Zenez 3 मधील लोकप्रिय बायबल वचने

सामायिक करा

Sa fanm ti war ki fri sa pye dibwa ti zoli e bon pour manze. I ti donn li lanvi manze pour li ganny konnesans. I ti pran enn e i ti manze. I ti donn osi en morso son mari ki ti obor li, e i ti manze.

Serpan ti pli rize parmi tou bann zannimo sovaz ki SENYER Bondye ti'n kree. I ti demann sa fanm, “Eski Bondye in vreman dir: Ou pa devre manz tou bann fri lo bann pye ki dan zarden?”

Mon pou met ostilite ant ou e sa fanm, ant ou desandans ek son desandans: I pou kraz ou latet e ou pou mord son talon.

Apre, SENYER Bondye ti dir avek sa fanm, “Mon pou ogmant ou douler lakousman. Ou pou soufer bokou pour ganny zanfan. Ou pou ganny atire ver ou mari, me i pou domin lo ou.”

Ou pou bezwen trimouse pour ganny ou nouritir ziska ki ou retourn dan lapousyer, kot ou sorti. Annefe, ou'n ganny tire dan lapousyer, ou pou retourn dan lapousyer.”

Avek Adan i ti dir, “Akoz ou'n ekout ou fanm, ou'n manz fri sa pye dibwa ki mon ti defann ou manze, later pou ganny modi, akoz ou. Ou pou bezwen trimouse tou le zour ou lavi antye pour ou fer li prodwir manze.

SENYER Bondye ti demande, “Lekel ki'n dir ki ou touni? Eski ou'n manz sa fri pye dibwa ki mon ti defann zot manze?”

Apre ki i ti'n sas zonm, SENYER Bondye ti plas bann seriben dan lantre zarden Edenn avek en lepe laflanm ki ti dous dan tou kote, pour zot gard lakse ki al kot sa pye dibwa ki donn lavi.

Adan ti apel son fanm Ev, savedir vivan, akoz i ti manman tou bann vivan lo later.