Halia - 2020 WBT (NT) Non Drama

<div class="version vid955 iso6393hla" data-vid="955" data-iso6393="hla">
 <div class="book bkLUK">
 <div class="chapter ch11" data-usfm="LUK.11">
 <div class="label">11</div><div class="s">E Iesu e hihatutsin tegi mar singo uu</div><div class="r">(Matiu 6:9-13, Matiu 7:7-11)</div><div class="p"> 1E Iesu e singoia tara t&#246;a makum ba p&#246;ata te singo hakapaien, ba t&#246;a katunun tsitsilo i tanen e poeiena i tanen, &#8220;Tsunono, hatuts ramei lam temar singo uaier, temar hatuts merai e Jon u katunun tsitsilo i tanen.&#8221;</div><div class="p"> 2Be Iesu e poeiena i taren, &#8220;P&#246;ata te singo mia limiou, alimiou go mar singo uaiam teka:</div><div class="q1">&#8216;O Tamamulam,</div><div class="q1">a solom&#246;l&#246; egi hag&#246;agoni.</div><div class="q1">Al&#246; go mi tsunone rilam.</div><div class="q1"> 3Al&#246; go hala ramei lam a kannou na i romana.</div><div class="q1"> 4Bal&#246; te hapolasa bera mi lam a man markato a man omi i tamulam</div><div class="q2">te hapolasa has mena mi lam a man markato a man omi ti katoeia u katuun i tamulam.</div><div class="q1">Na l&#246; goma hala merai lam tara p&#246;ata turu hiamus.&#8217;&#8221;</div><div class="p"> 5Be Iesu e poeiena turu katunun tsitsilo i tanen, &#8220;Sanena ta t&#246;a i tamilimiou ega ka mei ta hahikapien i tanen bate la uana tara luma i tanen tara gusuna bong batena hateie nen, &#8216;O hahikapien, alia go haroho bin ta topisa ta beret. 6Taraha? A tana hahikapien i tar e la nama i lehana me butuna i luma i tar, kaba lia u m&#246;a ta kannou tego haleien!&#8217; 7Na hahikapien i tam&#246;l&#246; e tatei soul nama iahana luma, &#8216;Ma tuke balei lia! A tamana e pili hakapa lala, na lam mera galapien i tar e op&#246;m, na lia ema takei goui bate hale gouil&#246; ta ka.&#8217; 8Bara, alia e ranga megou l&#246;, nonei e tatei takeina bate hale noui l&#246; a mamanaka te ngile m&#246;l&#246;. Kaba mana tara nihikapien i tam&#246;l&#246;? E m&#246;a. Kaba nonei e s&#246;kanan hengo tunena te ku birbirits uana a hahikapien i tanen, bate haleneien a manka te ngilenen. 9Na lia e poeiegu i tamilimiou, rangataiam ba limiou te lue mouen romana. Sakeiam ba limiou te sabie mouen romana. Porokeiam a tamana bate kalate riou. 10Taraha? U katuun te rangrangatar e lue rouen romana, na u katuun te sakesaker e sabie rouen, na u katuun te porporoko riou e kalata bera roui a tamana. 11Esi i tamilimiou te tatei hale nei a pien tson i tanen a k&#246;k&#246;tsi tega singo menaien ta iena? 12Tsi tega singoeien ta nata, al&#246; e hale moien a k&#246;koto? 13Alimiou u katuun u omi e atein hala noa has namiou a manka man niga tara galapien i tamilimiou. Na e Tamarara i Kol&#246; te niga balana e hala has nanou u Namnamei u G&#246;agono turu katuun te singor bate harangata ria i tanen!&#8221;</div><div class="s">E Iesu mere Belsebul</div><div class="r">(Matiu 12:22-30, Mak 3:20-27)</div><div class="p"> 14E Iesu e tsuga ban a liliahanei a omi te roron kato habirui a t&#246;a katuun. Tara p&#246;ata te lakasaia a liliahanei, ba katuun e tanian rangana. Bu katuun e asingoto korur. 15Kaba palai taren i pei, &#8220;Nonei e tsuga ba rena u liliahanei u omi tara nitagala tara tsunono i taren e Belsebul!&#8221;</div><div class="p"> 16Ba palai e torohane ren me rangate rien tega kato menaien tu t&#246;a tu hihar&#246;tona i Kol&#246; tega har&#246;tein nonei e lama tere Sunahan. 