LUKI 13 मधील लोकप्रिय बायबल वचने

सामायिक करा

“A wɔ ga wo leve ga kpo zeɣe la ƃoolagɛi laavɛ vele. Gè bo wiɛ, su‐wulo‐zu ɣa ga nu lamaa ɣa pele ɣaa ziɛ ga te lɛ, tɔwɔ mazobo gɛ lɛ ɣɛɛ tiɛ.

Tɔwɔ ŋaza nu ta ɣɛni na gɔʋɛ yowũi yá nu zeeƃɛ nà kɛɛ pulu ga kwena puugɔ kai lɔsava. Maa vɛi ɣɛ ɛ́ lɛ ƃega zoo ɔ́ ɣaa lɔ. Tei Ziizɛ wɛlɛni ba é tilini é ɣɛ ma, “Ŋaza nu, è wulovɛ sa yà zeeƃɛi zu.”

É yee vɛɛni sa ɣɛ ŋaza nui va, nà wɔ ge ɣaa lɔ ga maa ʋilea yíɛ Gala daa maa lɛ.

A wɛlɛ! Taniga ta na te ga nu ɣaa‐ƃelaga, tɔwɔ ta ɣɛ ga nu maa wũga. Taniga te wɔnɔ na te ga nu maa wũga ta ɣɛ ga nu ɣaa‐ƃelaga.”

Folo ɣila pɛlɛ wũda nui ɣa wu ziɣi na é pɛlɛi laa wulu, wa sa wa vɛɛ ga loga ga ŋetea vele wiɛ kpogi luƃo wiɛ ɣɛ tea, ‘Gè maliɣii, daa lao gé luo.’ Tɔwɔ tɔ sa a wo woi ɣaa wote é ɣɛ wo ma, ‘Vɛ wo ziɣia na gè lɛ ná wɛ̃ni.’

Gè bo wiɛ, ɛ́ lɛ ŋɛ na. Kɛ̀ kɛni wo wulu ɣaa ʋe faa yowũ va. Na laale wo pɛ wo zu ɣa ƃɔnɔ wo ŋɛ na.”

Tɔwɔ towaa ɣɛ wɔnɔ wo ma, ‘Vɛ wo ziɣia na gɛ̀ lɛ ná wɛ̃ni. A ziɣi kòba, wai ɣaazɔ wo ga tuo‐vele‐yowũ lii‐ɣɛɛ veaitiɛ!’

Ziizɛ ɣɛni tea, “Gala na masadai wulovɛ ga zɛƃɛ? Zɛƃɛ ɣa gà po kɔ̃ɔ ma? Maʋaa wulovɛ è ɣɛ “mɔsita” wului maɣai gilagi zunui siɣini é sei ná tulugi zu. Tɔwɔ é ƃɛtɛni é ɣɛ ga gulu. Na ɣa ɣɛɛ na wɛ̃niitiɛ te laɣa toni mavekegitiɛ ɣa.”