မ︀ႃက︀ု 3
3
လ︀ွင︀်ႈက︀ူꩫ︀်းဢ︀ꩫ︀်ႈမ︀ိုဝ်းပ︀ႃႛလ︀ိူင︀်ႈတ︀ၢႆ︀ႈမ︀ႆ︀ႛ ဢ︀ဝ်ႈꩫ︀ီႈꩭႂ်ႛ
(မ︀တ︀်တ︀ႄး 12.9-14; လ︀ုက︀ႃ 6.6-11)
1ဝၢႆ︀းꩫ︀ႆ︀ႇꩡ︀ဝ်ႛယ︀ေꩬ︀ု က︀ႃꩡ︀ွင︀်းꩬ︀ွꩫ︀်တ︀ြႃးပ︀ွက︀်ႉဢ︀ူ။ မ︀ိူဝ်ႈဢ︀မ︀ႂ်း ꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛ က︀ူꩫ︀်းဢ︀ꩫ︀်ႈမ︀ိုဝ်းပ︀ႃႛလ︀ိူင︀်ႈတ︀ၢႆ︀ႈ က︀ူဝ်ႇလ︀ိူင︀်ႈယ︀င︀်းဢ︀ူ။ 2က︀ူꩫ︀်းဢ︀ꩫ︀်ႈဢ︀မ︀ႂ်းမ︀ႆ︀ႛယ︀င︀်း က︀မ︀်ႈၸ︀ွင︀်းယ︀ႃႇ ၸ︀ူႛမ︀ိုဝ်းပ︀ႃႛလ︀ိူင︀်ႈတ︀ႆ︀ၢႈဢ︀မ︀ႂ်းမ︀ႆ︀ႛ ꩫ︀ႂ်းဝꩫ︀်းက︀မ︀်ႈꩬ︀ိꩫ︀်မ︀ႆ︀ႛ ꩡ︀ဝ်ႛယ︀ေꩬ︀ုတ︀ီဢ︀ဝ်ႈꩫ︀ီႈꩭႂ်ႛက︀ႆ︀ႊ ꩫ︀ꩬ︀ီပ︀ႂ်ႇလ︀ႅမ︀်းက︀ꩫ︀်ႈဢ︀ူ။ ၵ︀ဝ်င︀ႆ︀းꩬ︀ီ ပ︀ႂ်ႇလ︀ႅမ︀်းက︀ꩫ︀်ႈꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛ ၵ︀ႂ်ႈၵ︀ႃလ︀ွင︀်ႈဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉꩫ︀ႆ︀ႇၵ︀ဝ်ꩬ︀ီꩫ︀မ︀်။ 3ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ ၸ︀ူႛဢ︀ꩫ︀်ႈမ︀ိုဝ်းပ︀ႃႛလ︀ိူင︀်ႈတ︀ၢႆ︀ႈဢ︀မ︀ႂ်းမ︀ႆ︀ႛ “က︀ꩫ︀်ႛꩫ︀ႃႛမ︀ႆ︀ႛမ︀ႃးလ︀ႃး” ꩫ︀ဝꩫ︀်ႇ။ 4ယ︀ဝ်ႇက︀ီး ၵ︀ဝ်မ︀ႆ︀ႛ “တ︀ြႃးမ︀ႆ︀ႛ ꩭလ︀ိုဝ်ꩫ︀ႆ︀ဝႃႈဝႆ︀ႇꩫ︀ႆ︀ႇ။ ဝꩫ︀်းက︀မ︀်ႈꩬ︀ိꩫ︀်မ︀ႆ︀ႛ ꩭႂ်ႛꩡ︀ွႆ︀ႈပ︀ိူꩫ︀်ႈက︀ျႃး။ ꩭႂ်ႛယ︀ႃႇပ︀ိူꩫ︀်ႈက︀ျႃး။ ဢ︀ꩬ︀ၢက︀်ႉပ︀ိူꩫ︀်ႈမ︀ႆ︀ႛဝႃႈၵ︀ေꩬ︀ေက︀ျႃး။ ဝႃႈဢ︀ဝ်ႈတ︀ၢႆ︀ႈက︀ျႃး” ꩫ︀ꩬ︀ီထၢမ︀်ဢ︀ူ။ 5ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇတ︀ီတ︀်ꩡ︀ိပ︀်ႉꩰꩬ︀ီဢ︀ူဢ︀ူ။ ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်မ︀ႆ︀ႛဝိꩫ︀်ꩫ︀ူႈက︀ီး ၵ︀ဝ်ꩫ︀ႆ︀ႇꩡ︀ႂ်ႈတ︀ꩫ︀်ႈၸ︀ႅဝ်၊ ၸ︀ိတ︀်တ︀ြႃးၸ︀ႅဝ်ꩬ︀ီ မ︀ꩫ︀်းꩡ︀ဝ်ႛၵ︀ႂ်ႈꩡ︀ႃႇက︀ေႃႇၵ︀ႂ်ႈꩡ︀ႃႇ၊ ၵ︀ီꩡ︀ႂ်ႈ က︀ေႃႇၵ︀ီလ︀ူင︀်င︀ႆ︀းꩬ︀ီ ၸ︀ူႛဢ︀ꩫ︀်ႈမ︀ိုဝ်းပ︀ႃႛလ︀ိူင︀်ႈတ︀ၢႆ︀ႈဢ︀မ︀ႂ်းမ︀ႆ︀ႛ “မ︀ိုဝ်းမ︀ႂ်းယ︀ီတ︀်ၵ︀ွတ︀်လ︀ႃး” ꩫ︀ꩬ︀ီဢ︀မ︀ိင︀်းꩭႂ်ႛဢ︀ူ။ မ︀ꩫ︀်းက︀ေႃႇ ယ︀ီတ︀်ၵ︀ွတ︀်က︀ီး မ︀ိုဝ်းမ︀ꩫ︀်းက︀ꩡ︀ူးꩫ︀ီႈꩬ︀ူဝ်းꩰက︀ႃဢ︀ူ။ 6ꩫ︀ႆ︀ႇမ︀ႆ︀ႛ ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ လ︀ုက︀်ႉꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛ ၵ︀တ︀်ၵ︀ႅင︀်းဢ︀ွက︀်က︀ႃꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛတ︀ီꩭလ︀ိုဝ်ဢ︀ဝ်ႈတ︀ႆ︀ၢႈꩫ︀ꩫ︀ႆ︀ႇ တ︀င︀်းတ︀ပ︀ေးꩡ︀ဝ်ႛၸ︀ႃႇꩭေရ︀ုတ︀်ၵ︀ဝ် က︀ႃꩭူမ︀်ႈက︀ႅမ︀်က︀ꩫ︀်ႈဢ︀ူ။
ၸ︀ုင︀်က︀ူꩫ︀်းလ︀ူင︀်ဢ︀ꩫ︀်ႈꩡ︀ွမ︀်းလ︀င︀်ꩡ︀ဝ်ႛယ︀ေꩬ︀ု
7ဝꩫ︀်းလ︀ိူင︀်ႈ ꩡ︀ဝ်ႛယ︀ေꩬ︀ုတ︀င︀်းတ︀ပ︀ေးꩡ︀ဝ်ႛၵ︀ဝ် က︀ႃꩫ︀ွင︀်က︀ႃလ︀ိလ︀ႄးက︀ီး ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် က︀ꩫ︀်ႛလ︀င︀်မ︀ꩫ︀်းꩡ︀ဝ်ႛမ︀ႆ︀ႛꩡ︀ွမ︀်းက︀ꩫ︀်ႈဢ︀ူ။ ၸ︀ုင︀်က︀ူꩫ︀်းဢ︀မ︀ႂ်းၵ︀ဝ်ယ︀ႃႇ လ︀ုက︀်ႉတ︀ိူင︀်းက︀ႃလ︀ိလ︀ႄ၊ တ︀ိူင︀်းယ︀ုတ︀၊ 8ဝီင︀်းယ︀ေရ︀ုꩬ︀လ︀ိမ︀်၊ တ︀ိူင︀်းဢ︀ိတ︀ုမ︀ႄ၊ လ︀ုက︀်ႉၸ︀ၢက︀်ႉꩫ︀မ︀်ႇဝꩫ︀်းဢ︀ွက︀်ယ︀ေႃတ︀ၢꩫ︀်င︀ႆ︀း လ︀ုက︀်ႉၵ︀ူင︀်ႇဝီင︀်းတ︀ုရ︀ုꩫ︀ၵ︀ႃဝီင︀်းꩡ︀ိတ︀ုင︀်ꩫ︀ႆ︀ႇၵ︀ဝ်မ︀ႆ︀ႛꩫ︀မ︀်။ ၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛꩭီတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛꩥ︀ိꩫ︀်းꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ မ︀ႃးက︀ꩫ︀်ႈꩫ︀မ︀်။ 9ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ꩫ︀မ︀်ၸ︀ႅဝ်ꩬ︀ီ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ꩭႅပ︀်ႉꩫ︀ႆ︀ႇ မ︀ꩫ︀်းꩡ︀ဝ်ႛယ︀ႃႇ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ꩭိူဝ်းꩡ︀ႃႇမ︀ꩫ︀်းꩡ︀ဝ်ႛၵ︀ီ ꩭႂ်ႛꩭႅမ︀်းဝႆ︀ႇဢ︀ူ။ 10ꩡ︀ဝ်ႛယ︀ေꩬ︀ု ၸ︀ူႛၵ︀ႆ︀ႛꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀်မ︀ႆ︀ႛ ဢ︀ဝ်ႈꩫ︀ီႈꩭႂ်ႛꩬ︀ီ က︀ူꩫ︀်းက︀ႃႈꩡ︀ိုဝ်ႈပ︀ီꩫ︀်ႈၵ︀ႆ︀ႛပ︀ီꩫ︀်ႈꩡ︀ီပ︀်ꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛတ︀ႅတ︀်ႉꩫ︀ႆ︀ႇ တ︀ူꩫ︀်ႇမ︀ႃးက︀ꩫ︀်ႈဢ︀ူ။ 11က︀ူꩫ︀်းဢ︀ꩫ︀်ႈၸ︀ီꩭၢႆ︀ႇလ︀ွေႛꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛꩭꩫ︀်က︀ီး ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ မ︀ႃးၵ︀ုပ︀်ႉၵ︀ဝ်ꩬ︀ီ “ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၸ︀ူႛလ︀ုက︀်ႉꩡ︀ၢႆ︀းꩡ︀ဝ်ႛထႃဝရ︀ၸ︀ြႃးတ︀ီၵ︀ႃႛꩫ︀မ︀်” ꩫ︀ꩬ︀ီဢ︀ိဝ်က︀ꩫ︀်ႈဢ︀ူ။ 12ꩡ︀ဝ်ႛယ︀ေꩬ︀ုယ︀ႃႇ မ︀ꩫ︀်းꩡ︀ဝ်ႛပ︀ီꩫ︀်ႈၸ︀ႂ်ꩫ︀ꩫ︀ႆ︀ႇ ꩭႂ်ႛပ︀ူဝ်ႈမ︀ဝ်ဝႃႈꩫ︀ႆ︀ႇ ၵ︀ဝ်မ︀ႆ︀ႛ ꩡ︀တ︀်ပ︀ေႇပ︀ေႇဢ︀ူ။
ꩡ︀ဝ်ႛယ︀ေꩬ︀ုလ︀ိူက︀်ႉတ︀ပ︀ေးꩡ︀ဝ်ႛꩬ︀ိပ︀်ꩬ︀ွင︀်ပ︀ႃး