17Kaba e Iesu e atei sil u hakhakats i taren me poeiena i taren, &#8220;Tegi hiatatung poutsia u katuun iahana t&#246;a han, ba han teka tena omi nou. Na tegi hiatatung poutsia u katuun tara t&#246;a hun katuun, ba u katuun teka tena tasata has riou. 18Na tegi hiatatung poutsia a pala tere Satan, ga ime temar tuol hakarapoto uanou a nipepeito i tanen? Nonei a ka temar ranga sila uagu lia teka, te pei mena milimiou e Belsebul te hale nei lia a nitagala tego tsuga ba merai lia u liliahanei u omi. 19Tego tsuga ba merai lia u liliahanei u omi tara nitagala tere Belsebul, ba tara nitagala teresi te tsuga ba mera rien u katunun tsitsilo i tamilimiou? U katuun pouts i tamilimiou te har&#246;to ner alimiou e ranga homi miou. 20Kaba te tsuga ba ragia lia u liliahanei u omi tara nitagala tere Sunahan, ba ka teka te hatara nena a Nipepeito tere Sunahan e la hakapa uama i tamilimiou.</div><div class="p"> 21&#8220;Tara p&#246;ata te ka mena a katuun a tagala a man kaan hiatatung i tanen bate tara kap haniga nena a luma i tanen, a mamanaka i tanen e nigana. 22Kaba tega butuia ta katuun ta tagala bala koru bate atunge nen tega tagala saluhe naien, ba nonei te s&#246;ata hakape iena a man kaan hiatatung te kahete kap meien a peisanen. Na mamanaka hoboto te s&#246;ateien, nonei e molamola naien tara palair u katuun.</div><div class="p"> 23&#8220;A katuun tema katuun uanei i tar e omie noulia. Na katuun tema hagala taguhu gono menei lia a kannou e tsihasa ranen.&#8221;</div><div class="s">A liliahanei a omi e kopisima</div><div class="r">(Matiu 12:43-45)</div><div class="p"> 24Be Iesu e pei lelena, &#8220;Tara p&#246;ata te lakasa ba nena a liliahanei a omi a katuun, ba nonei te hula lana tara makum a palaka bate sake la nena ta makum tega husa ien. Kaba tema sabie neien ta makum, ba nonei te hakats pouts nena nonei a katuun te laba namen, &#8216;Alia e la pouts uagou tara luma tu laba nema lia.&#8217; 25Ba nonei e la poutsuna mena sabiena a luma e gogoso na e tara hanigana. 26Ba nonei ena peigi renama a tohit a liliahanei a omi te omi bala naien. Ba nori e la rima memi tasu ria nonei tara katuun. I murimuri nonei e omi bala koru nanou te mar ka mam uaien.&#8221;</div><div class="s">A nisasaala hamana</div><div class="p"> 27Tara p&#246;ata te ranga hakapa naia e Iesu a ka teka, ba t&#246;a tahol e ranga seina i gusura u katuun me poeiena i tanen, &#8220;A tahol te poseiou l&#246; na te hasuseiou l&#246; ega sasaala!&#8221; 28Be Iesu e ranga palisina me poeiena, &#8220;U katuun te hengoer u raranga tere Sunahan bate kukutie ren egi sasaala baba koru.&#8221;</div><div class="s">U katuun i ngilin tarein tu mirakol</div><div class="r">(Matiu 12:38-42)</div><div class="p"> 29P&#246;ata ti gono hahiseia u katuun e Iesu, ba nonei e ranga noa hasina i taren me poeiena, &#8220;U katunura i romana u katuun u omi. Nori e roron kato siler tegi tara menaien tu mirakol. Kaba e m&#246;a tu mirakol tegi hatara raien, u mirakol lasi tere Jona. 30E Jona e here ii a hat&#246;atongo, a katunun p&#246;p&#246;a turu katunura i Ninive. Na Alia tu butun Katunuma e here hase goi a katunun p&#246;p&#246;a turu katunura i romana. 31Turu Lanin Hahuna i murimuri, a tetahol panina i Siba e takei nou bate saka ranoui u katunura i romana u ranga. Taraha? Nonei a tetahol te lama i lehana koru tegomi hengo menai u hihatuts u niga tere Solomon a King. Na i romana a katuun te pan bala nena e Solomon e kana teka, kaba limiou ema hengoe mien! 32Turu Lanin Hahuna ba u katunura i Ninive te saka raroui u katunura i romana u ranga. Taraha? A tei Ninive i hengo u raranga tere Jona me hapolaser a markato a omi i taren. Na i romana a t&#246;a katuun te pan bala nena e Jona e kana teka, kaba limiou e ma hapolasa noa hasemi a man markato a man omi i tamilimiou!