ЕГИПЕТЭЭС ГАРСАН НЬ 25:1-9

Тэгээд ЭЗЭН Мосед айлдсан нь — Надад зориулан хандив авчир хэмээн Израилийн хөвгүүдэд хэл. Зүрхэндээ хөтлөгддөг хүн бүрээс Надад өгснийг ав. Чиний тэднээс авах хандив нь: алт, мөнгө, хүрэл, хөх, ягаан, час улаан өнгийн даавуу, нарийн нэхсэн маалинга, ямааны хялгас, улаанаар будсан хуцын арьс, далайн гахайн арьс, хуайс мод, гэрэлтүүлгийн тос, тослох тос ба анхилуун утлагад зориулсан амтлагч, оникс чулуунууд, ефод болон цээживчинд суулгах чулуунууд болой. Би тэдний дунд оршин байхын тулд Надад зориулан тэд ариун газрыг бариг. Асар болон түүний бүх эд зүйлсийн загвар болгон Миний чамд үзүүлэх бүхний дагуу чи түүнийг барь.