(မ︀တ︀်တ︀ႄး 10.1-4; လ︀ုက︀ႃ 6.12-16)
13ဝၢႆ︀းꩫ︀ႆ︀ႇ ꩡ︀ဝ်ႛယ︀ေꩬ︀ုက︀ꩫ︀်ႛꩫ︀ိူဝ်ꩫ︀ွႆ︀ႈမ︀ႆ︀ႛ ၵ︀ိုꩫ︀်ႛက︀ႃꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛၵ︀ႂ်ႈꩭွင︀်ႇꩫ︀ႆ︀ႇၵ︀ဝ်မ︀ႆ︀ႛ ꩭွင︀်ႇဢ︀ူ။ 14ၵ︀ဝ်မ︀ႃးက︀ီး မ︀ꩫ︀်းꩡ︀ဝ်ႛယ︀ႃႇ တ︀ပ︀ေးꩡ︀ဝ်ႛꩬ︀ိပ︀်ꩬ︀ွင︀်ပ︀ႃးမ︀ႆ︀ႛ လ︀ိူက︀်ႉꩬ︀ီ ၵ︀ဝ်မ︀ႆ︀ႛ “တ︀မ︀ၢꩫ︀်ꩡ︀ဝ်ႛ” ꩫ︀ꩬ︀ီꩬ︀ႂ်ꩡ︀ိုဝ်းꩭႂ်ႛဢ︀ူ။ ယ︀ဝ်ႇက︀ီး “က︀ဝ်ႈꩬ︀ူမ︀ႆ︀ႛ လ︀ိူက︀်ႉꩭွင︀်ႇꩫ︀ႆ︀ႇ ꩭၢင︀်းဢ︀ူလ︀ွေႛက︀ဝ်ႈꩫ︀မ︀်။ ꩬ︀ူမ︀ႆ︀ႛ တ︀ီပ︀ွႆ︀ꩡ︀ႂ်ႇꩭႂ်ႛက︀ႃꩭူဝ်းတ︀ြႃးꩫ︀မ︀်။ 15တ︀ꩫ︀်းၵ︀ူဝ်းဢ︀ꩫ︀်ႈꩭူဝ်ႛၸ︀ီပ︀ေႇက︀ေႃႇ တ︀ီꩭႂ်ႛꩫ︀မ︀်” ꩫ︀ဝꩫ︀်ႇ။ 16-17တ︀ပ︀ေးꩡ︀ဝ်ႛꩬ︀ိပ︀်ꩬ︀ွင︀်ပ︀ႃးယ︀ႃႇ ꩬ︀ႅင︀်မ︀ုꩫ︀် ဢ︀ꩫ︀်ႈꩡ︀ဝ်ႛယ︀ေꩬ︀ုꩭႂ်ႛꩡ︀ိုဝ်ႈမ︀ႂ်ပ︀ေတ︀ရ︀ု၊ ၸ︀ူႛလ︀ုက︀်ႉꩡ︀ေပ︀ေတ︀ႄ ယ︀ႃက︀ုꩫ︀ၵ︀ႃယ︀ေႃးꩭၢꩫ︀် ဢ︀ꩫ︀်ႈꩡ︀ဝ်ႛယ︀ေꩬ︀ုꩭႂ်ႛꩡ︀ိုဝ်ႈမ︀ႂ်ပ︀ေႃꩫ︀ေရ︀က︀တ︀်၊ ပ︀ေႃꩫ︀ေရ︀က︀တ︀်ꩫ︀ꩫ︀ႆ︀ႇၸ︀ူႛလ︀ုက︀်ႉၸ︀ႃႇꩫ︀င︀်ႈꩫ︀ꩫ︀မ︀်။ 18-19ယ︀ဝ်ႇက︀ီး ဢ︀ꩫ︀်တ︀ြေ၊ ၸ︀ိလ︀ိပ︀်၊ ပ︀ႃတ︀ေႃလ︀မ︀ႄ၊ မ︀တ︀်တ︀ႄး၊ တ︀ေႃမ︀၊ ၸ︀ူႛလ︀ုက︀်ႉဢ︀ႃလ︀ၸ︀ႄ ယ︀ႃက︀ု၊ တ︀တ︀်တ︀ႄ၊ ꩬ︀ႅင︀်မ︀ုꩫ︀် ၸ︀ူႛဢ︀ꩫ︀်ႈꩭၢက︀်ႉၸ︀ꩫ︀်းင︀ႆ︀း ယ︀ုတ︀ꩬ︀က︀ႃရ︀ုတ︀် ဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ီၸ︀ုꩫ︀်ႇꩬ︀ႅတ︀်ႉꩡ︀ႃꩫ︀ႆ︀ႇၵ︀ဝ်ꩫ︀မ︀်။
ꩡ︀ဝ်ႛယ︀ေꩬ︀ုꩫ︀ၵ︀ႃပ︀ေလ︀ꩡ︀ေပ︀ုလ︀
(မ︀တ︀်တ︀ႄး 12.22-32; လ︀ုက︀ႃ 11.14-23; 12.10)
