THEU NAI 5 मधील लोकप्रिय बायबल वचने

सामायिक करा

Huni bo y Mosi hawi Aron nini ly Aikupta samrang teng y chei hawi i ni teng y, “Israelachi ai ARENG Tameuh my, ‘Israela chengchi ly daichi ka-vym y Tameuh teng apathyp nai pawi sa ai nai molam, nichi ai chei ai nai pei,’ ang napi,” napi.

Kai ly nang i leu pei nai kamta Pharao samrang teng y thui pi nai khala i dengdairei, ni ly nang i khumichi ai ana kalikachi bo. Na i py nang ly nichi ai ati sai py sabawm pi y lawh ly!,” napi.

Naibaly Mosi ly ARENG teng y, “Aw Areng, ati mana nai hini khumichi ai patang hai lawh mo? Kai ai ati mana nai y pato nai mo?

Samrang my ly “Huni ARENG ly ami mo? Kai ly ati mana nai y huni ARENG i leu tangai iy, Israelachi ai chei ai nai pei ai mo? Kai ly huni ARENG ai pany y nai deaungkho y Israela chengchi ai pato pajau y leang,” napi.

Na i py angchei i iukhi sa nai jirei so u jojo sy; ati mo i py iukhi vuikanai jaw moh sy, nichi ly kalop pathlang u nai teu. Hunai deaungkho y nichi ly ‘Kaichi i Tameuh teng y apathyp ai nai pei!,’ nanai hnei u nai ne. Nichi ai kalop sa nai tleaung y so hai ra, den py anawn hai u moh. Huna khala naini nichi ly li-tapawp nai leu tangai ai nai rai y ai i, kalop phra ai ny y,” napi.