SAN LUCAS 17 मधील लोकप्रिय बायबल वचने

सामायिक करा

Aptahak axta apcháneya Jesús énxet se'e: —Etnamha, etakhekxa; mey'áseyam keñamak aptakmelwokmo exchep.

Wokmek sat agkok siete apkenmexeykha kéxegke kélyáxeg xama ekhem, wokmek agkok siete apteme apkenagko kéxegke s'e: ‘Matnekxék sat cha'a kaxwo'’, kéméxchek megkólyakmagkásekxék aptahakxa.

Xama axta apwet'a ekmassa ektémakxa apháxamap xama xa énxet'ák nak, aptakháwok axta yetlo apyennaktésamo appeywa apkeltemésesa apcheymákpoho Dios. Apkeltekxekwákxeyk axta aptapnák apkenmágkaxa Jesús, apkelpólentek axta anhan náxop yakwayam egkések ekpayheykekxa apwáxok Jesús. Samaria axta apkeñamak xa énxet nak.

¡Kólawho kéxegkáxa! “Apkelanak agkok mey'asáxma kélyáxeg, kólpakhetches; apyakmagkasekmek agkok apwáxok, nágkólyakmagkásekxa aksa aptahakxa.

Aptahak axta Jesús apcháneya s'e: —¿Háweya exchek diez kélyókxoho kéltakmelwokmo ektémakxa kélháxamáxche? ¿Háxko apkelmahágkaxa m'a nueve exchek apyókxoho?

Aptahak axta apchátegmowágko Wese' egegkok se'e: —Hawók agkok kéxegke megkólya'áseyam ekwánxal'a mostaza aktek, kélwanchek kóltehek kólának yámet se'e: ‘Kapatyep xa, katnegwom kañe' wátsam ekwányam’, kalyahakxohok nahan yámet kéltahakxa enxoho kéláneya.’

Kéxegke ektahakxa enxoho kélmasma ektémakxa nak kélyennakte, kamassegwók sat, wánxa agkok, kéxegke ektahakxa enxoho ekmassegwayam ektémakxa kélyennakte, kólwetekxak sat makham kélyennakte.

Aptahak axta apkeláneya Jesús apkeltámeséyak se'e: “Keytek sat cha'a aksok elánésamo nak mey'asáxma énxet; ¡kéxegke sat laye ektahakxa enxoho kélláneso mey'asáxma kélmók! Tásek kólyenyók kañe' wátsam ekwányam yetlo kéltetcheso apyespok meteymog, kaxnawok kólhok aksa elanaksek mey'asáxma xama xa sakcha'a létkók nak.

Sat nahan katnehek ekwokmo sat ekhem yakwánxa ewatak aptaha nak Apketche énxet ma'a aptamheykegkaxa axta énxet'ák aphamakxa axta Noé. Apteykegkek axta aptéyak énxet, apyeneykegkek axta apyenéyak ekwokmoho m'a aptaxna axta Noé kañe' yántakpayhe, wa'ak axta mámeye ekyawe agko', apsawhekpok axta anhan apkeletsapa xa énxet'ák nak.