Matius 13 मधील लोकप्रिय बायबल वचने

सामायिक करा

A méikagogo witu un tana' rembuz é masuat wo sé tou mahtalinga u Nuwu' itii wo makatulap ung kalakoan niitu, wo pahpaano niitu am pahwangunen néra é mahwua'mé am wangun, wéwéhan a makasana atusé, wéwéhan a makaenemna pulu'mé wo wéwéhan a makateluna pulu'mé.”

Am watuna tatanemen méikagogo wana an zukut menulah é sé tou sé timalinga u Nuwu' itii, taan tahlous maarét ung katou-touan néra wo tawi mapahléla'en im wana a sangkum. Niitumo u Nuwu' ni Opo Empung é méisé'sé' umanla a lelo wo ang genang wana ang kawa'ilanan wia ung kaayahan taka-takazan zéi'kan nimua'mé.

Am watuna tatanemen méikagogo witi tembir u lalan é masuat wo sé tou timalingamo u Nuwu' tumoro ung Kakolanoan ni Opo Empung, taan ni séra én zéi'kan makatulap niitu, a méyé si tonaas né sétang kimahata u Nuwu' itii witu un até néra.

Am watuna tatanemen méikagogo witu un tana' watu-watun é sé tou sé timalinga u Nuwu' itii a rengan i sumungkul niitu karia i mahpaa-paaz. Taan u Nuwu' itii én zéi'kan totoz nimahmut witu un até néra wo zéi'kan nimauréma. Sa méyé u susa wo un zéha pahpaan u Nuwu' itii, sé tou itii é rengan in timamburila im wia si Opo Empung.

Ang kuan kasii ni Yesus, “Ung Kakolanoan ni Opo Empung én tanu a sangkum u méiwuni witi uma, ung kinailekané ni tou a maiwuninamé sumaup. Pahpaan u mahpaa-paazna, a maipakawangkérnamé a sangkumna, a sia tumelesla un uma itii.

Taan am watuna tatanemen walina é méikagogoma witu un tana' rembuz, am watuna itii én timoumé wo nimua'mé. An niupu' witu ém wéwéhan a makasana atusé, wéwéhan a maka- enemna pulu'mé wo wéwéhan kasii a makateluna pulu'mé.”

Iwayamola ang gandum wo an tatanemen tanu ang gandum itii in tumoumé mahwali-wali makaz i maupu'en. Sa orasnamo i mupu', ni aku éng kumua in téntii wia sé mahupu': Réwokempé'mé an tatanemen tanu ang gandum wo pemule-mulesala in ziketan. Tumondong, réwokené ang gandum itii wo maitu'tula witi penunu'tulan ang gandum.’ ”