Дуулал 67
67
Бурханыг магтах үндэстнүүд
Удирдаачид: Утсан хөгжим дээр. Дуулал. Дуу.
1Биднийг нигүүлсэн биднийг ерөөж,
Царайгаа дээрээс минь
гэрэлтүүлээч, Бурхан! Села
2Энэ нь Таны зам дэлхий дээр,
Таны аврал бүх үндэстний дунд
Танигдахын тулд билээ.
3Бурхан, Таныг ард түмнүүд магтаг
Ард түмэн Таныг магтаг, бултаараа.
4Үндэстнүүд баярлан баяр хөөрөөр дуулаг.
Учир нь Та хүмүүсийг
Шударга ёсоор шүүж,
Дэлхий дээр үндэстнүүдийг
Захирах болно. Села
5Бурхан, Таныг ард түмнүүд магтаг.
Ард түмэн бүгдээрээ Таныг магтаг,
6Газар ургацаа ургуулан гаргажээ.
Бурхан, бидний Бурхан
Биднийг ерөөнө.
7Бурхан биднийг ерөөнө,
Газар дэлхийн бүх хязгаар
Түүнээс эмээдэг.
Одоогоор Сонгогдсон:
Дуулал 67: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.