MAFIYU 5 मधील लोकप्रिय बायबल वचने

सामायिक करा

Nu lɛ wɔnɔ labo ɣaa zoga ɔ́ dɔ kpɔlɔ bu. Kɛ̀ ta sei labo‐zei ŋɛnii ɣa é nu pɛ gaazu wodo pɛlɛi wu. A wiɛ ʋolo ƃɔɔ nu ƃuse ɣaazu kɛɛ ʋaa ma te wɛlɛ wa lii vagɔitiɛ va, wo ɣeeai nii é gee‐zuvɛ tiɛ dáa maa lɛ.

Wa ɣa wo ga zui maŋada wodoai. Tai é wuuni gizi ga ɛ́ lɛ loowuga.

“Tuuyiɛ ɣa niitiɛ ma te yii zu wuai, ƃɔvɛlaale ta vaazu Gala pɛtɛsu.

“Tuuyiɛ ɣa niitiɛ ma te tele‐bo tuo maa‐wõi‐wõi kulozu, ƃɔvɛlaale te yii ɣa vaazu laazu su.

Kɛ̀ gà bosu wiɛ ga a wõi ga wo wɔɔ yɔ̃wɔa wiɛ Gala feli niitiɛ ʋaa ma ta wo ƃɔɔla

É ɣɛni ɣɛɛzu tea, “Tuuyiɛ ɣa niitiɛ ma te yii lɛ wɔɔlɔni, ƃɔvɛlaale ta ɣa te wo ge ga Gala ta masadai.

“Tuuyiɛ ɣa niitiɛ ma ta kɛ zii‐laa ɣɛ zui zu, ƃɔvɛlaale ta vaazu te lilisu ga Gala dea.

“Tuuyiɛ ɣa niitiɛ ma gwɔlɔ yiɛ te ɣaazu, ƃɔvɛlaale gaa‐nɛkpɛ ka vaazu wosu ga tiɛ.

“Tuuyiɛ ɣa niitiɛ ma te ƃɔɔlagɛi tele‐bo tuoi wulu vele zu, ƃɔvɛlaale ta ɣa te wo ge ga Gala ta masadai.

“Tuuyiɛ ɣa niitiɛ ma te ga gaazu‐maa‐wõi‐ɣaa vea, ƃɔvɛlaale ta vaazu gaazu‐maa‐wõi‐ɣaa maa zɔlɔ wosu.

“Tuuyiɛ ɣa ɣɛ wo ma ani numaa ta ɣɛ na wo laa wo zu loozu ga yowũa tiɛ wo ƃɔɔla tiɛ faa yowũ mazii ɣaazɔ wo ga wo laa ga ƃaa‐wo‐ma vele tiɛ kɛ màʋaa zu. A wiɛ kuu‐zu‐nɛɛ wulo, wo wuu zu yìɛ nɛɛ, ƃɔvɛlaale mawulo‐nu‐mai wɔɔlɔvɛ wo ya Gala ta. Gala daa woo‐wo beai niitiɛ te ŋeteai ɣɛɛni wo luo, vele nɔ na numaitiɛ te te ƃɔɔlani la.

“Tuuyiɛ ɣa niitiɛ ma te woloai, ƃɔvɛlaale zui ɣa vaazu ɣɛɛzu ga te weli.

“Wa ɣa wo ga zui maƃoloi. Kɛ̀ tɔwɔ ani kpolo mayɛmi ka wulo na ba, tɔ sa a yɛ ɣɛ le kpololai zu? Ɛ́ lɛ sa wɔlɔ‐wɔlɔ vaga faa ta nɛpɛ faa ma, kɛni nɔ te pili ya numaa wɔwɔ wu tiɛ ziɛ su.

Na ma kɛni wa ɣɛ ga nui maa‐wulo‐zu lɛ máʋaa va, è ɣɛ velei maa‐wulo‐zu lɛ la wo ɣeea Gala maʋaa va, na ɣa ga nii é gee‐zuvɛ.

Zɔi nɛpɛgi wa ɣɛ wo bo, a ƃe ba nɔ é ɣɛ ga ‘ooi’ ɔɔ ‘ƃa’. Wa faa ta nɛpɛ bo na é wudɛ minɛ maazu, towaa wulo tuƃo‐vele‐yowũ nui ya.

“Wo mɛniga ga bogɛ ga ‘Nu ɣa ŋada zei è ɣaazu ɣɛzɛgi va, ŋada zei gáazu ɣɛzɛgi va. Nu ɣa ŋada zei è yĩgɛi va, ŋada zei yĩgɛi va.’ Kɛ̀ gà bosu wiɛ ga a mɛ lɛ lo nui la é tuƃo vele yowũ wulozu ga wiɛ. Kɛ̀ ani nu nɛpɛ ka è woolɛ na è yee‐za‐su vele womagi va, zɔlaavɛ vele lite manui ma kɔnɔ.

Ani è yee‐za‐su vele ɣaazu ɣɛzɛgi ɣa ɣɛɛzu ga zaƃu ga è ziɣi pele va, kulo na è pili ya. Pagɛ è vala è lɔtɔi lo‐suvɛ ta ma é leve è lɔtɔi ɣaazɔ viliga va daa‐nɔwɔ‐wo ŋada laavɛ. Ani wɔnɔ è yee‐zagi ɣa ɣɛɛzu ga zaƃu ga è ziɣi pele va, teve va è pili ya. Pagɛ è vala è lɔtɔi lo‐suvɛ ta ma é leve è lɔtɔi ɣaazɔ viliga va daa‐nɔwɔ‐wo ŋada laavɛ.