Lumasaaba - 2008 BSU (NT) Drama

<div class="version vid2183 iso6393myx" data-vid="2183" data-iso6393="myx">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s1">Yesu akanikha n'umukhasi Umusamariya</div><div class="p"> 1Bafarisaayo baawulila bari Yesu ali khuukalusa naluundi ali khuubatisa baleekelwa bakali khufuura Yokana. 2Akhaba nga Yesu umweene s'abatisa umuundu yeesi ta, khurusakho baleekelwa beewe nibo babaabatisa.</div><div class="p"> 3Yesu n'ashimanyakho aryo, waarura mu Yuda, wakobolayo i Galilaaya. 4Nga atsya, waakana khuubirira mu Samariya. 5#Rak 33.19; Yos 24.32Aryo woola mu shiriimba she mu Samariya, shishilaangibwa shiri Sukure, nga shili aambi ni kumukuunda kweesi Yakobo aawa umwaana weewe Yusufu. 6Mu bweenemwo mwabamo isebele ya Yakobo. Ne Yesu n'aba nga waaluwile khu lwe lukyeendo, wikhala aasi aambi n'isebele iyo. Tsisaawa tsyaba nga tsisesaba tsye mwihangilwe.</div><div class="p"> 7Lwanyuma umukhasi Umusamariya nga wetsile khutaha kameetsi, Yesu waamuloma ari, &#8220;N'umbekho kameetsi inywe.&#8221; 8Baleekelwa beewe baaba baatsiile mu shiriimba khuukula biilyo.</div><div class="p"> 9 # 
 Ezira 4.1-5; Neh 4.1,2 Umukhasi Umusamariya uyo welamo Yesu ari, &#8220;Shinyalikha shiryeena iwe ubeele Umuyudaaya, khukhunoomba ise, umukhasi Umusamariya, kameetsi?&#8221; Lwekhuuba Bayudaaya ni Basamariya sibakholakana ta.</div><div class="p"> 10Yesu waamuloma ari, &#8220;Uba nga umanyile shiwaanwa sha Wele nga ni shili, naluundi uba nga umanyile uyo ukhuloombile ari, &#8216;imbekho kameetsi inywe,&#8217; Iwe wandimuloombile she khuunywa, ni naye yandikhuweele kameetsi kakareera buulamu.&#8221;</div><div class="p"> 11Umukhasi wamwiilamo ari, &#8220;Paapa, iwe s'uli ni she khuutayila kameetsi ta, naluundi isebele iyi, ili indeeyi naabi, ne kameetsi kano kakaareera buulamu, kane ukaamiise wahe? 12Iwe uli uwe angaaki naabi khufuura kuuka weefwe Yakobo uwakhuwa ifwe isebele yino, mweesi niye umweene anywatsaka, ni babaana beewe, atweela ni bibyaayo byaabwe?&#8221;</div><div class="p"> 13Yesu wamuloma ari, &#8220;Umuundu yeesi unywa kameetsi ke isebele yino, bulesa buli mulya luundi. 14Ne umuundu yeesi unywa kameetsi keesi ise imuwa, buulesa sibulimulya luundi ta. Ilala kameetsi keesi ise imuwa kalikyela mu niye isebele itubukha, nga kamuwa buulamu bubukhawawo ta.&#8221;</div><div class="p"> 15Umukhasi waamwiilamo ari, &#8220;Paapa n'umbe kameetsi ako, nio buulesa bulekhe khuundya luundi ta. Naluundi nio indekhe khukhwiitsatsaka ano khuutaha kameetsi ta.&#8221;</div><div class="p"> 16Yesu waamulomela ari, &#8220;N'utsye, ulaange umuseetsa woowo, ukobole ano.&#8221;</div><div class="p"> 17Umukhasi kila amwiilamo ari, &#8220;Ise s'indi n'umuseetsa ta.&#8221;</div><div class="p">Yesu waamwiilamo ari, &#8220;Khuuloma uri s'uli n'umuseetsa ta, waalomele sha &#331;ali. 18Lwekhuuba wakhwaalikha khu baseetsa baraano. Ni nooyo esi uli ni naye ari, s'ali umuseetsa woowo ta. Mu shino, waalomele bya &#331;ali.&#8221;</div><div class="p"> 19Umukhasi waamwiilamo ari, &#8220;Paapa, iwe uli umu&#331;oosi! 20Bakuuka beefwe besaayilatsaka khu lukiingi luno, ne inywe Bayudaaya muloma muri, mu Yerusalemu mwonyene nimwo mweesi khwakha khukhwisaayila.