20ꩡ︀ဝ်ႛယ︀ေꩬ︀ုလ︀ိူက︀်ႉတ︀ပ︀ေးꩡ︀ဝ်ႛၵ︀ဝ်ယ︀ဝ်ႇက︀ီး မ︀ိူဝ်းꩭိူꩫ︀်းဢ︀ူ။ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ဢ︀ၢꩫ︀်တ︀ၢꩫ︀်မ︀ႃးတ︀ုမ︀်ႈက︀ꩫ︀်ႈပ︀ွက︀်ႉꩬ︀ီ ꩡ︀ဝ်ႛယ︀ေꩬ︀ုၵ︀ဝ်ယ︀ႃႇ ယ︀ၢမ︀်းဢ︀ꩫ︀်ႈတ︀ီက︀ိꩫ︀်ႈၵ︀ဝ်ႛꩫ︀ၢႆ︀ႈက︀ေႃႇꩵ︀ႈယ︀င︀်း။ 21က︀ူꩫ︀်းက︀မ︀်ႈၸ︀ွင︀်းယ︀ႃႇ “ယ︀ေꩬ︀ုမ︀ႃႛယ︀ဝ်ႇ” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛ က︀ူꩫ︀်းꩭိူꩫ︀်းမ︀ꩫ︀်းꩡ︀ဝ်ႛၵ︀ဝ် ꩫ︀ႆ︀ႛꩥ︀ိꩫ︀်းက︀ီး မ︀ꩫ︀်းꩡ︀ဝ်ႛမ︀ႆ︀ႛ မ︀ိုင︀်ႇꩭႂ်ႛက︀ွတ︀်ꩫ︀ꩬ︀ီ ꩡ︀ွမ︀်းမ︀ႃးက︀ꩫ︀်ႈဢ︀ူ။ 22ꩬ︀ြႃတ︀ြႃးဢ︀ꩫ︀်ႈလ︀ုက︀်ႉဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛမ︀ႃးꩫ︀ႆ︀ႇၵ︀ဝ် က︀မ︀်ႈၸ︀ွင︀်းယ︀ႃႇ “ꩡ︀ဝ်ႛယ︀ေꩬ︀ုမ︀ႆ︀ႛ ၵ︀ုꩫ︀်ၸ︀ီꩭၢႆ︀ႇ ပ︀ေလ︀ꩡ︀ေပ︀ုလ︀လ︀ွေႛဢ︀ူ။ ဢ︀ဝ်ႈတ︀ꩫ︀်းၵ︀ူဝ်းၵ︀ုꩫ︀်ၸ︀ီဢ︀မ︀ႂ်းꩫ︀မ︀် ၸ︀ီꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩭူဝ်ႛꩫ︀ႆ︀ႇ” ꩫ︀ဝꩫ︀်ႇ။ 23ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်မ︀ႆ︀ႛꩭွင︀်ႇꩬ︀ီ ဢ︀ဝ်ႈပ︀ုင︀်ၵ︀ိူင︀်ႈၵ︀ၢမ︀်းဝႃႈꩫ︀ႆ︀ႇ “ၵ︀ုꩫ︀်ꩬ︀ူင︀်ယ︀ႃႇ ၵ︀ုꩫ︀်ꩬ︀ူင︀်မ︀ႆ︀ႛ တ︀ီꩭလ︀ိုဝ်ꩭူဝ်ႛꩫ︀ႆ︀။ 24မ︀ိူင︀်းဢ︀ꩫ︀်ႈလ︀ိူင︀်ႈꩫ︀ႆ︀ႇ က︀ူꩫ︀်းမ︀ိူင︀်းၸ︀ူႛꩡ︀ဝ်ႛꩫ︀ၢႆ︀ႈ က︀ၢက︀်ႉက︀ွႆ︀းက︀ꩫ︀်ႈꩬ︀ီ တ︀ိက︀်က︀ꩫ︀်ႈက︀ီး မ︀ိူင︀်းဢ︀မ︀ႂ်းလ︀ူႇပ︀ႅက︀်ႉက︀ႃဢ︀ူ။ 25ꩭွင︀်ႛꩭိူꩫ︀်းဢ︀ꩫ︀်ႈလ︀ိူင︀်ႈꩫ︀ႆ︀ႇက︀ေႃႇ က︀ူꩫ︀်းꩭိူꩫ︀်းၸ︀ူႛꩡ︀ဝ်ႛꩫ︀ၢႆ︀ႈက︀ၢက︀်ႉက︀ꩫ︀်ႈꩬ︀ီ ꩫ︀ႃက︀ꩫ︀်ႈꩫ︀ꩫ︀်းက︀ꩫ︀်ႈက︀ီး ꩭွင︀်ႛꩭိူꩫ︀်းဢ︀မ︀ႂ်းလ︀ူႇပ︀ႅက︀်ႉက︀ႃဢ︀ူ။ 26ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၵ︀ုꩫ︀်ꩬ︀ူင︀်က︀ေႃႇ တ︀ပ︀ေးမ︀ꩫ︀်းၵ︀ဝ်မ︀ႆ︀ႛ ဢ︀ဝ်ႈက︀ၢက︀်ႉက︀ွႆ︀းက︀ꩫ︀်ႈက︀ီး မ︀ိူင︀်းမ︀ꩫ︀်းက︀ေႃႇ ꩵ︀ႈၵ︀ိူင︀်က︀ိုမ︀်း၊ လ︀ူႇပ︀ႅက︀်ႉက︀ႃဢ︀ူ။ 27က︀ူဝ်ႇဢ︀ꩫ︀်ႈꩭႅင︀်းဢ︀မ︀်မ︀ႆ︀ႛ မ︀ဝ်ꩬ︀ႅဝ်ႛမ︀ဝ်ၸ︀ုက︀်ဢ︀ွꩫ︀်ႈက︀ီး ၸ︀ႂ်က︀ေႃႇ ꩭိူꩫ︀်းမ︀ꩫ︀်းမ︀ႆ︀ႛၵ︀ဝ်ႛꩬ︀ီ ꩭိမ︀်ဢ︀ဝ်ႈꩵ︀ႈꩫ︀ႆ︀ႛ။ မ︀ꩫ︀်းမ︀ႆ︀ႛꩬ︀ႅဝ်ႛၸ︀ုက︀်ယ︀ဝ်ႇဢ︀ွꩫ︀်ႈက︀ီးꩬ︀ိုင︀် ၵ︀ိူင︀်ႈꩭိူꩫ︀်းမ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭိမ︀်ဢ︀ဝ်ႈꩫ︀ႆ︀ႛꩫ︀မ︀်။ 28က︀ဝ်ႈဝႃႈꩡ︀ုꩫ︀်ႈꩰက︀ွတ︀်။ ဢ︀ပ︀ႅတ︀်ႉဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ꩭီတ︀်ၸ︀ိတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်းင︀ႆ︀း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ိတ︀်ꩬ︀ူပ︀်ၸ︀ိတ︀်ၵ︀ၢမ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ပ︀ွႆ︀လ︀ွတ︀်ႉꩭႂ်ႛꩫ︀ႆ︀ႛဢ︀ူ။ 29ꩫ︀ႆ︀ႇꩫ︀က︀ေႃႇ ၵ︀ွꩫ︀်ၸ︀ြႃးပ︀ီꩫ︀်ꩡ︀ဝ်ႛမ︀ႆ︀ႛ ပ︀ူဝ်းၸ︀ိတ︀်ꩬ︀ူပ︀်ၸ︀ိတ︀်ၵ︀ၢမ︀်းက︀ီး က︀ူဝ်ႇဢ︀ꩫ︀်ႈၸ︀ိတ︀်ဢ︀မ︀ႂ်းမ︀ႆ︀ႛယ︀ႃႇ မ︀ိူဝ်ႈလ︀ႂ်ႈက︀ေႃႇꩵ︀ႈပ︀ွႆ︀လ︀ွတ︀်ႉꩭႂ်ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀မ︀ႂ်းယ︀ႃႇ ဢ︀ပ︀ႅတ︀်ႉထႃဝရ︀မ︀ႆ︀ႛၸ︀ိတ︀်ꩬ︀ီꩫ︀မ︀်” ꩫ︀ဝꩫ︀်ႇ။ 30မ︀ꩫ︀်းꩡ︀ဝ်ႛဝႃႈင︀ႆ︀းꩫ︀ႆ︀ႇယ︀ႃႇ က︀ွပ︀်ႉပ︀ိူဝ်ႈၵ︀ဝ်က︀မ︀်ႈၸ︀ွင︀်း “မ︀ꩫ︀်းꩡ︀ဝ်ႛမ︀ႆ︀ႛၸ︀ီꩭၢႆ︀ႇလ︀ွေႛဢ︀ူ” ꩫ︀ꩬ︀ီဝႃႈꩬ︀ီꩫ︀မ︀်။
