Israelfɔ Ɩlʋ 26
26
Nana Bulu, Gyi Mɩ Asʋn Ha Mɩ
Dawid ɩlʋ.
1Nana Bulu, gyi mɩ asʋn ha mɩ; tsufɛ ɔlala ma mɩ ɩwɩ.
Fʋsʋ nɔpʋ ansɩ dɩnka, mmɛkɩ gyɔpɩ ntɛ bɩna.
2Oo Nana Bulu, sɔ mɩ kɩ.
Kɩ mɩ klʋntɔ, afʋkɩ mɩ nwuntɔ.
3Tsufɛ fʋ ɔdwɛá ɩma ɔka igya mɩ nkpa,
nna fʋ ɔnɔkwalɩsʋ.
4Mɩa afunupʋ anɩtamanatɩ.
Mmobuo apinabwɛbi abwɛpʋ.
5Ntekisi aha lalahɛ ofiakpa yɔ.
Mɩa lalahɛ abwɛpʋ anɩtamatsia.
6Nana Bulu, ntɔfwɩ ɩbɩ pʋsuna ánɩ́ lalahɛ kʋkʋ ma mɩ ɩwɩ,
asa ntɛba bobomli fʋ afɔdɩɛ-ɔswɩ,
7wa ɩlʋ kanfʋ fʋ kʋklʋkʋʋ,
pʋlɛ fʋ ofula fɛ́ɛ́ suna.
8Nana Bulu, fʋ woyitɔ,
igyi fʋ numnyam otsiakpa bʋ mɩ ɔdwɛ.
9Mámɔ mɩ manta lalahɛ abwɛpʋsʋ.
Mámɔ mɩ manta obugya atsitsapʋsʋ.
10Amʋ́gyi aha ánɩ́ bʋtɔgywɩɩn lalahɛ,
ŋaintɔ-atɔhɔ labʋla amʋ́ gyɔpɩ.
11Mɩ mʋ́ ɔlala ma mɩ ɩwɩ.
Gyi mɩ bʋalɛ, afʋhɔ mɩ.
12Nlɩɩ ɔtantasʋ.
Nɛ́kanfʋ Nana Bulu aha tsɔtsɔɔtsɔ ansɩtɔ anɩ ɔpasuatɔ.
Одоогоор Сонгогдсон:
Israelfɔ Ɩlʋ 26: nko
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation