Yoane 6 मधील लोकप्रिय बायबल वचने

सामायिक करा

Yesu mwabũga nabo ati, Ingye indi bundu bwʼengebe. Oyukasa kwĩngye sĩendĩsyakwa nzala na kera, nʼoyũkanyĩkĩrĩraya sĩendĩsyakwa nyota na kera.

Nĩ Mũlĩmũ oyukaha engebe; omubiri sialigasakĩ. Ebĩnywa ebyo nabĩrĩbũga nenyũ nĩ Mũlĩmũ, kandi ni ngebe.

Simukolere ebyalya ebikahonda, nĩkwa mukolere ebyalya ebikabyaho erĩhĩka oko ngebe yʼerikota. Ebyalya ebĩ Omugala wʼOmundu asyabahabyo, kusangwa Nyamuhanga, Tata, abĩrĩmũhĩra kwʼekiminyikalo kyʼerĩmũsĩma.

Kusangwa erianza lya Tata wage lyerĩ ati, Oyukalangira Omugala, akamwĩkĩrĩrya, abane engebe yʼerikota; nage nasyamũlũbũkya oko kiro kyʼenyũma-nyũma.

Yesu mwasũbĩryabo ati, Omũbĩrĩ wa Nyamuhanga goyũ: mwĩkĩrĩraye oyo Nyamuhanga atuma.

Abosĩ abo Tata akamba basyasa ũkwʼĩngye; nʼoyukasa kwĩngye sindiendĩsyamũsũbya eyĩhya nʼahake.

Sĩmonĩ Petero mwamũsũbĩrya ati, Mukama, twasyaya ukundi kwehĩ? Uwe uwite ebĩnywa byʼengebe yʼerikota.

Ĩngye indi bundu bwʼengebe obwandagala bũkalũa elubula. Omundu amalya oko bundu obo, asyabyaho kera na kera; nʼobundu obo nasyaha ni mubiri wage, ogo ngaha, ekihugo kitoke eribyaho.

Sihali omundu oyukatoka erĩnyĩhĩkako, Tata oyo wanyituma ataliamuleta; nage nasyamũlũbũkya ekiro kyʼenyũma-nyũma.

Kusangwa obundu obo Nyamuhanga akaha yo yũkalũa elubula nʼeriha engebe oko kihugo.

Ĩngye indi bundu bwʼengebe.

Neryo Yesu mwĩmya amandu ayo, neryo mwagabirago oko babya bĩkere ahisi. Mwakola atya nibya nʼamahere eriha abosĩ ngoko babya banzĩre. Babere babĩũgũta, Yesu mwabwira abiga buwe ati, Mukuma-kume ebihandebihande ebitahangukira, sihatale kindu.

Neryo abiga mobagoya olulengo lwʼebilometre bitanu kutse ndatu, neryo mobalangira Yesu iniakatandayira oko magetsi akahĩka hakũhĩ nʼobwato; neryo mobubaha. Nĩkwa Yesu mwabũga nabo ati, Nĩ ĩngye, simubahe!