Matius 1 मधील लोकप्रिय बायबल वचने

सामायिक करा

Ni sia én tumoumé si lowai wo ni Sia é ngaranannula Yesus, pahpaan ni Siamo si mamilot sé tou-Na im witu un ukuman wana a singkéla' néra.”

“Un ulitna, si raraha itii é mahawa-awak wo tumou si lowai wo ni Sia é ngaranan néra Imanuel.” (Ung kalakoana: Si Opo Empung é menaté-natér ni kita).

Taan i si Yusuf megena-genangpé' niitu, a méyé si malaekat ni Opo Empung witu un ipina, ang kumuama, “Yusuf, suzu ni Daud, tia'mo ko maindé' i méndo si Maria maéndo mahayomu, pahpaan si koki' pahawa-awakenna ém wia si Roh Lenas a méyé.

U sirita tumoro si Yesus Kristus i nimatou én téntii: I si Maria, si ina'-Na tinotozo ing kumawéng karia ni Yusuf, puunala séra menou-nou i sana séndé', si Roh Lenas nimangunola si Maria i mahawa-awak. Pahpaan si Yusuf mahayona én ulit witu u sinaru ni Opo Empung wo soo mapaiza-izang si mahayona witu saru-sarun né tou lakez, ni sia éng gimenango in tuma'sa si Maria karia i mahwuni-wuni.