Israelfɔ Ɩlʋ 41
41
Ɩlɔtsa Mpaɩ
Dawid kanfʋ-ɩlʋ ha ɩlʋ osunapʋ.
1Ansɩ igyi ɔha ánɩ́ otosusu ɔpɔnpʋ ɩwɩ.
Nana Bulu tɛlɛ mʋ lɛ ɩkplantɔ.
2Otogyo mʋ ɩwɩ, ɔtɛha mʋ nkpa.
Ɔtɛha ɩtɔwa alɛ ha mʋ ɔsʋlʋsʋ.
Ɔtamasi mʋ wa mʋ alupʋ ɩbɩtɔ.
3Ɔtɛkɩ mʋsʋ mʋ ɩlɔklansʋ,
tsa mʋ ɩlɔ, ɔtɔkʋsʋ ɔna.
4Mɩ mʋ ndɛblɩ mbɛɛ, “Oo Nana Bulu, wun mɩ nwɛ,
afʋtsa mɩ ɩlɔ; tsufɛ napʋ ɩla gyi fʋ.”
5Mɩ alupʋ bʋtamablɩ mɩ yile dʋn
“Ɔmɛnkɛ kʋraa obówu, mʋ ɩda bɔ́fwɩ?”
6Bʋtɛba bɛkɩ mɩ, fɛ amʋ́ ba.
Tamɛ bɔyɔ a, bapʋ mɩ ɩwɩ asʋn lalahɛ bɛya.
7Mɩ alupʋ amʋ fɛ́ɛ́ bʋtetsii mɩ,
blɩ mɩ ɩwɩ asʋn bɛɛ,
8“Ɩlɔ lalahɛ lada mʋ tswɩ.
Ɔmɛ́ɛtra kʋsʋ ɛkɛkɛɛkɛ.”
9Mɩ nyawie klakla ánɩ́ mɩa mʋnyɔ anɩtɔwa ɩbɩ ɔlɛpɛtɔ kʋraa
lakʋsʋ lɩɩ mɩsʋ.
10Tamɛ Nana Bulu, wun mɩ nwɛ, afʋtsa mɩ ɩlɔ;
mɩ anka mɩ alupʋ ɩkɔ!
11Ɩlaha nawun ánɩ́ fʋtekle mɩ asʋn,
tsufɛ fʋmɛ́ɛha mɩ alupʋ abʋnya mɩ ɩwɩ ansigyi.
12Ɔlala ɩma mɩ ɩwɩ, sʋ fatsu mɩ lɩɩ tɩntɩn.
Faha ansɩ dɛ mɩgyi fʋ ansɩtɔ brɛ fɛ́ɛ́.
13Bʋkanfʋ Nana Bulu, Israel Bulu amʋ;
tsu brɛá ɩtamata yɛfʋn brɛá ɩtamata.
Ɩbá mʋ́tɔ, ɩtra laba mʋ́tɔ.
Одоогоор Сонгогдсон:
Israelfɔ Ɩlʋ 41: nko
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation