Дуулал 32
32
Уучлагдахуйн баяр хөөр
Давидаас. Маскил.
1Ёс бус явдал нь уучлагдаж,
Нүглүүд нь далдлагдсан нэгэн
Юутай ерөөлтэй!#Ром 4:7–8
2Нүглийг нь ЭЗЭН үл тооцдог бөгөөд
Сүнсэндээ заль мэхгүй хүн ерөөлтэй еэ!
3Намайг дуугүй байх зуур
Өдөржингөө ёолсноос болж
Яс минь яйрчээ.
4Учир нь өдөр шөнөгүй Таны мутар намайг хүндээр дарж,
Шим шүүс минь зуны ганд хатсан буюу. Села
5Би нүглээ улайн #32:5 2См 12:13
Танд хэлсэн бөгөөд
Хилэнцээ би нуугаагүй.
“Би ЭЗЭНд гэмт үйлдэлээ хүлээнэ” гэж би хэлсэн.
Тэгээд Та миний хилэнцийг уучилсан билээ. Села
6Тиймээс бишрэлтэн бүр
Таны олдох#32:6 ЭНО-дхэрэгтэй цагт
Танд залбираг.
Их ус үерлэхэд тэд түүнд мэдээж хүрэхгүй.
7Та миний хоргодох газар,
Та намайг зовлон шаналлаас хамгаалан
Та намайг авралын дуугаар хүрээлдэг. Села
8Би явах ёстой замд чинь чамд зааварлан зааж өгнө
Нүд минь чамайг ширтэн чамд зөвлөнө.
9Ухаангүй адуу, луус шиг бүү бай.
Тэднийг хазаар ногтоор оосорлон барихгүй бол
Чамд ойртон үл ирэх буюу.
10Гэм буруутны зовлон шаналал их
ЭЗЭНд найдагч хүнийг
Хайр энэрэл хүрээлэх болой.
11Зөвт хүмүүс ээ, та нар
ЭЗЭН дотор баярлан баясагтун,
Зүрхээрээ чигч шударга бүгд ээ,
Та нар баярлан хашхирагтун!
Одоогоор Сонгогдсон:
Дуулал 32: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.