&#8221;</div><div class="s">U ualesala</div><div class="r">(Matiu 5:15, Matiu 6:22-23)</div><div class="p"> 33E Iesu e ranga lel me poeiena, &#8220;E m&#246;a ta t&#246;a ta katuun tega hakulupi u lam bate hamouse nen tsi e kopo kap naneien a tabeli. Nonei e roron hake nen tara makumun gumgum i tanen iasa, ba u katuun te tasur te tatei tareren. 34Na matam&#246;l&#246; e here nei u lam turu tuenrei. Te nigana u mata, al&#246; e ka mia turu ualesala. Kaba te omina u mata, al&#246; e ka mia turu kuhil. 35Al&#246; go hanei haniga. Ualesala iaham&#246;l&#246; e namots kuhilina. 36Te alesala hoboto na iaham&#246;l&#246;, bate m&#246;ana tu kuhil, ba nonei te alesala sok&#246; na, te kato uana u lam te alesala uana i tam&#246;l&#246;.&#8221;</div><div class="s">Hanei sileiam u tson hihatuts tara Lo na u Parasi</div><div class="r">(Matiu 23:1-36, Mak 12:38-40)</div><div class="p"> 37P&#246;ata te ranga hakapaia e Iesu, ba t&#246;a katuun turu Parasi e ng&#246; mena neien i luma i tanen tegina nou uaien. Be Iesu e gum sil talena tega nouaien. 38Ba nonei a Parasi e asingoto nena te nou u e Iesu batema galus mamme nei a limanen ti markatou u Jiu. 39Ba Tsunono e poeiena i tanen, &#8220;Alimiou u Parasi e roron kato hagogose miou a murina kap na pelete, kaba i torimilimiou, alimiou u gulgulka na e saputu memiou a mamana a markato a omi. 40Alimiou u tutu! E Sunahan te kato u tuenreina ielesala na u tuenrei hasina iogana. 41Kaba alimiou go hala naim a manka te ka memi limiou tara katuun te m&#246;a ta ka, ba limiou te t&#246;an gogoso hamana miou.</div><div class="p"> 42&#8220;Alimiou u Parasi, a nomi pan e butuna romana i tamilimiou. A mamana matsi kaan hasoksoka a matsi tetenei te kana tara kui, alimiou e roron patsike miou a matsi maloto a matsi makum bate halemi e Sunahan a man hamalotona man makum. A markato te hala menari a hamalotona a makum tere Sunahan e nigana. Kaba limiou e roron totone miou u mar hihatuts pan tara Lo te markato uana teka: a markato te hamou hamatsk&#246; menari u raranga turu katuun, na markato te ngil menari u katuun e Sunahan.</div><div class="p"> 43&#8220;Alimiou u Parasi, a nomi pan e butuna romana i tamilimiou. Alimiou e ngil korue miou ego gum mia turu gumgum tara pal kapan tara luman lotu, na limiou e ngil hase miou u katuun egi hapan raia limiou tara t&#246;ana. 44A nomi pan e hahaloso ranou limiou. Alimiou e heremi a man kioun mate tema tareri u katuun. Bate tataala ria ielunen, kaba ema atei sileri a ka a omi e kana iogana.&#8221;</div><div class="p"> 45Ba t&#246;a tson hihatuts tara Lo e poeiena i tanen, &#8220;Tson Hihatuts, tara p&#246;ata te ranga namia l&#246; a ka teka, al&#246; e saka has ramien lam!&#8221; 46Be Iesu e ranga palisina me poeiena, &#8220;A nomi pan e butuna romana i tamilimiou has u tson hihatuts tara Lo! Alimiou e roron hake mia a man nitiama turu katuun bate lagi s&#246;s&#246;ate ren, kaba limiou e namala taguhu ramien. 47A nomi e butuna romana i tamilimiou. Alimiou e roron kuie miou u kahokaho u niga turu propet, u tubumilimiou ti atung hamate raien. 48Alimiou e har&#246;to nemiou te hatangana mena milimiou a markato turu tubumilimiou: nori i pulir u propet ba limiou te kuie miou u kahokaho i taren. 