&#8221; 21Yesu waamuloma ari, &#8220;Mukhas'iwe, n'ufukiilile uri imbuka ili khukhwiitsa isi mulisaayila Paapa, akhuba khu lukiingi luno namwe mu Yerusalemu ta. 22Inywe Basamariya simumanya naanu isi mwisaaya ta, ne ifwe Bayudaaya khumanya isi khwisaaya. Lwekhuuba buwonesi bwama mu Bayudaaya. 23Ne imbuka ilyoola, ne khanome ndi yoolile khaale, isi babesaaya mu bwa &#331;ali, balisaaya Paapa mu Mwoyo ni mu&#331;ali, khulwekhuuba Paapa akana babaandu babaali nga abo khuumwisaaya. 24Wele ali Umwoyo, nashiryo abo babaamwisaaya, baamwisaaya mu Mwoyo ni mu &#330;ali.&#8221;</div><div class="p"> 25Umukhasi waamuloma ari, &#8220;Uyo isi baamala khuubiitakho tsikhabi (ulaangibwa ari Kristo), alikhukhwiitsa. Ni naye nga weetsile, ifwe alikhuboolela byoosi.&#8221;</div><div class="p"> 26Yesu waamuboolela lubuula ari, &#8220;Ise niy'oyu isi ulikho ukanikha ni naye.&#8221;</div><div class="p"> 27Ni abweene awo, baleekelwa beewe baakobola. Ne beyaanga khuubona nga abe Kristo alikho akanikha n'umukhasi. Ne mbaawo na mutweela uwareeba umukhasi ari shiina sheesi akana, namwe khuureeba Yesu bari lwashiina aba ali khuukanikha ni naye ta.</div><div class="p"> 28Umukhasi waalekha isoongwe yeewe, waakobolayo mu shiriimba, waaboolela babaandu ari, 29&#8220;Ni mwiitse mubone umuundu uwumboolele byoosi byeesi ise nakhola. Manya umweene uyu anyala khuuba niye Kristo?&#8221; 30Ni abweene awo babaandu bakali baama mu shiriimba baatsya isi Yesu aba.</div><div class="p"> 31Ne bino byoosi biba biryo, baleekelwa ba Yesu abe balikho bamwikontselela bari, &#8220;Umuleekeli, n'ulyekho biilyo.&#8221;</div><div class="p"> 32Ne niye wabeelamo ari, &#8220;Ise ndi ni biilyo byeesi indya, byeesi inywe mukhamanyile ta.&#8221;</div><div class="p"> 33Lwanyuma baleekelwa bekuta bonyene bari, &#8220;Manya ikhabawo umuundu umurereere biilyo?&#8221;</div><div class="p"> 34Yesu waabaloma ari, &#8220;Biilyo byase nikhwo khuukhola sheesi uyo uwanduma akana, ni khukhwoolelesa kumulimo kweewe kweesi aamba. 35Inywe simuloma muri ishiramayo kimyeesi kine nio likyesa lyoole ta? Imbaloma ndi ni mwinyuse tsimoni tseenywe mubone kimikuunda! Kyaamalile khaale khuulaba, kyoolile likyesa. 36Ni aluno, uyo ukyesa balikho bamuwa kumukheemba kweewe, naluundi abuusanisa bibyaamo khulwe buulamu bubukhawawo ta. Nio manya umumiitsi ni nooyo ukyesa banyale khukhwikhoyela atweela. 37Aluno iliwo shilomo shino sha &#331;ali shishiloma shiri, &#8216;Mutweela amiitsa, ukuundi wakyesa.&#8217; 38Ise nabarumanile khukyesa ibyo byeesi mukhakhalabanila ta. Babaandi busa babaraamba kumulimo, ne inywe mukyesa bibyaama mu maani kaabwe.&#8221;</div><div class="p"> 39Bakali khu Basamariya babaama mu shiriimba umwo, bafukiilila mu Yesu khu lwe bujulisi bw'omukhasi uyo uwaaloma ari, &#8220;Amboolele byoosi byeesi ise nakhola.&#8221; 40Baryo Basamariya beene ni beetsa isi Yesu, bamuloomba bari amenyekho ni nabo. Naye warama ibweene iyo khumala bifukhu bibili.</div><div class="p"> 41Babaandi bakali busa bamufukiililamo khu lwe bilomo byeewe. 42Baryo baloma umukhasi tsana bari, &#8220;Ari khufukiilila akhuba bari khu lweebyo byeesi iwe ukhuboolele ta, ne khulwekhuuba fwabeene khwamuwulile, luundi khwaamanyiile ilala khuri umusaani yuno niye Umuwonesi we shiibala.&#8221;</div><div class="s1">Yesu awonesa umwaana w'omuundu uwe shiriifwa</div><div class="p"> 43Lwanyuma lwe bifukhu bibili ibyo, Yesu waarurayo waatsya i Galilaaya. 44#Mat 13.57; Mako 6.4; Luka 4.24Lwekhuuba Yesu umweene aloma ari, &#8220;Umu&#331;oosi s'ali ni shiriifwa khu shaalo she waabwe ta.&#8221; 45#Yok 2.23Aryo n'ola i Galilaaya, babaandu be Galilaaya bamwikhoyela, lwekhuuba baaba baboone buli shiindu sheesi akhola mu Yerusalemu, khu Mayiiya ke Khuubirakho. Nabo baaba batsiile khu mayiiya keene ako. 46#Yok 2.1-11Yesu ndi luundi wakyeniyakho mu shaalo isho she Kana, mu Galilaaya. Ibweene iyo esi aakalusila kameetsi khukhwikyela iviini. Ne i Kaperunaumu, aabayo umusaani umukhulu mu buwuli, uwe shiriifwa, uwaba n'umusoleeli weewe, nga umulwaale. 47Umusaani uyo n'awulila ari Yesu waamile i Yuda wolile i Galilaaya, waatsya isi Yesu ali, waamuloomba ari atsye awonese umusoleeli weewe, lwekhuuba abe atsya khufwa.</div><div class="p"> 48Yesu wamuloma ari, &#8220;Inywe ni mukhalibona bubonelo bubwiyangisa, ni bye kamakaanga, simulifukiilila na khakyeekhe ta.&#8221;</div><div class="p"> 49Ne umuundu uwe shiriifwa uyo, waaloma ari, &#8220;Musakhulu, ni wiitse khutsye nga umwaana wase ashiili khufwa ta.&#8221;</div><div class="p"> 50Ne Yesu waamulomela ari, &#8220;N'utsye, umusoleeli woowo kane awone.&#8221; Umusaani uyo wafukiilila sheesi Yesu aamulomela, waatsya.</div><div class="p"> 51Ne n'aba nga ashiili khu ntsila atsya, babakaanisi beewe, beetsa bamwakaanana, baamuboolela bari, &#8220;Umusooleli woowo waawonile.&#8221;</div><div class="p"> 52Kila abareeba tsinyaanga tseesi umusoleeli aawonelamo. Baamuloma bari, &#8220;Kamayima kaamururirekho ingoloobe, khu saawa musaafu.&#8221;</div><div class="p"> 53Aryo paapa w'omusooleli washebulila ari isaawa nyene iyo, nimwo mweesi Yesu alomela ari, &#8220;Umusooleli woowo kane awone.&#8221; Ni abweene awo, umusaani uyo umweene ni be mu ntsu mweewe boosi bafukiilila mu Yesu.</div><div class="p"> 54Akhano nikho khabonelo khakheyangisa, khe khaabiili kheesi Yesu aakhola nga n'ama i Yuda wiitsa i Galilaaya.</div>
 </div>
 </div>
</div>

The Bible in Lumasaaba © Bible Society of Uganda, 2016. 

Bafarisaayo baawulila bari Yesu ali khuukalusa naluundi ali khuubatisa baleekelwa bakali khufuura Yokana. Akhaba nga Yesu umweene s'abatisa umuundu yeesi ta, khurusakho baleekelwa beewe nibo babaabatisa.
Yesu n'ashimanyakho aryo, waarura mu Yuda, wakobolayo i Galilaaya. Nga atsya, waakana khuubirira mu Samariya. Aryo woola mu shiriimba she mu Samariya, shishilaangibwa shiri Sukure, nga shili aambi ni kumukuunda kweesi Yakobo aawa umwaana weewe Yusufu. Mu bweenemwo mwabamo isebele ya Yakobo. Ne Yesu n'aba nga waaluwile khu lwe lukyeendo, wikhala aasi aambi n'isebele iyo. Tsisaawa tsyaba nga tsisesaba tsye mwihangilwe.
Lwanyuma umukhasi Umusamariya nga wetsile khutaha kameetsi, Yesu waamuloma ari, “N'umbekho kameetsi inywe.” Baleekelwa beewe baaba baatsiile mu shiriimba khuukula biilyo.