က︀ူꩫ︀်းꩭိူꩫ︀်းꩡ︀ဝ်ႛယ︀ေꩬ︀ုတ︀ေႇတ︀ေႇ
(မ︀တ︀်တ︀ႄး 12.46-50; လ︀ုက︀ႃ 8.19-21)
31ဝၢႆ︀းꩫ︀ႆ︀ႇ ꩡ︀ဝ်ႛယ︀ေꩬ︀ုမ︀ႆ︀ႛ ၸ︀ူႛမ︀ေႈမ︀ꩫ︀်းꩡ︀ဝ်ႛင︀ႆ︀း ၸ︀ူႛꩫ︀ွင︀်ႇꩡ︀ၢႆ︀းမ︀ꩫ︀်းꩡ︀ဝ်ႛၵ︀ဝ်ထိုင︀်မ︀ႃးꩬ︀ီ က︀ꩫ︀်ႛꩫ︀ွက︀်ႉꩭိူꩫ︀်းမ︀ႆ︀ႛထႃႛင︀ႆ︀း က︀ူꩫ︀်းက︀ူဝ်ႇလ︀ိူင︀်ႈမ︀ႆ︀ႛꩡ︀ႂ်ႇꩬ︀ီ ꩭႂ်ႛမ︀ႃးꩭွင︀်ႇမ︀ꩫ︀်းꩡ︀ဝ်ႛဢ︀ူ။ 32ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀င︀်ႈၵ︀ုမ︀်ႇက︀ꩫ︀်ႈင︀ႆ︀းꩬ︀ီ ၵ︀ဝ်ယ︀ႃႇ “ꩡ︀ဝ်ႛꩴ︀း မ︀ေꩡ︀ဝ်ႛ၊ ꩫ︀ွင︀်ႇꩡ︀ၢႆ︀း၊ ꩫ︀ွင︀်ႇꩬ︀ၢဝ်ꩡ︀ဝ်ႛၵ︀ဝ် က︀ꩫ︀်ႛꩫ︀ွက︀်ႉမ︀ႆ︀ႛယ︀င︀်းဢ︀ူ။ ꩡ︀ဝ်ႛမ︀ႆ︀ႛၵ︀ႃက︀ꩫ︀်ႈဢ︀ူ” ꩫ︀ဝꩫ︀်ႇ။ 33ꩡ︀ဝ်ႛယ︀ေꩬ︀ုယ︀ႃႇ “မ︀ေက︀ဝ်ႈꩫ︀ꩫ︀ႆ︀ႇၸ︀ႂ်ꩫ︀ႆ︀၊ ꩫ︀ွင︀်ႇက︀ဝ်ႈၵ︀ဝ်ꩫ︀ꩫ︀ႆ︀ႇၸ︀ႂ်ꩫ︀ႆ︀” 34ꩫ︀ယ︀ဝ်ႇက︀ီး က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ꩫ︀င︀်ႈၵ︀ုမ︀်ႇက︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ႅမ︀်းꩬ︀ီ “မ︀ေက︀ဝ်ႈꩫ︀ွင︀်ႇက︀ဝ်ႈၵ︀ဝ်ꩫ︀ꩫ︀ႆ︀ႇယ︀ႃႇ က︀ူဝ်ႇꩫ︀ႆ︀ႇၵ︀ဝ်ꩫ︀မ︀်။ 35ၸ︀ႂ်မ︀ဝ်ဝႃႈ က︀ူဝ်ႇဢ︀ꩫ︀်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ꩫ︀ွင︀်ႇꩡ︀ၢႆ︀းက︀ဝ်ႈ၊ ꩫ︀ွင︀်ႇꩬ︀ိင︀်းက︀ဝ်ႈ၊ မ︀ေက︀ဝ်ႈၵ︀ဝ်ꩫ︀မ︀်” ꩫ︀ဝꩫ︀်ႇ။
Одоогоор Сонгогдсон:
မ︀ႃက︀ု 3: kht
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2023 (Active), Wycliffe Bible Translators, Inc. All rights reserved.