Dhukö 21 मधील लोकप्रिय बायबल वचने

सामायिक करा

‑A ‑kë "dhʋ̈ ‑sü 'gü, ‑ka ‑ya ka "yaan kö 'ka bhɛa" Atanna ‑dhɛ "tʋ̈ng ꞊gban 'gü, kë "dhʋ̈ kö 'ka faan ꞊slɔɔ, kö 'wɔn "pɛpɛ 'ö nu sië bha ‑yö 'kun bho ka 'gü, kö yi 'ö Mɛgbömɛ dho nu‑ 'ka bha ‑yö ‑kpan ka ‑bha ‑dɔ ‑gɛan ‑sü 'ka.»

Yesu ‑ya ‑pö ‑nu ‑dhɛ yö ꞊në‑ ‑wɔn 'gü 'ö‑ pö: «‑Kaa kë ka 'suan‑ 'ka kö ka ‑gɔ 'ya 'dho 'to pë ‑së ‑bhö ‑sü waa‑ we mü ‑sü "ɛɛn ‑ya "kpʋngtaapë ‑nu ‑wɔn zuën ‑ta ‑sü 'ö "dhiʋ̈ ziö 'ka‑ ‑bha, 'ö yi bha 'ö nu 'ö ‑kan ka 'gü

꞊Ya kë ꞊dhɛ yö ꞊në ꞊ya 'kun bho ka 'gü, kö 'kii bo n 'ka, 'yö 'ka dho ‑da ꞊sii 'ö yaa yën ‑a kë ‑dhɛ 'gü ‑dhɛkpaɔ dhia" 'gü.»

‑a ‑gɛn ‑mü ꞊dhɛ ka ‑ziö dhiang 'gü "tʋ̈ng ꞊ya ꞊loo kö ꞊wa 'dho ka 'ka ‑gɔmɛ ‑nu ‑kuu "dhiʋ̈ (dhiang 'ö kaa‑ zë ma ꞊në 'a dho‑ dɔ ka "dhi). Ma ꞊në 'a dho "yaaki nu ka ‑dhɛ. "Yaaki ‑zian 'a dho‑ nu ka ‑dhɛ bha, ‑yö ‑dho ziö ka ‑da ‑mɛ ‑nu ‑bha ‑ta, 'ö‑ ‑nu "dhi kun 'ö 'ka dhiang ‑yɔ bɔ, 'ö 'pë woo‑ pö ka ‑dhɛ 'ö ꞊dhɛng‑ ‑nu ‑gɔ.

‑A ‑gɛn ‑mü ꞊dhɛ "sɛ waa‑ dhang‑ ‑wo ‑dho ziö, "kɛɛ n ‑wʋ ‑zë 'yii 'dho bho‑ ‑bha tongtongdhö.»

꞊Ya 'go yö ‑zë 'gü, "dhabhliwɔn ‑dho kë 'ö 'ka‑ ‑dhɛ yö 'yënng‑ waa‑ "su waa‑ "susëngga ‑nu ‑bha. "Suʋ̈‑ ‑dho ‑da "kpʋngtaamɛ ‑nu 'gü, 'ö "sika ‑yö ‑da ‑nu 'gü, ‑a ‑gɛn ‑mü ꞊dhɛ ‑a "tʋ̈ng bha‑ 'gü, ꞊weeyi ‑dho ö kpö kë ꞊dhɛ ‑tɔn 'dhö 'ö ꞊loo 'ö dho 'ö ‑zuö ‑yuudhö. ‑A "tʋ̈ng bha‑ 'gü, mɛ 'bha ‑nu ‑dho ga zuëdhiʋ̈tɛɛ ‑gɔ kö ‑wo wo ‑zʋ 'gɔn sië 'wɔn ‑nu 'wo dho wɔ "kpʋngtaadhɛ ‑ta bha‑ 'ka, ‑a ‑gɛn ‑mü ꞊dhɛ Atanna ‑bha 'gügbɩɩdhɛ 'ö dhang‑ 'gü bha ‑yö ‑dho ꞊loo 'yi bha ꞊në‑ 'ka. ‑Wo ‑dho mang Mɛgbömɛ n yö "tʋ̈ng bha ꞊në‑ 'gü kö a nu sië dha 'kpong‑ ‑ta ma mɛdhɛ ‑faan "gbɩɩ‑ bha‑ 'ka waa‑ 'tɔbhɔdhe ‑ziisü 'dhö.

Ka ‑san ‑dho mɛ ꞊gban "pɛpɛ kë n ‑wɔn 'gü

'Ö "sɛ ‑yö ꞊zii ‑kɔ ‑ziisü ‑ziisü ‑nu ‑kë, 'ö "vʋ̈ʋ̈ 'dhö ‑da ‑dhɛ ‑nu 'gü 'zuuzudhö 'ö 'ka‑ ma, 'ö "yua yaya ‑nu 'wo sɔ. 'Ö "dhabhliwɔn ‑nu 'ö ꞊ya kë 'ö "suʋ̈ ‑da mɛ 'gü 'ö ‑kë dhang‑ 'gü ‑dhɛ ‑nu 'gü 'ka‑ yö.

꞊Ya 'go yö ‑zë 'gü, ka ‑dho ‑a ma ka "tʋ 'ka ꞊dhɛ ‑wo ‑gblü gɔɔn sië ‑dhɛ ‑nu 'wo ꞊ni ‑a ‑nu 'gü, "ɛɛn "sɛgɔ ‑nu "yan ‑yö dɔ sië ‑gɛan. ꞊Ya kë "dhʋ̈ ka "gblʋ̈ʋ̈dhɛ 'ya 'dho "muu bho, ‑a ‑gɛn ‑mü ꞊dhɛ ‑a ‑dhɛa ‑bha ꞊dhɛ 'wɔn ‑nu bha ‑wo kë ꞊kö ‑blɛɛsü. "Kɛɛ yö ‑zë 'yii 'dho kë "sɛ "dhiʋ̈todhɛ 'ka.» "Sɛgɔ 'bha‑ ‑dho "wlü 'ö dho ö ‑gblü ‑da ‑a 'bha ‑ta, 'ö ‑gblüdë 'bha ‑yö ꞊wlü 'ö dho 'ö ‑pö mɛ 'bha ‑ta.

꞊Ya 'go yö ‑zë 'gü, "dhabhliwɔn ‑dho kë 'ö 'ka‑ ‑dhɛ yö 'yënng‑ waa‑ "su waa‑ "susëngga ‑nu ‑bha. "Suʋ̈‑ ‑dho ‑da "kpʋngtaamɛ ‑nu 'gü, 'ö "sika ‑yö ‑da ‑nu 'gü, ‑a ‑gɛn ‑mü ꞊dhɛ ‑a "tʋ̈ng bha‑ 'gü, ꞊weeyi ‑dho ö kpö kë ꞊dhɛ ‑tɔn 'dhö 'ö ꞊loo 'ö dho 'ö ‑zuö ‑yuudhö. ‑A "tʋ̈ng bha‑ 'gü, mɛ 'bha ‑nu ‑dho ga zuëdhiʋ̈tɛɛ ‑gɔ kö ‑wo wo ‑zʋ 'gɔn sië 'wɔn ‑nu 'wo dho wɔ "kpʋngtaadhɛ ‑ta bha‑ 'ka, ‑a ‑gɛn ‑mü ꞊dhɛ Atanna ‑bha 'gügbɩɩdhɛ 'ö dhang‑ 'gü bha ‑yö ‑dho ꞊loo 'yi bha ꞊në‑ 'ka.

"Sɛgɔ 'bha‑ ‑dho "wlü 'ö dho ö ‑gblü ‑da ‑a 'bha ‑ta, 'ö ‑gblüdë 'bha ‑yö ꞊wlü 'ö dho 'ö ‑pö mɛ 'bha ‑ta.

'Yö‑ ‑yɔ bɔ‑ ‑nu ‑gɔ 'ö‑ pö: «‑Kaa kë ‑së kö 'wa 'dho "kpënng‑ kë ka ‑gɔ 'wo ka ‑pö; ‑a ‑gɛn ‑mü ꞊dhɛ mɛ 'gbɛ‑ ‑dho nu n 'tɔ 'gü, 'ö 'wo‑ pö ka ‑dhɛ ꞊dhɛ n nu "tʋ̈ng ꞊ya ꞊loo, "ɛɛn wo ꞊në 'wo n 'ka, "kɛɛ ꞊waa‑ pö "dhʋ̈, 'ka 'dho‑ ‑yɔ bɔ.