Buglere - 2008 Edition (NT)

<div class="version vid671 iso6393sab" data-vid="671" data-iso6393="sab">
   <div class="book bkMAT">
      <div class="chapter ch7" data-usfm="MAT.7">
         <div class="label">7</div><div class="s"><span class="heading">Jesu kwian tke tangle me no gerule daba nadi</span></div><div class="p"><span class="content">  </span><span class="verse v1" data-usfm="MAT.7.1"><span class="label">1</span><span class="content">Jesu gerudu dare kwian ulita ole:</span></span></div><div class="m"><span class="verse v1" data-usfm="MAT.7.1"><span class="content">&#8212;Me no mo ta dbe ta&#241;achuge ba alin allabi kle age no Chube gwa giti gerule daba nadi daba me no Chube gwa giti, ba gerule me no dabadi ene, Chube be ba gbe jiske gerule ene dabadi gdale. </span></span><span class="verse v2" data-usfm="MAT.7.2"><span class="label">2</span><span class="content">Ba gerule daba nadi daba me no Chube gwa giti, Chube be gwage me no badi kaire agwe, gire Chube be age ba ole ba kle age daba na ole kare. Ba gerule me no tanre dabadi, Chube be ji gbe ba giti tanre, kaire ba gerule me no sidri dabadi Chube be ji gbe ba giti sidri. Ba age batre daba na ole Chube be age ene batre kaire ba ole. </span></span><span class="verse v3 v4" data-usfm="MAT.7.3+MAT.7.4"><span class="label">3-4</span><span class="content">&#191;Mineade ba kle ta&#241;achuge diali daba na kle age me no giti? Diali ba kle gerule me no dabadi daba gbale jiske daba kle age me no giti agwa ni ba kle ta&#241;achuge sidri ba agali kle age ma me no dabage giti. E salengwli ba kle gwage ngajwna daba gwagwagedi kare, ba ta ngajwna e jwankalinnga daba gwagwage, agwa ngajwna ma kweri kle mo gwagwage. Bage me suge ngajwna kweri kle ba gwagwage, ngwale ba gerule daba ole: &#8220;Daba, cha chugene ngajwna soli jwennga ba gwagwage.&#8221; </span></span><span class="verse v5" data-usfm="MAT.7.5"><span class="label">5</span><span class="content">Ngeru ba ngajwna kweri jwandalenga mo gwagwage mo gwagwa jige trate, ene ba &#241;age daba chudaboi ngajwna soli jwennga ama gwagwage. E salengwli kwian kle gerule dabadi age me no sidri giti, me suge mau tale ama kle age ma me no dabage. Ama takalin daba na ulita ta&#241;achuge ama giti ama no ulita agwa gire ama ulia ta me no. Cha gerule ba ulita ole, ma no ba mo ta gbe ta&#241;achuge ba kle age me no giti ngeru me ta&#241;achuge daba na kle age me no giti, ba mo ta gbadale trate biale gire ba &#241;age daba na ta gbe ama kle age giti ba &#241;age ama chudaboi.</span></span></div><div class="p"><span class="verse v5" data-usfm="MAT.7.5"><span class="content">  </span></span><span class="verse v6" data-usfm="MAT.7.6"><span class="label">6</span><span class="content">&#8217;Kaire cha gerule ba ole Chube gerua kete kwian nage giti. Ba me kle samla bita ma no kete toge. Ba samla e kete toge to be srechie samla nadi gire be ba gute samla gdale. Kaire chunchi, ba me kle lle &#241;anaske igigwa kare mlienga ngwale dba chunchige, chunchi be skite giti igigwa be jwatenga ulita chunchi me igigwa gai dage dale. E kare ene ba Chube gerua kete kwian me Chube u&#241;ege, kwian e me ta geru e keruchugakalin me geru e gai dage gire ba me Chube gerua trage dare ama ole.</span></span></div><div class="s"><span class="heading">Jesu gerule kwian lle kade Chubege Chube ama keruchuge Chube lle no kete amage</span></div><div class="p"><span class="verse v6" data-usfm="MAT.7.6"><span class="content">  </span></span><span class="verse v7" data-usfm="MAT.7.7"><span class="label">7</span><span class="content">Jesu gerudu dare kwian ole:</span></span></div><div class="p"><span class="verse v7" data-usfm="MAT.7.7"><span class="content">&#8212;Ba lle kade diali Chubege, e salengwli kwian kle lle kade dabage diali kare gire lle ketakle amage, e salengwli kwian kle lle jinade nate diali kare gire lle kle skwen amage, e salengwli kwian kle ugaka dagenga kare ta jogekalin gwa daba ullage gire daba kle ugaka degenga ama alin jogedale gwa. </span></span><span class="verse v8" data-usfm="MAT.7.8"><span class="label">8</span><span class="content">Kwian ulita bai kaire lle kade diali, kwian enege lle keta. Kwian bai kaire lle jinade nate diali, kwian enege lle skwen. Kwian bai kaire ugaka dagenga diali, kwian ene alin ugaka tigenga. Ene kaire ba lle kade Chubege, Chube be ba keruchuge Chube be age ba alin. </span></span><span class="verse v9" data-usfm="MAT.7.9"><span class="label">9</span><span class="content">Ba ulita gweale kirogwa molen, kirogwa pan kade bage, &#191;gire ba be ke kete amage gutadale? Me dale, ba mi mo ta gbe ke kete kirogwage gutale, diali ba lle no ketakalin kirogwa banuge. </span></span><span class="verse v10" data-usfm="MAT.7.10"><span class="label">10</span><span class="content">Ba kirogwalla ngwe kade bage gutale, &#191;gire ba be jorisi kete amage gutadale? Me dale, ba mi mo ta gbe age ene mo kirogwalla ole. </span></span><span class="verse v11" data-usfm="MAT.7.11"><span class="label">11</span><span class="content">Ba ulita talla agenga me no, agwa gire ba me lle me no kete ba kirogwallage, ba kle mo ta gbe age no mo kirogwalla alin, ba lle no ketakalin diali ba kirogwallage. Chube ba &#209;enua kle nga nga&#241;a giti, ama no trate ulita, ama &#241;age age ma no ulita ba alin ba kle age ba kirogwalla alinge, ama lle ma no kete bage, ama ta agekalin no no ba alin diali, ba bai lle kade Chubege Chube lle no kete bage.</span></span></div><div class="p"><span class="verse v11" data-usfm="MAT.7.11"><span class="content">  </span></span><span class="verse v12" data-usfm="MAT.7.12"><span class="label">12</span><span class="content">&#8217;Ba takalin kwian na ulita age ba alin, kaire ene ba mo ta gbadale age ene kwian na ulita alin. Mois&#233;s nu Chube gerua degaba unsuialin kaire kwian Chube gerua ketanga ulita nu Chube gerua degaba unsuialin, geru e ulita gerule kwian ulita agedale no ene daba alin.</span></span></div><div class="s"><span class="heading">Jesu gerule kwian Chube gerua gai e salengwli joge tangle gereka ugakalla ka ulege kare</span></div><div class="p"><span class="verse v12" data-usfm="MAT.7.12"><span class="content">  </span></span><span class="verse v13 v14" data-usfm="MAT.7.13+MAT.7.14"><span class="label">13-14</span><span class="content">Jesu gerudu dare:</span></span></div><div class="p"><span class="verse v13 v14" data-usfm="MAT.7.13+MAT.7.14"><span class="content">&#8212;Ba ulita mo ta gbale joge tangle gereka ugakalla ka ulege chage jon soli jegwale kare. Joge Chube ngwadi salengwli joge tangle gereka ugakalla ka ulege kare. Kwian Chube gerua gai ulia ama &#241;age joge jon e kare, ene bdagli kwian ene &#241;age joge toi Chube ole nga nga&#241;a giti diali chui tangle. Agwa mnoare kwian alin Chube gerua gai ulia toi Chube takalin kare nga dba ai giti malen kwian bedre alin Chube gerua gai ulia. Kwian tanre me Chube gerua gai ulia, ama ulita kle toi nga dba ai giti age ulita ama agali ta agekalin kare, e salengwli kwian joge tangle gereka ugakalla kwerige chage jon kweri jegwale kare, kwian ene kle chage sugekare Chubege kle age che dolla takalin kare. Bdagli kwian ene be boi daga ngwale nga dbigu giti che dolla ngwadi agedu me no kbiale, kwian ngle be boi ene.</span></span></div><div class="s"><span class="heading">Jesu gerule kwian kle age giti chke u&#241;ale nate kwian ta mine</span></div><div class="p"><span class="verse v13 v14" data-usfm="MAT.7.13+MAT.7.14"><span class="content">  </span></span><span class="verse v15" data-usfm="MAT.7.15"><span class="label">15</span><span class="content">Jesu gerudu dare kwian ole:</span></span></div><div class="p"><span class="verse v15" data-usfm="MAT.7.15"><span class="content">&#8212;Ba bai Chube gerua gaba batre, ba ulitaske kwian na geru me ulia dbanga be chke gerule no ba ulita ole Chube giti. Gwangea ama be chage no ba ulita ole, ene ama takalin ba mo ta gbe no ama ole, agwa bigire be chke u&#241;ale bage ama ta me no, ama me kle gerule ulia ba ole Chube giti. Ama ta ba anblitakalin geru me uliage malen ba kledale ta giti, ba me kwian ene kerua tallade, ama kle gerule ngwale. </span></span><span class="verse v16" data-usfm="MAT.7.16"><span class="label">16</span><span class="content">Ama kle chage me no baske giti &#241;age chke u&#241;ale bage ama ta mine ulia, &#241;age chke u&#241;ale bage kwian e kwian me no me kle Chube gerua dbe ulia, ama geru ngwale dbanga, e salengwli gligba giti chke u&#241;ale chege gli mine. U&#241;ale trate ba ulitage idongi me gbachie uvale, drinkin me gbachie higole. </span></span><span class="verse v17" data-usfm="MAT.7.17"><span class="label">17</span><span class="content">Gli no gbachie no diali, kaire gli me no gbachie me no diali. </span></span><span class="verse v18" data-usfm="MAT.7.18"><span class="label">18</span><span class="content">Gli no me &#241;age gbachie me no, gli me no me &#241;age gbachie no. </span></span><span class="verse v19" data-usfm="MAT.7.19"><span class="label">19</span><span class="content">Kaire gli me no me gbachie no, ama datakle gugakle jitaske. </span></span><span class="verse v20" data-usfm="MAT.7.20"><span class="label">20</span><span class="content">Gligba giti gli chke u&#241;ale nate gli bai no gli bai me no. Ene kaire kwian kle age no o kle age me no ba ulitaske giti &#241;age chke u&#241;ale trate ba ulitage kwian bai no kwian bai me no kwian bai Chube gerua ulia dbanga kwian bai geru ngwale dbanga.</span></span></div><div class="s"><span class="heading">Jesu gerule kwian ulita mi joge toi Chube ole nga nga&#241;a giti</span></div><div class="p"><span class="verse v20" data-usfm="MAT.7.20"><span class="content">  </span></span><span class="verse v21 v22 v23" data-usfm="MAT.7.21+MAT.7.22+MAT.7.23"><span class="label">21-23</span><span class="content">Jesu gerudu dare kwian ole:</span></span></div><div class="p"><span class="verse v21 v22 v23" data-usfm="MAT.7.21+MAT.7.22+MAT.7.23"><span class="content">&#8212;Chui bdagli be chke gire Chube be kwian me no gbe ji chuge boi daga ngwale tanre diali chui tangle. Chui ege kwian tanre be gerule ama kle cha gai mo Chugagwallale agwa ama me mo ta gbaba ulia age cha &#209;enua Chube takalin kare, malen ngwale kwian ene gerule ama kle cha gai mo Chugagwallale. Kaire chui bdaglige kwian tanre be gerule cha ole: &#8220;Ba cha Chugagwalla, ba kalla giti cha ba gerua ketu kwiange kaire ba kiralla giti cha dolla kagu siere kwian jwligebangage, lle no tanre cha dodadu ba kiralla giti.&#8221; Kwian be gerule ene agwa ama me cha gerua gaba ulia gire cha be jainnga ama kalen: &#8220;Ba me cha gerua gau ulia, cha me ba u&#241;e, ba me chanu, ba kwian agenga me no. &#161;Joga siere chage! Ba me &#241;age joge toi cha ole cha &#209;enua Chube ole nga nga&#241;a giti.&#8221; Cha be gerule ene kwian me cha gerua gaba ole chui bdaglige. Cha gerule ba ole, kwian bai kle age Chube takalin kare, ama alin allabi be &#241;age joge toi Chube ole nga nga&#241;a giti.</span></span></div><div class="s"><span class="heading">Jesu gerule kwian mo ta gbadale age Jesu gerule kare</span></div><div class="p"><span class="verse v21 v22 v23" data-usfm="MAT.7.21+MAT.7.22+MAT.7.23"><span class="content">  </span></span><span class="verse v24" data-usfm="MAT.7.24"><span class="label">24</span><span class="content">Jesu gerudu dare kwian ole:</span></span></div><div class="p"><span class="verse v24" data-usfm="MAT.7.24"><span class="content">&#8212;Kwian bai kle cha keruchuge gire mo ta gbe age cha gerule kare, kwian e ta no molen ta&#241;achuge trate, ama salengwli kwian u gbanga no kare. Ngeru kwian u gbanga no kle dbi bage jere bu tke dbige jere gire kle ke ten budi tangle, ene bu chege kejre me joge chke dba, u kle dodaba no kiraske. </span></span><span class="verse v25" data-usfm="MAT.7.25"><span class="label">25</span><span class="content">Noi boi kweri gire chi uda joge kweri, mle kweri tiennga u edi, u me joge chke dba, chi uda me &#241;age u dbe, u gbanga no bu tku jere dbige malen chi uda me &#241;age u e dbe. Kwian bai cha gerua keruchuge gire mo ta gbe age cha gerule kare, kwian ene salengwli kwian u gbanga no e kare. </span></span><span class="verse v26" data-usfm="MAT.7.26"><span class="label">26</span><span class="content">Agwa kwian bai kle cha keruchuge gire me mo ta gbe age cha gerule kare, ama salengwli kwian u gbanga me no kare ama me ta&#241;achuge no, ama kle u gbe dbi giti alin me bu tke dbige jere me ke ten budi tangle. </span></span><span class="verse v27" data-usfm="MAT.7.27"><span class="label">27</span><span class="content">Noi boi kweri ene chi uda joge kweri, mle kweri tiennga u edi, u joge chke dba, u joge ulita chi giti &#8212;Jesu gerudu ene kwian ulita ole.</span></span></div><div class="p"><span class="verse v27" data-usfm="MAT.7.27"><span class="content">  </span></span><span class="verse v28 v29" data-usfm="MAT.7.28+MAT.7.29"><span class="label">28-29</span><span class="content">Jesu gerudu ene ulita gire kwian tanre chegu ta&#241;achuge tanre Jesu gerudu giti, kwian ta&#241;achugu mo tale: &#8220;&#191;Mineade ama &#241;age che tke tangle ene trate? Ama kle che tke tangle ma no ma kiraske kwian che tkanga tangle Mois&#233;s chadalla giti ulitage, ama kle che tke tangle kwian geru mau&#241;a kweri kare.&#8221; Kwian ulita ta&#241;achugu ene mo tale Jesu giti.</span></span></div>
      </div>
   </div>
</div>

Jesu gerudu dare kwian ulita ole:
—Me no mo ta dbe tañachuge ba alin allabi kle age no Chube gwa giti gerule daba nadi daba me no Chube gwa giti, ba gerule me no dabadi ene, Chube be ba gbe jiske gerule ene dabadi gdale. Ba gerule daba nadi daba me no Chube gwa giti, Chube be gwage me no badi kaire agwe, gire Chube be age ba ole ba kle age daba na ole kare. Ba gerule me no tanre dabadi, Chube be ji gbe ba giti tanre, kaire ba gerule me no sidri dabadi Chube be ji gbe ba giti sidri. Ba age batre daba na ole Chube be age ene batre kaire ba ole. ¿Mineade ba kle tañachuge diali daba na kle age me no giti? Diali ba kle gerule me no dabadi daba gbale jiske daba kle age me no giti agwa ni ba kle tañachuge sidri ba agali kle age ma me no dabage giti. E salengwli ba kle gwage ngajwna daba gwagwagedi kare, ba ta ngajwna e jwankalinnga daba gwagwage, agwa ngajwna ma kweri kle mo gwagwage. Bage me suge ngajwna kweri kle ba gwagwage, ngwale ba gerule daba ole: “Daba, cha chugene ngajwna soli jwennga ba gwagwage.” Ngeru ba ngajwna kweri jwandalenga mo gwagwage mo gwagwa jige trate, ene ba ñage daba chudaboi ngajwna soli jwennga ama gwagwage. E salengwli kwian kle gerule dabadi age me no sidri giti, me suge mau tale ama kle age ma me no dabage. Ama takalin daba na ulita tañachuge ama giti ama no ulita agwa gire ama ulia ta me no. Cha gerule ba ulita ole, ma no ba mo ta gbe tañachuge ba kle age me no giti ngeru me tañachuge daba na kle age me no giti, ba mo ta gbadale trate biale gire ba ñage daba na ta gbe ama kle age giti ba ñage ama chudaboi.
’Kaire cha gerule ba ole Chube gerua kete kwian nage giti. Ba me kle samla bita ma no kete toge. Ba samla e kete toge to be srechie samla nadi gire be ba gute samla gdale. Kaire chunchi, ba me kle lle ñanaske igigwa kare mlienga ngwale dba chunchige, chunchi be skite giti igigwa be jwatenga ulita chunchi me igigwa gai dage dale. E kare ene ba Chube gerua kete kwian me Chube uñege, kwian e me ta geru e keruchugakalin me geru e gai dage gire ba me Chube gerua trage dare ama ole.

Jesu gerudu dare kwian ole:
—Ba lle kade diali Chubege, e salengwli kwian kle lle kade dabage diali kare gire lle ketakle amage, e salengwli kwian kle lle jinade nate diali kare gire lle kle skwen amage, e salengwli kwian kle ugaka dagenga kare ta jogekalin gwa daba ullage gire daba kle ugaka degenga ama alin jogedale gwa. Kwian ulita bai kaire lle kade diali, kwian enege lle keta. Kwian bai kaire lle jinade nate diali, kwian enege lle skwen. Kwian bai kaire ugaka dagenga diali, kwian ene alin ugaka tigenga. Ene kaire ba lle kade Chubege, Chube be ba keruchuge Chube be age ba alin. Ba ulita gweale kirogwa molen, kirogwa pan kade bage, ¿gire ba be ke kete amage gutadale? Me dale, ba mi mo ta gbe ke kete kirogwage gutale, diali ba lle no ketakalin kirogwa banuge. Ba kirogwalla ngwe kade bage gutale, ¿gire ba be jorisi kete amage gutadale? Me dale, ba mi mo ta gbe age ene mo kirogwalla ole. Ba ulita talla agenga me no, agwa gire ba me lle me no kete ba kirogwallage, ba kle mo ta gbe age no mo kirogwalla alin, ba lle no ketakalin diali ba kirogwallage. Chube ba Ñenua kle nga ngaña giti, ama no trate ulita, ama ñage age ma no ulita ba alin ba kle age ba kirogwalla alinge, ama lle ma no kete bage, ama ta agekalin no no ba alin diali, ba bai lle kade Chubege Chube lle no kete bage.
’Ba takalin kwian na ulita age ba alin, kaire ene ba mo ta gbadale age ene kwian na ulita alin. Moisés nu Chube gerua degaba unsuialin kaire kwian Chube gerua ketanga ulita nu Chube gerua degaba unsuialin, geru e ulita gerule kwian ulita agedale no ene daba alin.

Jesu gerudu dare:
—Ba ulita mo ta gbale joge tangle gereka ugakalla ka ulege chage jon soli jegwale kare. Joge Chube ngwadi salengwli joge tangle gereka ugakalla ka ulege kare. Kwian Chube gerua gai ulia ama ñage joge jon e kare, ene bdagli kwian ene ñage joge toi Chube ole nga ngaña giti diali chui tangle. Agwa mnoare kwian alin Chube gerua gai ulia toi Chube takalin kare nga dba ai giti malen kwian bedre alin Chube gerua gai ulia. Kwian tanre me Chube gerua gai ulia, ama ulita kle toi nga dba ai giti age ulita ama agali ta agekalin kare, e salengwli kwian joge tangle gereka ugakalla kwerige chage jon kweri jegwale kare, kwian ene kle chage sugekare Chubege kle age che dolla takalin kare. Bdagli kwian ene be boi daga ngwale nga dbigu giti che dolla ngwadi agedu me no kbiale, kwian ngle be boi ene.

Jesu gerudu dare kwian ole:
—Ba bai Chube gerua gaba batre, ba ulitaske kwian na geru me ulia dbanga be chke gerule no ba ulita ole Chube giti. Gwangea ama be chage no ba ulita ole, ene ama takalin ba mo ta gbe no ama ole, agwa bigire be chke uñale bage ama ta me no, ama me kle gerule ulia ba ole Chube giti. Ama ta ba anblitakalin geru me uliage malen ba kledale ta giti, ba me kwian ene kerua tallade, ama kle gerule ngwale. Ama kle chage me no baske giti ñage chke uñale bage ama ta mine ulia, ñage chke uñale bage kwian e kwian me no me kle Chube gerua dbe ulia, ama geru ngwale dbanga, e salengwli gligba giti chke uñale chege gli mine. Uñale trate ba ulitage idongi me gbachie uvale, drinkin me gbachie higole. Gli no gbachie no diali, kaire gli me no gbachie me no diali. Gli no me ñage gbachie me no, gli me no me ñage gbachie no. Kaire gli me no me gbachie no, ama datakle gugakle jitaske. Gligba giti gli chke uñale nate gli bai no gli bai me no. Ene kaire kwian kle age no o kle age me no ba ulitaske giti ñage chke uñale trate ba ulitage kwian bai no kwian bai me no kwian bai Chube gerua ulia dbanga kwian bai geru ngwale dbanga.

Jesu gerudu dare kwian ole:
—Chui bdagli be chke gire Chube be kwian me no gbe ji chuge boi daga ngwale tanre diali chui tangle. Chui ege kwian tanre be gerule ama kle cha gai mo Chugagwallale agwa ama me mo ta gbaba ulia age cha Ñenua Chube takalin kare, malen ngwale kwian ene gerule ama kle cha gai mo Chugagwallale. Kaire chui bdaglige kwian tanre be gerule cha ole: “Ba cha Chugagwalla, ba kalla giti cha ba gerua ketu kwiange kaire ba kiralla giti cha dolla kagu siere kwian jwligebangage, lle no tanre cha dodadu ba kiralla giti.” Kwian be gerule ene agwa ama me cha gerua gaba ulia gire cha be jainnga ama kalen: “Ba me cha gerua gau ulia, cha me ba uñe, ba me chanu, ba kwian agenga me no. ¡Joga siere chage! Ba me ñage joge toi cha ole cha Ñenua Chube ole nga ngaña giti.” Cha be gerule ene kwian me cha gerua gaba ole chui bdaglige. Cha gerule ba ole, kwian bai kle age Chube takalin kare, ama alin allabi be ñage joge toi Chube ole nga ngaña giti.

Jesu gerudu dare kwian ole:
—Kwian bai kle cha keruchuge gire mo ta gbe age cha gerule kare, kwian e ta no molen tañachuge trate, ama salengwli kwian u gbanga no kare. Ngeru kwian u gbanga no kle dbi bage jere bu tke dbige jere gire kle ke ten budi tangle, ene bu chege kejre me joge chke dba, u kle dodaba no kiraske. Noi boi kweri gire chi uda joge kweri, mle kweri tiennga u edi, u me joge chke dba, chi uda me ñage u dbe, u gbanga no bu tku jere dbige malen chi uda me ñage u e dbe. Kwian bai cha gerua keruchuge gire mo ta gbe age cha gerule kare, kwian ene salengwli kwian u gbanga no e kare. Agwa kwian bai kle cha keruchuge gire me mo ta gbe age cha gerule kare, ama salengwli kwian u gbanga me no kare ama me tañachuge no, ama kle u gbe dbi giti alin me bu tke dbige jere me ke ten budi tangle. Noi boi kweri ene chi uda joge kweri, mle kweri tiennga u edi, u joge chke dba, u joge ulita chi giti —Jesu gerudu ene kwian ulita ole.
Jesu gerudu ene ulita gire kwian tanre chegu tañachuge tanre Jesu gerudu giti, kwian tañachugu mo tale: “¿Mineade ama ñage che tke tangle ene trate? Ama kle che tke tangle ma no ma kiraske kwian che tkanga tangle Moisés chadalla giti ulitage, ama kle che tke tangle kwian geru mauña kweri kare.” Kwian ulita tañachugu ene mo tale Jesu giti.

ऐका Mateo 7