49E Sunahan, te ka mena u hakhakats u niga, e pei, &#8216;Alia e hala ragou u propet na u katunun raranga i taren. Ba nori te kato homi rer romana a palai i taren, bate atung hamate raier a palai.&#8217; 50-51Ba limiou, u katunura i romana te alate mou romana u propet hoboto ti atung hamatier i mam noa, e taniaia tere Ebol ti atung hamati, bate noana tere Sakaria ti atung hamateia i hagusuna a makumun haats na Luman Lotu Pan. Aa, alia e ranga mera goulimiou, alimiou u katunura i romana e alate moen romana!&#8221; 52Be Iesu e poeiena, &#8220;A nomi e butu noa i tamilimiou u tson hihatuts tara Lo. Alimiou e rama namiou a maroro tega kalati a niatei hamana tere Sunahan. Alimiou ema lu bemi a peisamiou a niatei teka, na limiou e hapiou has ramiou u katuun te ngilin lue ren!&#8221; 53P&#246;ata te laba naia e Iesu a makum teka, bu tson hihatuts tara Lo na u Parasi e tanian tuts sil korue ren me rangate rien u rangrangatana tara mamanaka. 54Nori i torohanan gamo naien bate ngilin sake ner tu raranga tu omi tega katoeien.</div>
 </div>
 </div>
</div>

E Iesu e singoia tara töa makum ba pöata te singo hakapaien, ba töa katunun tsitsilo i tanen e poeiena i tanen, “Tsunono, hatuts ramei lam temar singo uaier, temar hatuts merai e Jon u katunun tsitsilo i tanen.”
Be Iesu e poeiena i taren, “Pöata te singo mia limiou, alimiou go mar singo uaiam teka:
‘O Tamamulam,
a solomölö egi hagöagoni.
Alö go mi tsunone rilam.
Alö go hala ramei lam a kannou na i romana.
Balö te hapolasa bera mi lam a man markato a man omi i tamulam
te hapolasa has mena mi lam a man markato a man omi ti katoeia u katuun i tamulam.
Na lö goma hala merai lam tara pöata turu hiamus.’”
Be Iesu e poeiena turu katunun tsitsilo i tanen, “Sanena ta töa i tamilimiou ega ka mei ta hahikapien i tanen bate la uana tara luma i tanen tara gusuna bong batena hateie nen, ‘O hahikapien, alia go haroho bin ta topisa ta beret. Taraha? A tana hahikapien i tar e la nama i lehana me butuna i luma i tar, kaba lia u möa ta kannou tego haleien!’ Na hahikapien i tamölö e tatei soul nama iahana luma, ‘Ma tuke balei lia! A tamana e pili hakapa lala, na lam mera galapien i tar e opöm, na lia ema takei goui bate hale gouilö ta ka.’ Bara, alia e ranga megou lö, nonei e tatei takeina bate hale noui lö a mamanaka te ngile mölö. Kaba mana tara nihikapien i tamölö? E möa. Kaba nonei e sökanan hengo tunena te ku birbirits uana a hahikapien i tanen, bate haleneien a manka te ngilenen. Na lia e poeiegu i tamilimiou, rangataiam ba limiou te lue mouen romana. Sakeiam ba limiou te sabie mouen romana. Porokeiam a tamana bate kalate riou. Taraha? U katuun te rangrangatar e lue rouen romana, na u katuun te sakesaker e sabie rouen, na u katuun te porporoko riou e kalata bera roui a tamana. Esi i tamilimiou te tatei hale nei a pien tson i tanen a kökötsi tega singo menaien ta iena? Tsi tega singoeien ta nata, alö e hale moien a kökoto? Alimiou u katuun u omi e atein hala noa has namiou a manka man niga tara galapien i tamilimiou. Na e Tamarara i Kolö te niga balana e hala has nanou u Namnamei u Göagono turu katuun te singor bate harangata ria i tanen!”


E Iesu e tsuga ban a liliahanei a omi te roron kato habirui a töa katuun. Tara pöata te lakasaia a liliahanei, ba katuun e tanian rangana. Bu katuun e asingoto korur. Kaba palai taren i pei, “Nonei e tsuga ba rena u liliahanei u omi tara nitagala tara tsunono i taren e Belsebul!”
Ba palai e torohane ren me rangate rien tega kato menaien tu töa tu hiharötona i Kolö tega harötein nonei e lama tere Sunahan. Kaba e Iesu e atei sil u hakhakats i taren me poeiena i taren, “Tegi hiatatung poutsia u katuun iahana töa han, ba han teka tena omi nou. Na tegi hiatatung poutsia u katuun tara töa hun katuun, ba u katuun teka tena tasata has riou. Na tegi hiatatung poutsia a pala tere Satan, ga ime temar tuol hakarapoto uanou a nipepeito i tanen? Nonei a ka temar ranga sila uagu lia teka, te pei mena milimiou e Belsebul te hale nei lia a nitagala tego tsuga ba merai lia u liliahanei u omi. Tego tsuga ba merai lia u liliahanei u omi tara nitagala tere Belsebul, ba tara nitagala teresi te tsuga ba mera rien u katunun tsitsilo i tamilimiou? U katuun pouts i tamilimiou te haröto ner alimiou e ranga homi miou. Kaba te tsuga ba ragia lia u liliahanei u omi tara nitagala tere Sunahan, ba ka teka te hatara nena a Nipepeito tere Sunahan e la hakapa uama i tamilimiou.
“Tara pöata te ka mena a katuun a tagala a man kaan hiatatung i tanen bate tara kap haniga nena a luma i tanen, a mamanaka i tanen e nigana. Kaba tega butuia ta katuun ta tagala bala koru bate atunge nen tega tagala saluhe naien, ba nonei te söata hakape iena a man kaan hiatatung te kahete kap meien a peisanen. Na mamanaka hoboto te söateien, nonei e molamola naien tara palair u katuun.
“A katuun tema katuun uanei i tar e omie noulia. Na katuun tema hagala taguhu gono menei lia a kannou e tsihasa ranen.”


Be Iesu e pei lelena, “Tara pöata te lakasa ba nena a liliahanei a omi a katuun, ba nonei te hula lana tara makum a palaka bate sake la nena ta makum tega husa ien. Kaba tema sabie neien ta makum, ba nonei te hakats pouts nena nonei a katuun te laba namen, ‘Alia e la pouts uagou tara luma tu laba nema lia.’ Ba nonei e la poutsuna mena sabiena a luma e gogoso na e tara hanigana. Ba nonei ena peigi renama a tohit a liliahanei a omi te omi bala naien. Ba nori e la rima memi tasu ria nonei tara katuun. I murimuri nonei e omi bala koru nanou te mar ka mam uaien.”

Tara pöata te ranga hakapa naia e Iesu a ka teka, ba töa tahol e ranga seina i gusura u katuun me poeiena i tanen, “A tahol te poseiou lö na te hasuseiou lö ega sasaala!” Be Iesu e ranga palisina me poeiena, “U katuun te hengoer u raranga tere Sunahan bate kukutie ren egi sasaala baba koru.”


Pöata ti gono hahiseia u katuun e Iesu, ba nonei e ranga noa hasina i taren me poeiena, “U katunura i romana u katuun u omi. Nori e roron kato siler tegi tara menaien tu mirakol. Kaba e möa tu mirakol tegi hatara raien, u mirakol lasi tere Jona. E Jona e here ii a hatöatongo, a katunun pöpöa turu katunura i Ninive. Na Alia tu butun Katunuma e here hase goi a katunun pöpöa turu katunura i romana. Turu Lanin Hahuna i murimuri, a tetahol panina i Siba e takei nou bate saka ranoui u katunura i romana u ranga. Taraha? Nonei a tetahol te lama i lehana koru tegomi hengo menai u hihatuts u niga tere Solomon a King. Na i romana a katuun te pan bala nena e Solomon e kana teka, kaba limiou ema hengoe mien! Turu Lanin Hahuna ba u katunura i Ninive te saka raroui u katunura i romana u ranga. Taraha? A tei Ninive i hengo u raranga tere Jona me hapolaser a markato a omi i taren. Na i romana a töa katuun te pan bala nena e Jona e kana teka, kaba limiou e ma hapolasa noa hasemi a man markato a man omi i tamilimiou!”


E Iesu e ranga lel me poeiena, “E möa ta töa ta katuun tega hakulupi u lam bate hamouse nen tsi e kopo kap naneien a tabeli. Nonei e roron hake nen tara makumun gumgum i tanen iasa, ba u katuun te tasur te tatei tareren. Na matamölö e here nei u lam turu tuenrei. Te nigana u mata, alö e ka mia turu ualesala. Kaba te omina u mata, alö e ka mia turu kuhil. Alö go hanei haniga. Ualesala iahamölö e namots kuhilina. Te alesala hoboto na iahamölö, bate möana tu kuhil, ba nonei te alesala sokö na, te kato uana u lam te alesala uana i tamölö.”


Pöata te ranga hakapaia e Iesu, ba töa katuun turu Parasi e ngö mena neien i luma i tanen tegina nou uaien. Be Iesu e gum sil talena tega nouaien. Ba nonei a Parasi e asingoto nena te nou u e Iesu batema galus mamme nei a limanen ti markatou u Jiu. Ba Tsunono e poeiena i tanen, “Alimiou u Parasi e roron kato hagogose miou a murina kap na pelete, kaba i torimilimiou, alimiou u gulgulka na e saputu memiou a mamana a markato a omi. Alimiou u tutu! E Sunahan te kato u tuenreina ielesala na u tuenrei hasina iogana. Kaba alimiou go hala naim a manka te ka memi limiou tara katuun te möa ta ka, ba limiou te töan gogoso hamana miou.
“Alimiou u Parasi, a nomi pan e butuna romana i tamilimiou. A mamana matsi kaan hasoksoka a matsi tetenei te kana tara kui, alimiou e roron patsike miou a matsi maloto a matsi makum bate halemi e Sunahan a man hamalotona man makum. A markato te hala menari a hamalotona a makum tere Sunahan e nigana. Kaba limiou e roron totone miou u mar hihatuts pan tara Lo te markato uana teka: a markato te hamou hamatskö menari u raranga turu katuun, na markato te ngil menari u katuun e Sunahan.
“Alimiou u Parasi, a nomi pan e butuna romana i tamilimiou. Alimiou e ngil korue miou ego gum mia turu gumgum tara pal kapan tara luman lotu, na limiou e ngil hase miou u katuun egi hapan raia limiou tara töana. A nomi pan e hahaloso ranou limiou. Alimiou e heremi a man kioun mate tema tareri u katuun. Bate tataala ria ielunen, kaba ema atei sileri a ka a omi e kana iogana.”
Ba töa tson hihatuts tara Lo e poeiena i tanen, “Tson Hihatuts, tara pöata te ranga namia lö a ka teka, alö e saka has ramien lam!” Be Iesu e ranga palisina me poeiena, “A nomi pan e butuna romana i tamilimiou has u tson hihatuts tara Lo! Alimiou e roron hake mia a man nitiama turu katuun bate lagi sösöate ren, kaba limiou e namala taguhu ramien. A nomi e butuna romana i tamilimiou. Alimiou e roron kuie miou u kahokaho u niga turu propet, u tubumilimiou ti atung hamate raien. Alimiou e haröto nemiou te hatangana mena milimiou a markato turu tubumilimiou: nori i pulir u propet ba limiou te kuie miou u kahokaho i taren. E Sunahan, te ka mena u hakhakats u niga, e pei, ‘Alia e hala ragou u propet na u katunun raranga i taren. Ba nori te kato homi rer romana a palai i taren, bate atung hamate raier a palai.’ Ba limiou, u katunura i romana te alate mou romana u propet hoboto ti atung hamatier i mam noa, e taniaia tere Ebol ti atung hamati, bate noana tere Sakaria ti atung hamateia i hagusuna a makumun haats na Luman Lotu Pan. Aa, alia e ranga mera goulimiou, alimiou u katunura i romana e alate moen romana!” Be Iesu e poeiena, “A nomi e butu noa i tamilimiou u tson hihatuts tara Lo. Alimiou e rama namiou a maroro tega kalati a niatei hamana tere Sunahan. Alimiou ema lu bemi a peisamiou a niatei teka, na limiou e hapiou has ramiou u katuun te ngilin lue ren!” Pöata te laba naia e Iesu a makum teka, bu tson hihatuts tara Lo na u Parasi e tanian tuts sil korue ren me rangate rien u rangrangatana tara mamanaka. Nori i torohanan gamo naien bate ngilin sake ner tu raranga tu omi tega katoeien.

ऐका Luk 11