JOHAN 14 मधील लोकप्रिय बायबल वचने

सामायिक करा

“Ale nyun kebwen khipe hagun ki shüti. Ale a nyun kebwen gü khipe hagun tsüshü ti; kazü gü le khipe me tsü kehü hontse ale khipe hagun tsü titse bin mvu. Hagun nyun keyhunkerun la loshvu, lo nshvue nya nye.

Jisu le a-ka, “Ale tson gü, lo ketsin gü, lo kerhünronzin gü. Age kemvu we temi nme-e Pvügü ki gunlo hümvu.

“Hagun nyun kenjün thyü nya.” Jisu le anyugun ka zo.“Hagun Sunggigü tenyen binlo lo ako atenyen binlo.

Ai nyunthukeyhun shü nrün gü, Pvügü le a zan nyu nishü titse kebin Kenshün Kapu gü tsüle, a-npvü tha aphu zo pe hagun hishü ti, lo ale hagun ka tha zo keshü tsü aphu hagun no rüchünlo ti.

“Temi lihigüe a johokeshü shalo njüo zen kehünyu tsünyu le a kesonyu. Temi lihigüe aso kehünyu le Apvü ka teshwen pvüti, lo ale a rüla pe tsünyu hishü ti.”

Lo ale Apvü ka hiti, lo A-le kethonthen hagun zen hü nrün hagun nyun thyü kesherhün shü nrün kecha nme khipe hagun tsüti. Lo tsüle Ketsin Kapu gü, kazü gü le a-zen kengü loho kethyü gü; kechamvule a-le tsü hyu hü mvu, nmvue shae hü kemvu genyu. Hagun we a-sha bin, kechamvule a-le hagun zen hü, lo hagun nyun nyu hü nrün genyu.

Lo hagun le azan ka tha lihi-e hilo, Pvügü no Nyugü zankechwi thyüshü nrün genyu ale tsü thyü sh'uti. Hagun azan nyu tha lihi-e hilo, ale tsü khipe tsüti.

“Hagun le aso hülo hagun le ajo zen hüti.

Apvü ka ki temi bin le kechon ki bin nyo; tsonkemvu we ale hagun ka zoshü lati atale. Kechamvule ale gungü hagun bin ndo titse kethyü genyu.

Lo ale gungü hagun bin ndolo yatselo ale rani ryüo hagun zen-o aki gun loti; tson-o hagun ko no a kebin bin ka binlo ti.

Thoma le a-ka, “Npugü, nle dikipon güti yo agun le shamvu; agun le nyu tsethyü tson tsügü shalo mon?”