soona. Nikhakuyimiilila, kwa kiiva uAbulahamu wánipulisaaga, wágahaga goona gina namulajisaaga, na wásiyinatilaga indaji sangu, nu wulamulaaji wangu.”

Baheene uIsaaka wáwuukha, wáaluta ukunji kihimba ilisima ilinji. Lino ku lisima ili, vasikhalwilaniile. Baheene uIsaaka wálitambulila ilisima ilyo ilitaawa lya Lehoboti kuno iijova, “Lino uMutwa uNguluvi wátupeela uluvala ulukhome, tisisingamale ku nyi iyi.”

Ukho uMutwa uNguluvi wámutwiwushila uIsaaka na wámujovela wáaja, “Usikhalutaga ku Misili, leelo khala mu nyi yina nisikujovele.

Ndeeno, uIsaaka wásenga uluvala lwa kihumisa ishadanda, wámufuunya uMutwa uNguluvi. Ukho, wásenga ilitinga lyakwe, na vavanda vaakwe vahimba ilisima ilinji.