Popular Bible Verses from उत्पत्ति 6

सामायिक करा

छतमा “ङइ तले म्हिमैं बनेसि पृथ्बीर थेंगे?” बिसि याहवेहजी पछुत लसि बेल्‍ले सैं नइ।

पृथ्बीरि म्हिमैंइ ल्हें आछ्याँबै केमैं लब्रें लइ। धै खोंयोंन् बिलै चमैंइ आछ्याँबै ताँमैं मत्‍त्रे मैंरिब याहवेहजी म्रोंइ।

दिलेया नोआलाइ बिस्याँ याहवेहजी छ्याँब म्रोंइ।

नोआए ताँमैं चुन् ग। चए पलोर नोआ मत्‍त्रे छ्याँबै के लबै म्हि मुँल। च परमेश्‍वरने बा-बालुन् प्रमल।

छतसि याहवेहजी बिइ, “ङइ बनेबै म्हिमैं, सर क्ल्याँसि प्रबै प्हँलाँ-प्हुँलुमैं, क्ह्‍योंर टिबै खेदोमैं नेरो मुर्बै नमेमैं ताँन् पृथ्‍बीउँइँले नास लवाब्मुँ। तलेबिस्याँ चुमैं बनेबइले ङए सैं नइमुँ।”

लिउँइँ ह्‍युलर म्हिमैं ल्हें तदै ह्‍यामा चमैंल च्‍हमिमैं फिइ। झाइले परमेश्‍वरए च्हमैंइ म्हिमैंए च्‍हमिमैं छ्याँब् म्रोंसि ह्रों-ह्रोंसइ खोबै प्ह्रेंस्योमैं पखइ। छतमा याहवेहजी बिइ, “ङइ म्हिमैंलाइ खोंयोंन् बिलै सोल् पिंरिब् आरे, तलेबिस्याँ म्हि सिल् त्हुब्मुँ। तारेसेरो चमैं प्रसे ङ्हिस्यु बर्ष मत्‍त्रे सोब्‍मुँ।” च त्‍हेर नेरो लिउँज्यै या पृथ्बीरि नेफिलिममैं मुँल। परमेश्‍वरए च्हमैं म्हिमैंए च्‍हमिमैं ङाँर ह्‍याब्रें लसि प्‍हसेमैं फिइ। चमैंन् स्योंम्बै भोंब्मैं-खाँब्मैं नेरो मिं कालिदिब्मैं मुँल।

परमेश्‍वरजी बिब् धोंले नोआइ ताँन् लइ।

छतसि परमेश्‍वरजी नोआने बिइ, “ङइ ताँन् म्हिमैं नास लवाबै सैं लल् खाँइमुँ। तलेबिस्याँ चमैंइ लबै आछ्याँबै केमैंइ पृथ्बी प्‍लिंइमुँ। छतसि ङइ चमैंलाइ पृथ्‍बीउँइँले नास लवाम्।

छतसि क्हिइ गोपेर बिबै सिंए क्यु झाज घ्रि बनेद्। झाजर कोठा-कोठा लसि च न्‍होंर नेरो फिर अलकत्राइ स्‍यालद्।

छले पृथ्‍बीर्बै म्हिमैं सैब् म्‍लोब् नेरो आछ्याँबै के लब परमेश्‍वरजी म्रोंइ। तलेबिस्याँ पृथ्‍बीर्बै ताँन् म्हिमैंए सैं दुष्‍ट तल् खाँल।

“झाइले सो प्ह्‍याबै ताँन् खालर्बै त्होब नेरो मोंमा क्हिने बालुन् सोरिगे बिसि तिजोर-तिजोर क्यु झाजए न्होंर पखो।