Sơnròp Gơlik Gơs 1 मधील लोकप्रिय बायबल वचने

सामायिक करा

Yàng Tom Trồ đơs lah: “Bol He lơh gơs tĕ kòn mơnus be rùp He mơ tòm toh be He nàng khai at bồ ală ka tòm dàlềng, ală sềm hơđang trồ, ală phan poan jơng tòm hìu, ală phan poan jơng tòm brê hơđang ù, mơ ală phan wìn nsròng lam jơh ù tiah.” Yàng Tom Trồ crơng gơs kòn mơnus be rùp Kơnràñ, Kơnràñ crơng gơs kòn mơnus be rùp Yàng Tom Trồ, Kơnràñ crơng gơs cau klau mơ cau ùr.

Yàng Tom Trồ ai lơngai lơngò bol khai in mơ đơs lah: “Tơnggơs tĕ bơtơl oă, lơh bềng lìu ù tiah, lơh ù in dòn duh, at bồ ală ka tòm dàlềng, ală sềm hơđang trồ, mơ ală phan kis wañ hơđang ù.”

Bơh sơnròp Yàng Tom Trồ crơng gơs ală trồ mơ tiah.

Mơ ù ò gơs rùp, pah gòi lơm, bơta klam jơngo ơm hơđang mat cìr jrô; Hwềng Yàng Tom Trồ wañ hơđang nha dà.

Yàng Tom Trồ đơs lah: “Gơs tĕ bơta àng,” gen gơs bơta àng.

Yàng Tom Trồ gŏ ală broă Kơnràñ neh lơh la niam ngan. Behơ̆ gơs mho mơ drim: hơ̆ la ngai prau.

Yàng Tom Trồ gŏ bơta àng la niam gen Kơnràñ cah is bơta àng mơ bơta jơngo.

Mơ Yàng Tom Trồ đơs lah: “Do, Añ ai bol mê in jơh ală ñhơt tơnggơs gar hòn làm ù, mơ ală chi gơs plai tơnggơs gar, hơ̆ rơp la phan sa bol mê in.

Yàng Tom Trồ sơnđan bơta àng la ngai mơ bơta jơngo la mang. Behơ̆ gơs mho mơ drim: hơ̆ la ngai sơnròp.

Yàng Tom Trồ đơs tai lah: “Gơs tĕ dô pah gòi digùl dà nàng cah is dà mơ ală dà.”

Mơ ală phan hơđang ù, ală sềm hơđang trồ, mơ jơi phan wìn nsròng hơđang ù, phan lơi mơ gơs nhơm kis gen Añ ai gơ in jơh ală ñhơt tơlir nàng ngui lơh gơs phan sa,” gen gơs behơ̆.

Yàng Tom Trồ đơs lah: “Gơs tĕ ală bơta àng tòm pah gòi hơđang trồ nàng cah is ngai mơ mang, mơ ngui nàng lơh tềl tồ kòp kơnhai, ngai mơ sơnam

Yàng Tom Trồ đơs lah: “Ù hòn tĕ chi ñhơt gơs gar sơntìl mơ chi plai pơnjat be jơi gơ, mơ gơs gar tòm gơ hơđang ù,” gen gơs behơ̆.

Kơnràñ lơh gơs pah gòi mơ cah is dà tòm tiah hơđơm pah gòi mơ dà hơđang pah gòi, gen gơs behơ̆.

Ù tơnggơs chi ñhơt gơs gar pơnjat be jơi gơ, chi tơnggơs plai gơs gar tòm gơpơnjat be jơi gơ. Yàng Tom Trồ gŏ bơta hơ̆ la niam.

Yàng Tom Trồ lơh gơs bàr bơta àng dờng: bơta àng dờng rlau nàng at bồ trồ ngai mơ bơta àng dềt rlau nàng at bồ trồ mang. Kơnràñ lơh gơs ală sơmañ sơl.

Yàng Tom Trồ đơs lah: “Ală dà tòm tiah hơđơm pah gòi pơjum tĕ dô bă, mơ gơlik tĕ ù rañ rsơh,” gen gơs behơ̆. Yàng Tom Trồ sơnđan tiah rañ rsơh la ù, mơ dê tiah dà pơjum bal la dàlềng. Yàng Tom Trồ gŏ ală bơta hơ̆ la niam.

Yàng Tom Trồ ai lơngai ală jơi hơ̆ in mơ đơs lah: “Tơnggơs tĕ bơtơl oă tai, lơh bềng lìu tòm ală dàlềng; mơ ală sềm tơnggơs tĕ oă hơđang ù.”

Yàng Tom Trồ đơs tai lah: “Ù tơnggơs tĕ ală phan kis pơnjat be jơi gơ, ală phan poan jơng tòm hìu, ală phan wìn nsròng, mơ ală phan poan jơng hơđang ù pơnjat be jơi gơ,” gen gơs behơ̆.

Yàng Tom Trồ đơs lah: “Dà tơnggơs tĕ ală phan kis lìu làc, mơ ală sềm par tĕ hơđang ù tòm pah gòi trồ dê.”

Yàng Tom Trồ lơh ală phan poan jơng hơđang ù pơnjat be jơi gơ, ală phan poan jơng tòm hìu pơnjat be jơi gơ, mơ ală phan wìn nsròng hơđang ù pơnjat be jơi gơ. Yàng Tom Trồ gŏ bơta hơ̆ la niam.