Ɉaan 6 मधील लोकप्रिय बायबल वचने

सामायिक करा

Jesus yɛ diɛ: «Ɲą́ą́ ɓə a yɛnɛ̨ɛ̨ hva kpɛɛ kɔ̨nɔ̨n, nui a mįi, pulu hva kɛa ɉon. Nui a laa na, kpələ wɛli hva nwɔ̨nɔ̨ ɉon.

Kili a nu kɛ a vulú, kɛlaa, nu hvo ɓaa hɛn da. Nwooɠaai ŋɛ̨i ŋį́ mo kaa ya ɓə gaa a Kili da yɛnɛ̨ɛ̨.

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Ną́n dɔ́ɔ́ niiɓa ɓaa, nui lɔpee a ɲɛ̨i tɔɔ Non ma, ə laa na, mąą nu a yɛnɛ̨ɛ̨i kpɛɛ hvo mą ɉɔlɔɓo. Ɛlɛɛ, gáá pai nwun ɉii a yɛnɛ̨ɛ̨ ŋąąkpɛɛ yələ.»

Jesus ə di woo pulu pənə yɛ diɛ: «Yii Yálá ka gwɛli ka yei, ya ɓaa, nui ŋɛ̨i ə dɔɔ, ka laa na.»

Nuą lɔpee Ną́n a di tɛɛ bɔ́, di kaa pai pai bɔ́. Vá lənə dɔ̨nɔ̨ kpɛli ɓa.

Simɔn Piɛrə ə nwoo pulu pənə yɛ mą: «Ną́mu, gbɛɛ takpɛli ɓə kwa pɛli lii bɔ? Mąąhɔlɔɓo, nwooɠaai gaa ə́ la, da yɛnɛ̨ɛ̨ kpɛɛ hvo mą tɛɛ nu pɔ.

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

Nui lɔpee ta hva pɛli pai bɔ́ akɛ Ną́n dɔ́ɔ́ hvo nii muhəɠə li. Ɛlɛɛ, ɲą́ą́n gáá pai nwun ɉi a yɛnɛ̨ɛ̨ ŋąąkpɛɛ yələ.

Mąąhɔlɔɓo, gɔ̨nɔ̨n Yálá a dɛɛ nu pɔ, ya ɓaa yii həɠə yələi ə pa yɛnɛ̨ɛ̨, əgɛ, ə yɛnɛ̨ɛ̨ hva kpɛɛ tɛɛ nuą pɔ.»

Ɲą́ą́ ɓə gáá a yɛnɛ̨ɛ̨ hva kpɛɛ kɔ̨nɔ̨n.

Jesus ə nɛɠɛɠaa tii həɠə, ə Yálá hɛɠɛɛɓo, ə ŋąąkwɛlɛ nu kəlee diɛ. Pələ lɔ ɓə ə gɛ la a ɉɔ̨nwɔ̨lee, ə ɲąąkwɛlɛ diɛ, nu kəlee di ɉɔlɔɓo yɛ pələi di kɛ la bɔ. Yii kɛa nu kəlee di pilɛ, Jesus ə mo nwɔ kalan nɛai diɛ, yɛ diɛ: «Ka nɛɠɛ kpuɔɠaa kəlee; yɛɠɛ; dɔ̨nɔ̨ kpɛli hvo lɛɛ tooni.»

Galan nɛa mąą kwɛa kɛa kɛ gbukpu ɓa a kələn dɔ̨nɔ̨ ɲɔ̨nwɔ̨mą. Ɓɛlɔwai di Jesus kaa la yɛ hiɛ ɲa ŋą, yɛ lɛɠɛ diɛ, di ɲɔ̨w kpɔ kɛnɛ̨. Kɛlaa, Jesus yɛ diɛ: «'Ka hvo ɲɔw! Ɲą́ą́ li.»