Umukhasi Umusamariya uyo welamo Yesu ari, “Shinyalikha shiryeena iwe ubeele Umuyudaaya, khukhunoomba ise, umukhasi Umusamariya, kameetsi?” Lwekhuuba Bayudaaya ni Basamariya sibakholakana ta.
Yesu waamuloma ari, “Uba nga umanyile shiwaanwa sha Wele nga ni shili, naluundi uba nga umanyile uyo ukhuloombile ari, ‘imbekho kameetsi inywe,’ Iwe wandimuloombile she khuunywa, ni naye yandikhuweele kameetsi kakareera buulamu.”
Umukhasi wamwiilamo ari, “Paapa, iwe s'uli ni she khuutayila kameetsi ta, naluundi isebele iyi, ili indeeyi naabi, ne kameetsi kano kakaareera buulamu, kane ukaamiise wahe? Iwe uli uwe angaaki naabi khufuura kuuka weefwe Yakobo uwakhuwa ifwe isebele yino, mweesi niye umweene anywatsaka, ni babaana beewe, atweela ni bibyaayo byaabwe?”
Yesu wamuloma ari, “Umuundu yeesi unywa kameetsi ke isebele yino, bulesa buli mulya luundi. Ne umuundu yeesi unywa kameetsi keesi ise imuwa, buulesa sibulimulya luundi ta. Ilala kameetsi keesi ise imuwa kalikyela mu niye isebele itubukha, nga kamuwa buulamu bubukhawawo ta.”
Umukhasi waamwiilamo ari, “Paapa n'umbe kameetsi ako, nio buulesa bulekhe khuundya luundi ta. Naluundi nio indekhe khukhwiitsatsaka ano khuutaha kameetsi ta.”
Yesu waamulomela ari, “N'utsye, ulaange umuseetsa woowo, ukobole ano.”
Umukhasi kila amwiilamo ari, “Ise s'indi n'umuseetsa ta.”
Yesu waamwiilamo ari, “Khuuloma uri s'uli n'umuseetsa ta, waalomele sha ŋali. Lwekhuuba wakhwaalikha khu baseetsa baraano. Ni nooyo esi uli ni naye ari, s'ali umuseetsa woowo ta. Mu shino, waalomele bya ŋali.”
Umukhasi waamwiilamo ari, “Paapa, iwe uli umuŋoosi! Bakuuka beefwe besaayilatsaka khu lukiingi luno, ne inywe Bayudaaya muloma muri, mu Yerusalemu mwonyene nimwo mweesi khwakha khukhwisaayila.” Yesu waamuloma ari, “Mukhas'iwe, n'ufukiilile uri imbuka ili khukhwiitsa isi mulisaayila Paapa, akhuba khu lukiingi luno namwe mu Yerusalemu ta. Inywe Basamariya simumanya naanu isi mwisaaya ta, ne ifwe Bayudaaya khumanya isi khwisaaya. Lwekhuuba buwonesi bwama mu Bayudaaya. Ne imbuka ilyoola, ne khanome ndi yoolile khaale, isi babesaaya mu bwa ŋali, balisaaya Paapa mu Mwoyo ni muŋali, khulwekhuuba Paapa akana babaandu babaali nga abo khuumwisaaya. Wele ali Umwoyo, nashiryo abo babaamwisaaya, baamwisaaya mu Mwoyo ni mu Ŋali.”
Umukhasi waamuloma ari, “Uyo isi baamala khuubiitakho tsikhabi (ulaangibwa ari Kristo), alikhukhwiitsa. Ni naye nga weetsile, ifwe alikhuboolela byoosi.”
Yesu waamuboolela lubuula ari, “Ise niy'oyu isi ulikho ukanikha ni naye.”
Ni abweene awo, baleekelwa beewe baakobola. Ne beyaanga khuubona nga abe Kristo alikho akanikha n'umukhasi. Ne mbaawo na mutweela uwareeba umukhasi ari shiina sheesi akana, namwe khuureeba Yesu bari lwashiina aba ali khuukanikha ni naye ta.
Umukhasi waalekha isoongwe yeewe, waakobolayo mu shiriimba, waaboolela babaandu ari, “Ni mwiitse mubone umuundu uwumboolele byoosi byeesi ise nakhola. Manya umweene uyu anyala khuuba niye Kristo?” Ni abweene awo babaandu bakali baama mu shiriimba baatsya isi Yesu aba.
Ne bino byoosi biba biryo, baleekelwa ba Yesu abe balikho bamwikontselela bari, “Umuleekeli, n'ulyekho biilyo.”
