ДУУЛАЛ 118:1-7
ДУУЛАЛ 118:1-7 Ариун Библи 2013 (АБ2013)
ЭЗЭНд талархал өргө. Тэрээр сайн сайхан бөгөөд, Түүний хайр энэрэл мөнхийнх. Израилиар “Түүний хайр энэрэл мөнхийнх” гэж хэлүүл. Аароны гэрээр, “Түүний хайр энэрэл мөнхийнх” гэж хэлүүл. ЭЗЭНээс эмээгчдээр, “Түүний хайр энэрэл мөнхийнх” гэж хэлүүл. Зовол хавчил дундаас ЭЗЭНд би хашхирав. Зоо тэнүүн газраар ЭЗЭН надад хариулав. ЭЗЭН миний талд, би айхгүй. Хүн надад юу хийж чадах вэ? ЭЗЭН надад туслагчдын дунд байна. Тиймээс намайг үзэн ядагсад уруу би харах болно.
ДУУЛАЛ 118:1-7 Ариун Библи, 2004 (АБ2004)
ЭЗЭНд талархал өргө. Учир нь Тэр сайн, Учир нь Түүний хайр энэрэл мөнхийн юм. Израильчуудаар хэлүүл, “Түүний хайр энэрэл мөнхийн юм”. Аароны гэрээр хэлүүл, “Түүний хайр энэрэл мөнхийн юм”. ЭЗЭНээс эмээгчдээр хэлүүл, “Түүний хайр энэрэл мөнхийн юм”. Зовлон дундаас би ЭЗЭН уруу хашхирсан юм. ЭЗЭН надад хариулж, намайг уудам газарт авчирсан. ЭЗЭН миний талд, би айхгүй. Хүн надад юу хийж чадах вэ? ЭЗЭН надад туслагчдын дунд миний талд байна. Тиймээс би намайг үзэн яддаг хүмүүс уруу харах болно.