Egzòd 7 मधील लोकप्रिय बायबल वचने

सामायिक करा

Senyè a di Moyiz konsa: — Gade! Ou pral tounen tankou yon Bondye pou farawon an. Arawon, frè ou la, pral sèvi ou pòtpawòl.

Mwen menm menm, m'ap fè farawon an fè tèt di. Konsa, m'a fè plis mirak ak plis mèvèy toujou nan peyi Lejip la. Farawon an p'ap koute nou. Lè sa a, m'a frape peyi Lejip la. M'a pini l byen pini. M'a pran pitit Izrayèl yo, sòlda mwen yo, pèp mwen an, m'ap fè yo sòti kite peyi Lejip.

Lè m'a frape peyi Lejip, lè m'a fè pitit Izrayèl yo sòti nan mitan yo, moun peyi Lejip yo va konnen se mwen menm menm ki Senyè a vre.

Men farawon an rele nèg save l yo ak divinò l yo. Yo menm tou, avèk maji yo, yo te rive fè menm bagay la tou. Yo voye baton pa yo atè, baton yo tounen koulèv tou. Men, baton Arawon an vale tout lòt baton yo.

Jòdi a, men sa Senyè a di: mwen pral fè ou konnen se mwen menm ki Senyè a. Mwen pral frape dlo gwo larivyè a avèk baton ki nan men m lan, dlo a pral tounen san.

— Si farawon an mande nou fè yon mirak pou moutre ki moun nou ye, ou menm Moyiz w'a di Arawon pran baton l lan, voye l atè devan farawon an. Baton an va tounen yon koulèv. Moyiz ak Arawon al bò kote farawon an. Yo fè sa Senyè a te ba yo lòd fè a. Arawon voye baton l lan devan farawon an ak devan tout moun farawon yo. Baton an tounen yon koulèv.