Дуулал 115
115
Бурхан ба шүтээний ялгаа
1Бидэнд биш, өө ЭЗЭН, бидэнд биш,
Энэрэл хайр ба үнэнийхээ төлөө
Өөрийнхөө нэрд л алдрыг өргө.
2Үндэстнүүд юунд
“Тэдний Бурхан одоо хаана байна вэ?” гэх ёстой вэ?
3Бурхан маань тэнгэрт байдаг.
Тэр хүссэн бүхнээ үйлддэг.
4Тэдний шүтээнүүд гэвээс мөнгө ба алт,
Хүний гарын бүтээл буюу.#Дуу 135:15–18; Илч 9:20
5Амтай боловч ярьдаггүй
Нүдтэй боловч хардаггүй
6Чихтэй боловч сонсдоггүй
Хамартай боловч үнэрлэдэггүй
7Гартай боловч тэмтэрдэггүй
Хөлтэй боловч алхдаггүй
Хоолойгоороо ч дуу гаргадаггүй.
8Тэдгээрийг бүтээгчид,
Тэдэнд итгэгч бүгд
тэдэнтэйгээ адил буюу.
9Израиль аа, ЭЗЭНд итгэгтүн.
Тэдний тусламж, тэдний бамбай нь Тэр юм.
10Аароны гэр ээ, ЭЗЭНд итгэгтүн.
Тэдний тусламж, тэдний бамбай нь Тэр юм.
11ЭЗЭНээс эмээгчид ээ,
ЭЗЭНд итгэгтүн.
Тэдний тусламж, тэдний бамбай нь Тэр юм.
12ЭЗЭН биднийг санасаар ирсэн,
Тэр ерөөнө.
Израилийн гэрийг ерөөнө.
Аароны гэрийг ч бас ерөөнө.
13ЭЗЭНээс эмээгсдийг
Их багагүй хамтад нь Тэр ерөөнө.#Илч 11:18, 19:5
14ЭЗЭН та нарыг,
Та нар дээр та нарын хүүхдүүдийг ч
улам нэмэх болтугай.
15Тэнгэр газрыг бүтээгч ЭЗЭНээс
Та нар ерөөл хүртэх болтугай.
16Тэнгэрс бол ЭЗЭНий тэнгэрс,
Харин дэлхийг Тэрээр хүний хөвгүүдэд өгчээ.
17Үхэгсэд, анир чимээгүй уруу одогсод
ЭЗЭНийг магтдаггүй.
18Харин бид өдгөөгөөс өнө мөнхөд
ЭЗЭНийг магтана.
ЭЗЭНийг магтагтун!
Одоогоор Сонгогдсон:
Дуулал 115: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.