Удирдагчдыг хойш татдаг 7 айдасЗагвар

Дүйцэхгүй байх гэх айдас

Олон удирдагчид өөрийн дааж чадахаас илүү зүйлсд хариуцлага хүлээх хандлагатай байдаг. Танай чуулган таныг үнэгүй ашиглах гэхгүй ч та үйлчлэх хүсэлтэйдээ өөрийгөө цөхөртөл үйлчлэх үе гарна. Бизнес удирдагдаг хүмүүс ч мөн л адил. Хамгийн их сэтгэл гаргасан хүн нь эцэстээ хамраараа газар хатгах үе гарна. Үүнийг уншиж байгаа та ч өөртөө үндэслэлгүй хэт өндөр хүлээлт үүсгэдэг үү? Энэ л гол асуудал болоод байгаа юм.

Таалагдахгүй байх вий, бусдын хүлээлтэд хүрэхгүй байх вий гэх айдас удирдагчдад тулгарах нь элбэг. Очиход л хангалттай байсан үйл ажиллагаанд хэт их үүрэг хүлээн авч, зарим нэгэнд ашиглуулж, туйлдаа хүртлээ ядарч, дарамт мэдэрч орхидог. Цаашлаад өөртөө нэмж хэт өндөр хүлээлт үүсгэх нь эргээд бүр илүү дарамт мэдрүүлэх шалтгаан болдог.

Энэ айдсыг давахын тулд өөрийгөө байгаагаар нь харах чухал. Таны үнэ цэнэ зөвхөн амжилтаар тодорхойлогдохгүй гэдгийг санаарай. Бодит хүлээлтийг тавьж, бодож, төлөвлөх цагийг алдалгүй гаргаж, ганцаар байж залбирах болон Бурхантай хуваалцах цаг гарга. Боломжтой бол таны өсөлтийг дэмждэг, удирдаж чиглүүлэх ментор болон найз нөхдийг хайж олоорой.

Төгс төгөлдөрөөс илүү тасралтгүй хөгжих сэтгэлгээнд тэмүүлж, ахиц дэвшилд анхаарлаа хандуулж, бэрхшээлээс суралц. Эцэст нь хамгийн чухал нь Бурханы үгтэй ойр байж, дэлхий тэр байтугай та өөрийнхөө тухай юу хэлж байгаагаас илүү Бурхан таны талаар юу хэлж байгаад итгээрэй.