Kucangtsi 17 मधील लोकप्रिय बायबल वचने

सामायिक करा

Kiye ti Ibram nde asang mae inje mbe rijwe asu itsongnje (99), Yaweh tatso risu-wu uwog-wu u ri te wu baa, “Ame si Rimam ti Skeb titag. Kyang ikyin uwe-m uwae Usom ti kpang atang

Rinyi-fu u si-wu Ibram cwucwo be. Tine rinyi-fu si Ibrahim, ikyaen ti, ame nda pu m afu itse ambukwen ande.

Ame u ye su unju ti yer kutampwa-m te fu, ti meme rishi-fu ti ku ba isim-fu ru fife yi uwe. Ame u si Rimam-fu, u si Rimam na rishi-fu ti ku ba isim-fu meme.

“Nung! Ame ku yer unju te fu. Afu u si itse ambukwen ande yang-ba.

Rimam ri baa, “Iyee, uwa-fu Saratu u mbae na fu umbae ti urom, afu u fa rinyi-wu baa, Ishaku. Ame u ye su unju ti yer-m te wu, ti rishi-wu ti ku ba isim-wu ru fife yi uwe.

Ame u nda fu ti utso-fu, riben wu ti afu si rikyen atang ne. Ame u sa meme riben Kanana na anyisu-fu ti awu u si kunn ana-ni ru fife yi uwe. Ama ame u si Rimam-ba.”

Ibrahim sī ku riben ama u skaen, u ri te ijwe-wu baa, “Unde ti site asang mae itsong, u mbae kyi umbae a. Saratu ama u mbae fob umbae ti awu site asang mae inje mbe rijwe (90) ne njwaa?”

Rimam ri kyi ira te Ibrahim baa, “Ana Saraya, uwa-fu, afu u kunn-fu awu baa Saraya cwucwo be, rinyi-wu u si Saratu tiri.

Ani u tsen kang kutxin ti ku tatso unju ti yer kutampwa-m te ni.

Amaa, ame u ye su unju ti yer-m te Ishaku, umbae wu ti Saratu u mbae na fu kiye wune kusang ti ku ba.”

Sa kiye wune ru fife yi uwe, anyisu-fu ti arom, ko aba ti afu jab ti aser, ko apyi ti a mbae uwae ishikununn-fu, a u tsen kang ba kutxin usir ti itsongta na itimbae-ba. Ko aba ti a mbae ishikununn-fu, ko ti afu a jab ti aser, aba u tsen kang kutxin. Unju ti yer ti ana-m u tsi yiyer rimenn-ni.