Ne niye wabeelamo ari, “Ise ndi ni biilyo byeesi indya, byeesi inywe mukhamanyile ta.”
Lwanyuma baleekelwa bekuta bonyene bari, “Manya ikhabawo umuundu umurereere biilyo?”
Yesu waabaloma ari, “Biilyo byase nikhwo khuukhola sheesi uyo uwanduma akana, ni khukhwoolelesa kumulimo kweewe kweesi aamba. Inywe simuloma muri ishiramayo kimyeesi kine nio likyesa lyoole ta? Imbaloma ndi ni mwinyuse tsimoni tseenywe mubone kimikuunda! Kyaamalile khaale khuulaba, kyoolile likyesa. Ni aluno, uyo ukyesa balikho bamuwa kumukheemba kweewe, naluundi abuusanisa bibyaamo khulwe buulamu bubukhawawo ta. Nio manya umumiitsi ni nooyo ukyesa banyale khukhwikhoyela atweela. Aluno iliwo shilomo shino sha ŋali shishiloma shiri, ‘Mutweela amiitsa, ukuundi wakyesa.’ Ise nabarumanile khukyesa ibyo byeesi mukhakhalabanila ta. Babaandi busa babaraamba kumulimo, ne inywe mukyesa bibyaama mu maani kaabwe.”
Bakali khu Basamariya babaama mu shiriimba umwo, bafukiilila mu Yesu khu lwe bujulisi bw'omukhasi uyo uwaaloma ari, “Amboolele byoosi byeesi ise nakhola.” Baryo Basamariya beene ni beetsa isi Yesu, bamuloomba bari amenyekho ni nabo. Naye warama ibweene iyo khumala bifukhu bibili.
Babaandi bakali busa bamufukiililamo khu lwe bilomo byeewe. Baryo baloma umukhasi tsana bari, “Ari khufukiilila akhuba bari khu lweebyo byeesi iwe ukhuboolele ta, ne khulwekhuuba fwabeene khwamuwulile, luundi khwaamanyiile ilala khuri umusaani yuno niye Umuwonesi we shiibala.”

Lwanyuma lwe bifukhu bibili ibyo, Yesu waarurayo waatsya i Galilaaya. Lwekhuuba Yesu umweene aloma ari, “Umuŋoosi s'ali ni shiriifwa khu shaalo she waabwe ta.” Aryo n'ola i Galilaaya, babaandu be Galilaaya bamwikhoyela, lwekhuuba baaba baboone buli shiindu sheesi akhola mu Yerusalemu, khu Mayiiya ke Khuubirakho. Nabo baaba batsiile khu mayiiya keene ako. Yesu ndi luundi wakyeniyakho mu shaalo isho she Kana, mu Galilaaya. Ibweene iyo esi aakalusila kameetsi khukhwikyela iviini. Ne i Kaperunaumu, aabayo umusaani umukhulu mu buwuli, uwe shiriifwa, uwaba n'umusoleeli weewe, nga umulwaale. Umusaani uyo n'awulila ari Yesu waamile i Yuda wolile i Galilaaya, waatsya isi Yesu ali, waamuloomba ari atsye awonese umusoleeli weewe, lwekhuuba abe atsya khufwa.
Yesu wamuloma ari, “Inywe ni mukhalibona bubonelo bubwiyangisa, ni bye kamakaanga, simulifukiilila na khakyeekhe ta.”
Ne umuundu uwe shiriifwa uyo, waaloma ari, “Musakhulu, ni wiitse khutsye nga umwaana wase ashiili khufwa ta.”
Ne Yesu waamulomela ari, “N'utsye, umusoleeli woowo kane awone.” Umusaani uyo wafukiilila sheesi Yesu aamulomela, waatsya.
Ne n'aba nga ashiili khu ntsila atsya, babakaanisi beewe, beetsa bamwakaanana, baamuboolela bari, “Umusooleli woowo waawonile.”
Kila abareeba tsinyaanga tseesi umusoleeli aawonelamo. Baamuloma bari, “Kamayima kaamururirekho ingoloobe, khu saawa musaafu.”
Aryo paapa w'omusooleli washebulila ari isaawa nyene iyo, nimwo mweesi Yesu alomela ari, “Umusooleli woowo kane awone.” Ni abweene awo, umusaani uyo umweene ni be mu ntsu mweewe boosi bafukiilila mu Yesu.
Akhano nikho khabonelo khakheyangisa, khe khaabiili kheesi Yesu aakhola nga n'ama i Yuda wiitsa i Galilaaya.

ऐका Yokana 4