Дуулал 40
40
Чөлөөлөлтийн талархал, тусламж эрсэн залбирал
Удирдаачид. Давидын дуулал.
1Би ЭЗЭНийг тэвчээртэйгээр хүлээсэн
Тэр над уруу ойртож,
Хашхирахыг минь сонссон
2Тэр намайг сүйрлийн нүхнээс,
Шавар шавхайнаас татан гаргаж,
Алхмыг минь бат бэх болгон
Хөлийг минь хадан дээр тавьсан
3Тэр миний аманд шинэ дууг
Бурхандаа өргөх магтаалын дууг оруулав
Олон хүн хараад эмээж,
ЭЗЭНд итгэх болно
4ЭЗЭНийг итгэлээ болгогсод ерөөлтэй еэ!
Тэд бардамналд эс эргэнэ, худалд үл төөрнө.
5Бурхан ЭЗЭН минь,
Таны үйлдсэн олон гайхамшгууд
Бидэнд хандсан Таны бодлууд олон юм.
Тантай эн зэрэгцэхүйц хэн ч байхгүй
Би тэдгээр гайхамшгуудыг зарлан хэлье гэсэн ч
Тэд тоолшгүй олон.
6Шатаалт ба идээн тахилыг
Та эс таална.
Та чихийг минь нээсэн
Шатаалт тахил ба нүглийн тахилыг
Та үл шаардана.#Евр 10:5–7
7Тэгэхэд би “Харагтун, би ирлээ.
Миний тухай хуйлмал номд#40:7 эсвэл Таны заавар хуулийн номд байдаг эсвэл Миний зориулалт Таны номд бичигдсэн. бичигдсэн байдаг.
8Бурхан минь ээ,
Таны тааллыг би
гүйцэлдүүлэх дуртай.
Таны хууль зүрхэнд минь бий” гэж хэлсэн
9Би зөвт байдлыг их чуулганд тунхаглав.
ЭЗЭН, харагтун, би уруулаа хамхиагүйг
Та мэднэ шүү дээ!
10Би Таны зөвт байдлыг
Зүрхэндээ эс нууцлав.
Би Таны итгэмж хийгээд
Авралыг тань тунхаглав.
Би энэрлийг, хайрыг тань хийгээд үнэнийг тань
Их чуулганаас эс далдлав.
11ЭЗЭН, Та надаас
Өршөөлөө бүү зайлуулаач,
Энэрэл хайр хийгээд үнэнээрээ
Намайг үргэлж хамгаалаач!
12Учир нь тоо томшгүй бузрууд
намайг тойрчээ,
Харж чадахгүй болтлоо
хилэнц нүгэлд би баригджээ.
Тэдгээр нь толгойны минь үснээс ч илүү олон бөгөөд
Зүрх минь ч мохжээ
13ЭЗЭН, намайг аврахаар соёрхооч!
ЭЗЭН, надад туслахаар хурдлаач!
14Миний амийг эрэн хайгчид
Доромжлогдон ичгүүрт орог
Намайг гайтахад баярлагчид
Эргэж, шившиг болог!
15Өөрт минь “Ха, ха!” хэмээгчид
Өөрсдийнхөө ичгүүрээс болж айцгааг!
16Харин Таныг эрэн хайгчид бүгд
Таны дотор баярлан баясаг
Таны авралыг хайрлагсад
“ЭЗЭН агуу” гэж үргэлж хэлэг.
17Би зүдэрсэн, гачигдсан ч
Эзэн намайг санана.
Та миний тусламж, Та миний аврагч билээ.
Бурхан минь ээ, бүү саатаач!
Одоогоор Сонгогдсон:
Дуулал 40: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.