Israelfɔ Ɩlʋ 24
24
Ma Ɔbɔ́dʋ Nana Bulu ɩbʋ Amʋ?
Dawid kanfʋ-ɩlʋ.
1Nana Bulu bʋ ɔsʋlʋ pʋ́ mʋ́sʋ atɔ fɛ́ɛ́.
Ɔyɩ mʋ́a mʋ́tɔ atsiapʋ fɛ́ɛ́ bʋgyi mʋ klɛ.
2Tsufɛ ɔlɔwa ɔyɩ ntswɩasɩ dɩnka ɔpʋsʋ,
oleyi mʋ́ dɩnka ntsusʋ.
3Ma ɔbɔ́dʋ Nana Bulu ɩbʋ amʋ?
Ma ɔbɛ́lɩɩ mʋ ɔtswɛkpa ɩnʋ?
4Ɔha ánɩ́ mʋ ɩbɩ fʋtʋʋ, mʋ ɩklʋntɔ lɛtɩn;
ɔtamatswɛ ɩkpɩ, ntɛ pʋ ɔnɔlɩ ka ntam.
5Mʋgyi ɔha ánɩ́ Nana Bulu obóyula.
Mʋ nkpa ɔhɔpʋ Bulu ɔbɛ́ha asʋ.
6Aha anfɩ gyi aha ánɩ́ bʋdɛ Nana Bulu dunka,
bʋdekleá bówun Yakob Bulu amʋ nɩ. Ɩya.
7Bulu ɔtswɛkpa aklʋn, mlɩfinki.
Bɩmbɩ ɔpá aklʋn, mlɩfinki ɩwɩ,
Numnyam Owie obitiwie.
8Ma gyi Numnyam Owie anfɩ?
Mʋgyi Nana Bulu, ɔha yinhɛ pʋ́ ɔwʋnlɩn mʋ wie.
Nana Bulu, ɩsa ɔkɔpʋ otumipʋ amʋ.
9Bulu ɔtswɛkpa aklʋn, mlɩfinki.
Bɩmbɩ ɔpá aklʋn, mlɩfinki ɩwɩ,
Numnyam Owie obitiwie.
10Ma gyi Numnyam Owie anfɩ?
Ɩsa Ɔnɔ Ɔlɩɩpʋ Nana Bulu,
gyi Numnyam Owie amʋ nɩ. Ɩya.
Одоогоор Сонгогдсон:
Israelfɔ Ɩlʋ 24: nko
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation