Gwere: Endagaano Empyaka Omu Lugwere (Bible)

Endagaano Empyaka Omu Lugwere

<div class="version vid2299 iso6393gwr" data-vid="2299" data-iso6393="gwr">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">ONanzwa w&#700;obwomi</div><div class="p"> 1Omu ntandiika nga bakaali okubbumba ekintu kyonakyona, iye ogubeeta oKibono yabbairewo. Iye oyo yabbaire aamo n&#700;oKibbumba era oKibono nago ali n&#700;obwa Kibbumba obwizulye. 2Era iye nago yabbaire aamo n&#700;oKibbumba okuzwera nakimo omu ntandiika. 3OKibbumba yakoleserye niiye okubbumba ebintu byonabyona. Era anambula iye mpaawo kintu kadi kimo oKibbumba ekiyabbumbire. 4Iye oKibono nago niiye onanzwa w&#700;obwomi, era iye kitangaala ekimolekera abantu okumanya oKibbumba ekyali era ekyataka bakole. 5Era oKibono nago kitangaala ekyo ekimolekera abantu abataikirirya, neye ibo abantu abo tibamutegeire.#1:5 Ooba, Tibamukaisirye okwaka okulaga ekyo oKibbumba ekyali.</div><div class="p"> 6Awo, ni wabbaawo omuntu, iye oKibbumba oguyatumire, eriinalye bati Yokaana.#Mat 3:1; Mak 1:4; Luk 3:1-2 7Iye yaizire okukakasa abantu amazima agakwata oku kitangaala nago, kaisi olwo abantu bonabona baikiririrye mu yooyo. 8Iye oYokaana tiniiye eyabbaire ekitangaala, wazira yaizire akobere abantu ebikwata kwoyo iye ekitangaala nago. 9Iye oyo eyabbaire ali kwiza oku kyalo niiye ekitangaala ekituuce ekimolekera buli muntu.</div><div class="p"> 10Iye oyo oKibono yabbaire oku kyalo era oKibbumba yabbumbire ekyalo ng&#700;akolesya niiye. Neye oKibono oweyabbaire oku kyalo, abantu ibo tibamutegeire. 11Kale iye yaizire oku kyalokye, neye ibo abantube abananyerenyeere tibamwanirizire. 12Neye abo bonabona abamwanirizire ni bamwikiririryamu, yabayezyesyerye okusuuka baana ba Kibbumba. 13Cooka tibasuukire baana ba Kibbumba mukubabyala mubutonde, mukuzwa mu lulyo lwa bazeiza baabwe, ooba mukusalawo kwa buntu waire mu kutaka kwa musaiza omufumbo, wazira oKibbumba onyere niiye oitewaabwe.</div><div class="p"> 14Kale oKibono oyo yasuukire muntu, era yena n&#700;abba oku kyalo ooti niiswe. Twamuboine omu kitiisyakye, ikyo kidi eky&#700;oyo era iye yenkani eyazwire egiri oKibbumba oIteeye, nga iye oKibono aizwire ekisa n&#700;amazima agakwata oku Kibbumba.</div><div class="p"> 15Cooka oYokaana yalangiriire ati, &#8220;Onu niiye ogunatumwireku owenakobere nti, &#8216;Oyo eyaliiza oluzwanyuma lwange, ankiraku ekitiisya, olw&#700;okubba yansookere okubbaawo.&#8217; &#8221;</div><div class="p"> 16Era okusinzirira oku bwizulye bw&#700;ekisaakye, swenaswena twabire nga tusuna ebirabo eby&#700;okumo kumo. 17Ekyo kityo olw&#700;okubba oKibbumba yawaire Musa aMateeka okugatuleetera, kaisi ekisa n&#700;amazima agakwata oku Kibbumba ibyo twabisunire kubita mu Yesu Kurisito. 18Era mpaawo abonangaku oKibbumba, okutoolaku oMwanawe omoiza yenkani oYesu, iye oyo aali aamo n&#700;oKibbumba omu kitiisyakye, era oMwanawe oyo nago niiye eyatumanyikisirye oKibbumba ekyali.</div><div class="s1">Obukwenda bwa Yokaana oMubatizi</div><div class="r">(Mat 3:1-12; Mak 1:1-8; Luk 3:1-18)</div><div class="p"> 19Kale awo abeekubbemberi b&#700;aBayudaaya ab&#700;omu kibuga ky&#700;e Yerusaalemi ni batuma abamo oku bakabona n&#700;aBaleevi okubuulya oYokaana oMubatizi bati, &#8220;Niiwe onaani?&#8221; 20Iye tiyeebisabisire, wazira yabbutwire n&#700;eidembe ati, &#8220;Tininze oKurisito ogubasukireku amafuta.&#8221;</div><div class="p"> 21Awo niiwo ibo okumubuulya bati, &#8220;Aale atyanu niiwe onaani? Niiwe Eriya?&#8221;</div><div class="p">Iye oYokaana n&#700;abairamu ati, &#8220;Bbe tininze Eriya.&#8221;#Ama 18:15,18; Mal 4:5</div><div class="p">Tete ni bamubuulya bati, &#8220;Niiwe onaabbi oodi ogubatusuubizire?&#8221;</div><div class="p">Iye n&#700;abairamu ati, &#8220;Bbe.&#8221;</div><div class="p"> 22Awo ekisembayo tete ni bamubuulya bati, &#8220;Abatutumire twabakoba tuti niiwe onaani? Weeyeta otya?&#8221;</div><div class="p"> 23Kale awo oYokaana n&#700;abairamu ng&#700;ajulira Kiwandiike ekiri omwIsaaya ekiti, &#8220;Ninze oyo atumulira omwidungu n&#700;eigono eryaminkirira nti, &#8216;Mutereerye oluguudo lwa Musengwa oYesu.&#8217; &#8221;#Isa 40:3</div><div class="p"> 24Awo olwo aBafalisaayo abo abebatumire 25niiwo okubuulya oYokaana bati, &#8220;Kale lwaki obatiza obanga tiniiwe oKurisito ogubasukireku amafuta, era nga tiniiwe Eriya waire onaabbi oodi ogubatusuubizire?&#8221;</div><div class="p"> 26Era oYokaana n&#700;abairamu ati, &#8220;Nze mbatiza n&#700;amaizi, neye waliwo iye abeemereiremu aanu ogumutategeera. 27Niiye oyo eyaliiza oluzwanyuma lwange, nze oguntasaanira okusibindula obusibiro bw&#700;engaitogye.&#8221;</div><div class="p"> 28Ebyo byonabyona byabbairewo mu Bbesaniya, oku lubba ludi olundi olwa mwiga oYoludaani eeyo oYokaana egiyabbaire abatizira.</div><div class="s1">Iye atoolawo ekibbikibbi</div><div class="p"> 29Awo oku lunaku olwairireku, oYokaana n&#700;abona oYesu ng&#700;asimba e gyali, kaisi oYokaana n&#700;akoba ati, &#8220;Aale mubone oyo aali ooti Ntaama oMutomuto owa Kibbumba, iye oYesu, oKibbumba oguyalondere okuwaayo ng&#700;esadaaka okutoolawo ebikole ebibbibibbi eby&#700;ekyalo. 30Niiye oyo ogunatumwireku nti, &#8216;Waliwo omuntu eyaliiza oluzwanyuma lwange, iye ankiraku obwezye olw&#700;okubba iye yansookere okubona eisana.&#8217; 31Era nze zena nabbaire timmutegeire nti niiye, neye ekyagirire ni njaba ng&#700;ambatiza n&#700;amaizi, kyabbaire nti, Iye amanyikane ati niiye omulonde omu bantu b&#700;e Isirairi.&#8221;</div><div class="p"> 32Awo oYokaana n&#700;akakasa kusani ino ati, &#8220;Naboine oMwoyo oMutukulye ng&#700;amwikaku okuzwa omwigulu, ng&#700;ali ooti njiiwa, era n&#700;amusigalaku. 33Nze tinankubbaire mmumanya, neye oKibbumba eyantumire okubatiza n&#700;amaizi, niiye eyankobere ati, &#8216;Oguwalibona ng&#700;oMwoyo amwikaku era n&#700;amusigalaku, yalibba niiye oyo eyalibatiza n&#700;oMwoyo oMutukulye.&#8217; 34Era ikyo nakiboine, era mbakakasa nti oyo niiye oMwana wa Kibbumba.&#8221;</div><div class="s1">Abeegi ba Yesu abasookere</div><div class="p"> 35Oku lunaku olwairireku, oYokaana tete yabbaire omu kifo ekinyere kidi ng&#700;ayemereire aamo n&#700;ababiri oku beegibe. 36Awo n&#700;abona oYesu ng&#700;abita, oYokaana n&#700;akoba abeegibe ati, &#8220;Aale mubone oyo aali ooti Ntaama oMutomuto, iye oYesu, oKibbumba oguyalondere okuwaayo!&#8221;</div><div class="p"> 37Awo abeegi ba Yokaana ababiri nago owebawuliire ng&#700;oYokaana atumula ebibono ebyo, ni basimbuka ni basengererya oYesu. 38Kale awo oYesu oweyacuukire okulola e nyuma n&#700;abona ng&#700;abantu abo nago ababiri bamusengererya, n&#700;ababuulya ati, &#8220;Munoonia niki?&#8221; Ibo ni bamwiramu bati, &#8220;Laabbi ogona yaina?&#8221; (Ekibono &#8220;Laabbi,&#8221; ky&#700;olutumu oLwebbulaniya, amakulu gati Musomesya).</div><div class="p"> 39Awo oYesu n&#700;abairamu ati, &#8220;Mwize twabe mumanyiceeyo.&#8221; Awo ni baaba ni bamanyica oYesu egyagona. Owebaabiireyo gyabbaire ooti saawa ikumi egyeigulo era basiibire naye olunaku olwo.</div><div class="p"> 40Era omoiza kwabo abawuliire oYokaana ng&#700;atumula oku Yesu, era nago abasengereirye oYesu,#Yok 1:37 yabbaire Andereya, omuganda wa Simooni oPeetero. 41Era iye Andereya ekintu ekiyasookere okukola kwabbaire kunoonia mugandawe oSimooni n&#700;amukoba ati, &#8220;Tuboine oMasiya.&#8221; Amakulu gati oKurisito ogubasukireku amafuta. 42Era awo Andereya n&#700;atwala oSimooni egiri oYesu. Cooka oYesu n&#700;alingirira oSimooni kaisi n&#700;amukoba ati, &#8220;Niiwe oSimooni omutaane wa Yokaana. Era bakwetanga bati Keefa,#1:42 Keefa,Liri mu Lwebbulaniya, omu Luyonaani bati, Peetero, Nga gategeeza Ibbaale.&#8221; nga litegeeza Peetero.</div><div class="s1">OYesu akoba oFiripo n&#700;oNasanairi okumusengererya</div><div class="p"> 43Oku lunaku olwairireku, oYesu n&#700;asalawo okusimbuka okwaba omwitwale ly&#700;e Galiraaya. Kale eeyo n&#700;ayajiriryayo oFiripo, era oYesu n&#700;amukoba ati, &#8220;Oize obbe mwegi wange.&#8221; 44OFiripo yena yabbaire azwera mu kibuga ky&#700;e Bbesusaida, Andereya n&#700;oPeetero egibabbaire bazwera.</div><div class="p"> 45Kale oFiripo n&#700;anoonia oNasanairi era n&#700;amubona, kaisi n&#700;amukoba ati, &#8220;Tuboine omuntu oodi oMusa oguyatumwireku omu Kitabo ky&#700;aMateeka, era n&#700;abanaabbi bona ogubatumwireku omu Biwandiike. Era oyo nago niiye oYesu omutaane wa Yusufu ow&#700;omu kibuga ky&#700;e Naazaleesi.&#8221;</div><div class="p"> 46Awo oNasanairi n&#700;amubuulya ati, &#8220;Naazaleesi! Eeyo yona eyezya okuzwakuuyo akasa konakona?&#8221; OFiripo n&#700;amwiramu ati, &#8220;Ala oize obone.&#8221;</div><div class="p"> 47Iye oYesu oweyaboine oNasanairi nga yatira okumutuukaku, oYesu n&#700;amutumulaku ati, &#8220;Obone oMwisirairi onanyerenyeere, onambulamu bubbeyi naire.&#8221;</div><div class="p"> 48Awo iye oNasanairi n&#700;amubuulya ati, &#8220;Ommanyicirye otya?&#8221; OYesu n&#700;amwiramu ati, &#8220;Nkuboine ng&#700;okaali oli mu musaale omutiini, nga n&#700;oFiripo akaali n&#700;okukweta.&#8221;</div><div class="p"> 49Kale awo oNasanairi n&#700;akoba ati, &#8220;Musomesya, niiwe oMwana wa Kibbumba, era niiwe oKabaka wa Isirairi!&#8221;</div><div class="p"> 50Iye oYesu n&#700;amukoba ati, &#8220;Oikirirya olw&#700;okubba nkukobere nti nkuboine ng&#700;okaali oli mu musaale omutiini? Walibona n&#700;ebikiraku ebyo.&#8221; 51Era oYesu n&#700;ayongeraku okumukoba ati, &#8220;Mazima dala mbakobera nti mwalibona eigulu nga lyeigwire, n&#700;abamalaika ba Kibbumba nga baniina omwigulu era nga baika oku Mwana wa Muntu.&#8221;#Nta 28:12</div>
 </div>
 </div>
</div>

Omu ntandiika nga bakaali okubbumba ekintu kyonakyona, iye ogubeeta oKibono yabbairewo. Iye oyo yabbaire aamo nʼoKibbumba era oKibono nago ali nʼobwa Kibbumba obwizulye. Era iye nago yabbaire aamo nʼoKibbumba okuzwera nakimo omu ntandiika. OKibbumba yakoleserye niiye okubbumba ebintu byonabyona. Era anambula iye mpaawo kintu kadi kimo oKibbumba ekiyabbumbire. Iye oKibono nago niiye onanzwa wʼobwomi, era iye kitangaala ekimolekera abantu okumanya oKibbumba ekyali era ekyataka bakole. Era oKibono nago kitangaala ekyo ekimolekera abantu abataikirirya, neye ibo abantu abo tibamutegeire.
Awo, ni wabbaawo omuntu, iye oKibbumba oguyatumire, eriinalye bati Yokaana. Iye yaizire okukakasa abantu amazima agakwata oku kitangaala nago, kaisi olwo abantu bonabona baikiririrye mu yooyo. Iye oYokaana tiniiye eyabbaire ekitangaala, wazira yaizire akobere abantu ebikwata kwoyo iye ekitangaala nago. Iye oyo eyabbaire ali kwiza oku kyalo niiye ekitangaala ekituuce ekimolekera buli muntu.
Iye oyo oKibono yabbaire oku kyalo era oKibbumba yabbumbire ekyalo ngʼakolesya niiye. Neye oKibono oweyabbaire oku kyalo, abantu ibo tibamutegeire. Kale iye yaizire oku kyalokye, neye ibo abantube abananyerenyeere tibamwanirizire. Neye abo bonabona abamwanirizire ni bamwikiririryamu, yabayezyesyerye okusuuka baana ba Kibbumba. Cooka tibasuukire baana ba Kibbumba mukubabyala mubutonde, mukuzwa mu lulyo lwa bazeiza baabwe, ooba mukusalawo kwa buntu waire mu kutaka kwa musaiza omufumbo, wazira oKibbumba onyere niiye oitewaabwe.
Kale oKibono oyo yasuukire muntu, era yena nʼabba oku kyalo ooti niiswe. Twamuboine omu kitiisyakye, ikyo kidi ekyʼoyo era iye yenkani eyazwire egiri oKibbumba oIteeye, nga iye oKibono aizwire ekisa nʼamazima agakwata oku Kibbumba.
Cooka oYokaana yalangiriire ati, “Onu niiye ogunatumwireku owenakobere nti, ‘Oyo eyaliiza oluzwanyuma lwange, ankiraku ekitiisya, olwʼokubba yansookere okubbaawo.’ ”
Era okusinzirira oku bwizulye bwʼekisaakye, swenaswena twabire nga tusuna ebirabo ebyʼokumo kumo. Ekyo kityo olwʼokubba oKibbumba yawaire Musa aMateeka okugatuleetera, kaisi ekisa nʼamazima agakwata oku Kibbumba ibyo twabisunire kubita mu Yesu Kurisito. Era mpaawo abonangaku oKibbumba, okutoolaku oMwanawe omoiza yenkani oYesu, iye oyo aali aamo nʼoKibbumba omu kitiisyakye, era oMwanawe oyo nago niiye eyatumanyikisirye oKibbumba ekyali.


Kale awo abeekubbemberi bʼaBayudaaya abʼomu kibuga kyʼe Yerusaalemi ni batuma abamo oku bakabona nʼaBaleevi okubuulya oYokaana oMubatizi bati, “Niiwe onaani?” Iye tiyeebisabisire, wazira yabbutwire nʼeidembe ati, “Tininze oKurisito ogubasukireku amafuta.”
Awo niiwo ibo okumubuulya bati, “Aale atyanu niiwe onaani? Niiwe Eriya?”
Iye oYokaana nʼabairamu ati, “Bbe tininze Eriya.”
Tete ni bamubuulya bati, “Niiwe onaabbi oodi ogubatusuubizire?”
Iye nʼabairamu ati, “Bbe.”
Awo ekisembayo tete ni bamubuulya bati, “Abatutumire twabakoba tuti niiwe onaani? Weeyeta otya?”
Kale awo oYokaana nʼabairamu ngʼajulira Kiwandiike ekiri omwIsaaya ekiti, “Ninze oyo atumulira omwidungu nʼeigono eryaminkirira nti, ‘Mutereerye oluguudo lwa Musengwa oYesu.’ ”
Awo olwo aBafalisaayo abo abebatumire niiwo okubuulya oYokaana bati, “Kale lwaki obatiza obanga tiniiwe oKurisito ogubasukireku amafuta, era nga tiniiwe Eriya waire onaabbi oodi ogubatusuubizire?”
Era oYokaana nʼabairamu ati, “Nze mbatiza nʼamaizi, neye waliwo iye abeemereiremu aanu ogumutategeera. Niiye oyo eyaliiza oluzwanyuma lwange, nze oguntasaanira okusibindula obusibiro bwʼengaitogye.”
Ebyo byonabyona byabbairewo mu Bbesaniya, oku lubba ludi olundi olwa mwiga oYoludaani eeyo oYokaana egiyabbaire abatizira.

Awo oku lunaku olwairireku, oYokaana nʼabona oYesu ngʼasimba e gyali, kaisi oYokaana nʼakoba ati, “Aale mubone oyo aali ooti Ntaama oMutomuto owa Kibbumba, iye oYesu, oKibbumba oguyalondere okuwaayo ngʼesadaaka okutoolawo ebikole ebibbibibbi ebyʼekyalo. Niiye oyo ogunatumwireku nti, ‘Waliwo omuntu eyaliiza oluzwanyuma lwange, iye ankiraku obwezye olwʼokubba iye yansookere okubona eisana.’ Era nze zena nabbaire timmutegeire nti niiye, neye ekyagirire ni njaba ngʼambatiza nʼamaizi, kyabbaire nti, Iye amanyikane ati niiye omulonde omu bantu bʼe Isirairi.”
Awo oYokaana nʼakakasa kusani ino ati, “Naboine oMwoyo oMutukulye ngʼamwikaku okuzwa omwigulu, ngʼali ooti njiiwa, era nʼamusigalaku. Nze tinankubbaire mmumanya, neye oKibbumba eyantumire okubatiza nʼamaizi, niiye eyankobere ati, ‘Oguwalibona ngʼoMwoyo amwikaku era nʼamusigalaku, yalibba niiye oyo eyalibatiza nʼoMwoyo oMutukulye.’ Era ikyo nakiboine, era mbakakasa nti oyo niiye oMwana wa Kibbumba.”

Oku lunaku olwairireku, oYokaana tete yabbaire omu kifo ekinyere kidi ngʼayemereire aamo nʼababiri oku beegibe. Awo nʼabona oYesu ngʼabita, oYokaana nʼakoba abeegibe ati, “Aale mubone oyo aali ooti Ntaama oMutomuto, iye oYesu, oKibbumba oguyalondere okuwaayo!”
Awo abeegi ba Yokaana ababiri nago owebawuliire ngʼoYokaana atumula ebibono ebyo, ni basimbuka ni basengererya oYesu. Kale awo oYesu oweyacuukire okulola e nyuma nʼabona ngʼabantu abo nago ababiri bamusengererya, nʼababuulya ati, “Munoonia niki?” Ibo ni bamwiramu bati, “Laabbi ogona yaina?” (Ekibono “Laabbi,” kyʼolutumu oLwebbulaniya, amakulu gati Musomesya).
Awo oYesu nʼabairamu ati, “Mwize twabe mumanyiceeyo.” Awo ni baaba ni bamanyica oYesu egyagona. Owebaabiireyo gyabbaire ooti saawa ikumi egyeigulo era basiibire naye olunaku olwo.
Era omoiza kwabo abawuliire oYokaana ngʼatumula oku Yesu, era nago abasengereirye oYesu, yabbaire Andereya, omuganda wa Simooni oPeetero. Era iye Andereya ekintu ekiyasookere okukola kwabbaire kunoonia mugandawe oSimooni nʼamukoba ati, “Tuboine oMasiya.” Amakulu gati oKurisito ogubasukireku amafuta. Era awo Andereya nʼatwala oSimooni egiri oYesu. Cooka oYesu nʼalingirira oSimooni kaisi nʼamukoba ati, “Niiwe oSimooni omutaane wa Yokaana. Era bakwetanga bati Keefa,” nga litegeeza Peetero.

Oku lunaku olwairireku, oYesu nʼasalawo okusimbuka okwaba omwitwale lyʼe Galiraaya. Kale eeyo nʼayajiriryayo oFiripo, era oYesu nʼamukoba ati, “Oize obbe mwegi wange.” OFiripo yena yabbaire azwera mu kibuga kyʼe Bbesusaida, Andereya nʼoPeetero egibabbaire bazwera.
Kale oFiripo nʼanoonia oNasanairi era nʼamubona, kaisi nʼamukoba ati, “Tuboine omuntu oodi oMusa oguyatumwireku omu Kitabo kyʼaMateeka, era nʼabanaabbi bona ogubatumwireku omu Biwandiike. Era oyo nago niiye oYesu omutaane wa Yusufu owʼomu kibuga kyʼe Naazaleesi.”
Awo oNasanairi nʼamubuulya ati, “Naazaleesi! Eeyo yona eyezya okuzwakuuyo akasa konakona?” OFiripo nʼamwiramu ati, “Ala oize obone.”
Iye oYesu oweyaboine oNasanairi nga yatira okumutuukaku, oYesu nʼamutumulaku ati, “Obone oMwisirairi onanyerenyeere, onambulamu bubbeyi naire.”
Awo iye oNasanairi nʼamubuulya ati, “Ommanyicirye otya?” OYesu nʼamwiramu ati, “Nkuboine ngʼokaali oli mu musaale omutiini, nga nʼoFiripo akaali nʼokukweta.”
Kale awo oNasanairi nʼakoba ati, “Musomesya, niiwe oMwana wa Kibbumba, era niiwe oKabaka wa Isirairi!”
Iye oYesu nʼamukoba ati, “Oikirirya olwʼokubba nkukobere nti nkuboine ngʼokaali oli mu musaale omutiini? Walibona nʼebikiraku ebyo.” Era oYesu nʼayongeraku okumukoba ati, “Mazima dala mbakobera nti mwalibona eigulu nga lyeigwire, nʼabamalaika ba Kibbumba nga baniina omwigulu era nga baika oku Mwana wa Muntu.”

ऐका Yokaana 1