THEU NAI 2 मधील लोकप्रिय बायबल वचने

सामायिक करा

Tameuh my Abraham, Isaka, Jakob hawi Leu Maikawm sa nai ly pany pi bo. Naibaly mymy i khumi Israela chengchi ly miseaung achei nai, patang nai, niu i adawn pi nai ne.

Saneng kra parai nai bo y Aikupta samrang ly dei bo. Na i py Israela chengchi ly khri pa-rei patang parai naimy miseaung alaw u y jojo rai i, alawra nga ai nai vo tangam u. Nichi i vo nai raawi ly Tameuh teng y tym nai ne.

Naibaly deaungdi tleaungri cheang nai khala y samrang i chaniu teng y chei hai i, chapo kypkyp kamta palawn iy pacho bo, amyn ly “Mosi” nanai pathi; huni ly “Kai ly deaungdi ai tui theung i kanga nai,” nanai sai ne.

Amhm tym bo na baly samrang i chaniu my, “Nang ly hini deaungdi ai lo ly kry ba, vang kang pei ai mang,” napi. Naibaly amhm my deaungdi ai yhm y la iy kry bo.

Samrang i chaniu ly miseaung anglochi hawi tui ahiu ai nai tuivum y satla i, miseaung nuchi ly tavo peang y aleaung u. Samrang i chaniu ly samji kabeng theung y kachui niu i anglo leaungrei ai la hai.

Naibaly neng kra kyh nai bo y Mosi ly tleaungri acheang i, mymy i amjo amnau Hebrai chengchi teng y de ai nai chei bo. Hebrai chengchi ai ana nai, patang hai nai, miseaung kalop sa hai nai hawi, Aikupta khumi leaungrei my mymy i khumi Hebrai cheng leaungrei ai pakhau nai niu. Mosi ly khen amki prei i, khumi ka-vym y Aikupta khumi ai ly pakhau ka; veu ai ly speung han iy up vui bo.