Lúkasarguðspjall 8 मधील लोकप्रिय बायबल वचने

सामायिक करा

En það er féll í góða jörð, merkir þá sem heyra orðið og geyma það í göfugu, góðu hjarta og bera ávöxt með stöðuglyndi.

Það er féll meðal þyrna, merkir þá er heyra, en kafna síðan undir áhyggjum, auðæfum og nautnum lífsins og bera ekki þroskaðan ávöxt.

Það er féll á klöppina, merkir þá, sem taka orðinu með fögnuði, er þeir heyra það, en hafa enga rótfestu. Þeir trúa um stund, en falla frá á reynslutíma.

Og hann sagði við þá: “Hvar er trú yðar?” En þeir urðu hræddir og undruðust og sögðu hver við annan: “Hver er þessi? Hann skipar bæði vindum og vatni og hvort tveggja hlýðir honum.”

Það er féll hjá götunni, merkir þá, sem heyra orðið, en síðan kemur djöfullinn og tekur það burt úr hjarta þeirra, til þess að þeir trúi ekki og verði hólpnir.

Því að ekkert er hulið, sem eigi verður opinbert, né leynt, að eigi verði það kunnugt og komi í ljós.

En er konan sá, að hún fékk eigi dulist, kom hún skjálfandi, féll til fóta honum og skýrði frá því í áheyrn alls lýðsins, hvers vegna hún snart hann, og hvernig hún hafði jafnskjótt læknast. Hann sagði þá við hana: “Dóttir, trú þín hefur bjargað þér. Far þú í friði.”

Þeir fóru þá til hans, vöktu hann og sögðu: “Meistari, meistari, vér förumst!” En hann vaknaði og hastaði á vindinn og öldurótið og slotaði þegar og gerði logn.