Genesis 28 मधील लोकप्रिय बायबल वचने

सामायिक करा

Ŋarranydja dhiyalami nhokala bitjan liŋgu ga wanhawitjan nhe yurru marrtji. Ŋarrapi yurru nhuŋu goŋ-nherraṉmirrinydja, ga ŋarrapi yurru nhuna roŋiyinmarama dhipalanydja wäŋalili. Yaka ŋarra yurru nhuna ganandja; ŋarra yurru djämanydja-wala bitjan yana liŋgu ŋunhi ŋarra nhaltjan yukurra dhäwu'-nherraṉmirri nhokala.” Ga bitjarra yukurrana Garray waŋana ŋunhili Djaykupkala bukaway'kurrunydja.

Ga ŋayipinydja Garraynydja ga ŋunhili bäyma nhanukala Djaykupkala yana nyeyaḻŋura yukurrana djingaryurruna, ga waŋananydja ŋayi Djaykupkala. bitjarra, “Ŋarranydja dhuwala Garray muka, waŋarr nhokalaŋuwu märi'mirriŋuwu Yipurayimgu ga nhokalaŋuwu bäpa'mirriŋuwu Yitjakku waŋarr. Ŋarra yurru wekama dhuwalanydja gay wäŋa, dhuwala nhe yukurra ŋorra nhuŋuway ga. nhokalaŋuwu malawu.

Ŋayi Djaykup gaŋgathinanydja yakurrŋuru, bala waŋanana bitjarra, “Garray muka dhuwala yulŋunydja dhiyalaminydja. Dhuwalayi nhanŋuway muka wäŋanydja, yurru ŋarra dhuwala yaka marŋginydja.”

Ga ŋayi Djaykuptja waŋana dhäruk nherraṉmina, wäwun-nherraṉmina Garraywalanydja bitjarra, “Ŋuli nhe yurru yukurra yuwalkkuma djäka ŋarraku, ga marrtji galki ŋarrakala, gunganhamirriyama ŋarranha ga wekama ŋarranha yukurra yurru ŋayaŋay'yu ga girri'yu, ga ŋuli nhe yurru roŋiyinmarama ŋarranha balayi bäpawala ŋarrakalaŋuwala wäŋalili, ga yurruna ŋarra yurru nhuŋu märr-ŋal'yundja, ga nhepina yurru ŋarraku waŋarrnydja. Dhuwalanydja wäŋa bitjan nhuŋuwaynha God, ŋanapurru yurru dhiyalanydja buku-ŋal'yun nhuŋuwaynha yukurra yanana, bala ŋarra yurru barrkuwatjkumanydja guḻk-guḻkthundja 10-gumana nhuŋunydja, bukmak yana ŋunhi nhe yurru wekamanydja ŋarraku.”

Nhipala yurru malanydja gaŋdhunna wirrkina walŋu dhaŋaŋdhirrina, ga yothu yurru nhokala yarraṯaŋuru maḻŋ'thun ŋunhala bala yalala, ga ŋuliwitjan nhanukalaŋukurruna ŋarra yurru walŋakuma bukmaknhanydja miṯtjinha.

Ga yäku-nherraranydja ŋayi ŋunhiyi wäŋanydja Bithulnha, ŋunhinydja mayali' bitjan Godku buṉbu.