SAN JUAN 6 मधील लोकप्रिय बायबल वचने

सामायिक करा

Aptahak axta apkeláneya Jesús se'e: —Ko'o sekteme pan apyennaktésamo nak apnenyek énxet, kéxegke ektahakxa enxoho sey'eykekta' ko'o, megkakhekxék sat cha'a meyk, keñe m'a ektahakxa enxoho mehey'áseyam ko'o, megkakhekxék sat cha'a ekhem.

Espíritu apteme segméso ekyennakte egnenyek. Mékoho eyke katnehek axakko' enxoho negyókxa. Espíritu m'a seltennasa exchek kéxegke tén han ma'a ekyennakte egnenyek nak.

Nágkóltemeykha aksa yakwayam kóltegyek ma'a nento eksawhomáxkohol'a, akke tásek kóltemeykha yakwayam kóltegyek ma'a nento ekyennaktésamo nak egnenyek ektaha nak han megkamassegwayam. Cháxa nento peya nak egkések kéxegke ektaha nak Apketche énxet xa, hakte apkelkahásek axta Dios Egyap xa.

Apmenyék ko'o Táta keytek ekyennakte apnenya'ák megkatnegwayam enéxa m'a apyókxoho énxet ektaha nak apkelanyo Dios Apketche, cham'a apteme nak han mey'áseyam, ko'o sat nahan anakxétekhasók ma'a ektemegwokmo sat néxa ekhem.

Aptahak axta apchátegmowágko Jesús se'e: —Cha'a apmenyék kóltehek kéxegke megkólya'áseyam Dios ma'a ektaha axta apcháphaso.

Apyókxoho énxet ektaha nak segkéso ko'o Táta hey'ótak cha'a ko'o, matakheksók sat nahan ko'o m'a énxet ektahakxa enxoho sey'eykekta'.

Aptahak axta apchátegmowágko Simón Pedro s'e: —Wese', ¿yaksak agya'ammok negko'o? Xép appeywa ekteme amya'a ekyennaktésamo egnenyek megkatnegwayam enéxa.

Ko'o sekteme xa pan memassegwayam nak apwéweykento axta apkeñama néten; énxet ektahakxa enxoho apto xa pan nak megyetsepek sat. Sekyókxoho ahagko' ko'o m'a pan peya nak agkések kéxegke, yakwayam enxoho egkések elyennakte apnenya'ák apyókxoho énxet'ák apheykha nak keso náxop.

Méko kawának hey'ótak ko'o mehentegkásento enxoho m'a Táta aptaha axta seyáphaso ko'o; axátekhásók sat ko'o ektemegwokmo sat néxa ekhem.

Cha'a pan segmésamol'a cha'a Dios ma'a apwéweykento axta apkeñama néten, egkéshok nahan cha'a elyennakte apnenya'ák énxet apheykha nak keso náxop.

Ko'o sekteme pan apyennaktésamo nak egnenyek.

Apkelmeyk axta Jesús pan, keñe axta apmésa ekxeyenma apwáxok Dios, apkelmeyásegkek axta anhan énxet'ák ektaha axta apheykha m'a. Hawók axta anhan aptemésesakxa kelasma, apkelmeyásegkek axta ekwánxa enxoho apmopmenyého. Xama axta apkelyakkanakmo énxet'ák, aptahak axta apkeláneya Jesús apkeltámeséyak se'e: —Kólmekxa pan nápakha'a apketkók apkeleymomap nak, yakwayam enxoho megkóltawasha xama enxoho.

Xama axta ekwokmo cinco kilómetros apkelxega, seis kilómetros esenhan, apwet'ak axta apxegakmo Jesús néten yegmen apya'awa m'a yántakpayhe. Apkelakak axta anhan apkeltámeséyak. Aptahak axta apkeláneya Jesús apkeltámeséyak se'e: —Náhelé', ko'o neykhe s'e.